عورت مجتہدہ یا فقیہ ہو سکتی ہے ؟

[سرفراز فیضی]

وضاحت

اجتہاد علمی نہیں عقلی صلاحیت کا دوسرا نام ہے۔ میرا ایک پی ایچ ڈی کا مقالہ یہاں کتاب وسنت ویب سائیٹ پر موجود ہے کہ جس میں، میں نے امام شافعی سے لے کر شیخ قرضاوی تک اجتہاد کی ایک صد تعریفات کا تجزیہ کیا ہے۔ اجتہاد فقہ الاحکام کو فقہ الواقع پر لاگو کرنے کا نام ہے یا اجتہاد آسان الفاظ میں قرآن و سنت کی وسعتوں اور گہرائیوں سے اپنی عقل کو استعمال کرتے ہوئے جدید مسائل کا حل تلاش کرنے کا نام ہے۔ اجتہاد اور ذہنی جدوجہد لازم و ملزوم ہے۔ ذہنی جدوجہد کے بغیر اجتہاد ممکن نہیں ہے

ہم نے اجتہاد کے لیے عقلی صلاحیت کی درکاری کا انکار نہیں کیا ۔ پتہ نہیں آپ نے ہماری تحریر مکمل پڑھی نہیں یا اجتہاد کے لیے عقلی صلاحیتوں کا ذکر جو ہم نے کیا ہے آپ نے اسے نظر انداز کردیا۔ دیکھیے ہم نے لکھا ہے ۔

اجتہاد جس عمل کا نام ہے اس کا تعلق جسمانی بناوٹ سے نہیں علم و عقل سے ہے

ائمہ اصول اور فقہاء امت نے مجتہد کے جو شروط بیان فرماِئے ہیں ان سب کا تعلق فکر و نظر کی قوتوں اور استدلال و استنباط کی صلاحیتوں پر ہے۔

ہم یہ کہتے ہیں کہ اجتہاد کا عمل علم اور عقل دونوں کے اجتماع کے ساتھ وجود میں آتا ہے ۔ اگر آپ یہ سمجھتے ہیں کہ اجتہاد کے لیے علمی صلاحیت کی کوئی ضرورت نہیں

اجتہاد علمی نہیں عقلی صلاحیت کا دوسرا نام ہے۔

تو اس کے لیے دوسرا تھریڈ شروع کیجیے تاکہ اس موضوع پر بھی گفتگو کی جاسکے ۔ اس تھریڈ میں ہم اجتہاد نسواں کی شرعی حیثیت کے علاوہ اور کسی موضوع پر بات نہیں کریں گے ۔
جاری۔۔۔۔۔۔۔۔۔۔۔۔

 

[سرفراز فیضی]

جواب

ناقص عقل کے مجتہد یا فقیہ ہونے کی کوئی شرعی دلیل موجود نہیں ہے اور اگر کسی کے پاس ہو تو اسے نقل کر دے۔

پہلی دلیل

مَنْ يُرِدِ اللَّهُ بِهِ خَيْرًا يُفَقِّهْهُ فِي الدِّينِ میں من کا عموم ۔۔ جس کا آپ نے کوئی جواب نہیں دیا ۔
اگر آپ یہ سمجھتے ہیں یفقہہ فی الدین کے عموم میں خواتین شامل نہیں تو آپ کو انہیں یرد اللہ بہ خیرا کے زمرہ سے بھی خارج کردینا چاہیے کیونکہ دونوں باتیں لازم و ملزوم ہے۔

دسری دلیل

حضرت عائشہ ( ایک عورت) کے اجتہادات پر امت کا اجماع۔

 

[باذوق]

پس کسی بھی شعبہ زندگی کے معاملات اس طرح عورت کے سپرد کر دینا کہ اس میں مرد اس کے ماتحت ہوں یا وہ مردوں کے برابر ہو تو اسلام اور تقدیر کے خلاف ایسی جنگ ہے کہ جس میں مخالفین کی شکست مقدر ہے۔ باقی رہا مسئلہ عورتوں کا عورتوں کی رہنمائی کرنا یا عورتوں کا بعض جزوی مسائل میں اپنی رائے کا اظہار کرنا یا عورتوں کا کتاب و سنت کو سمجھ کر ان پر عمل کرنا تو یہ محل نزاع نہیں ہے۔

دلچسپ اقتباس ہے !
گو کہ روشن خیال مسلمانوں کے ساتھ مباحث میں کئی ایسے نام سامنے لائے جاتے ہیں جنہیں بحیثیت مجموعی "کامیاب" بھی قرار دیا جاتا ہے ۔۔۔ مثلا وزارت خارجہ جیسے اہم منصب پر ۔۔۔ حنا ربانی ، اندرا گاندھی ، دیپو مونی ، سجاتا کوئرالہ ، بنڈرانائکے ، میڈلین البرائیٹ ، کنڈالیز رائس ، ہلاری کلنٹن ، اکمارل خیڈرون (قازقستان) ، شیخلو مخمودہ (ازبکستان) ، روزا اتنبیو (کرغستان) ، تانسو سلر (ترکی) ، پرنسس مسنا بنت عمر علی (برونی) ، تناکا مکیکو (جاپان) ، النکا متروا (مقدونیا) ۔۔۔۔ ایک طویل فہرست ۔۔ شائقین گوگل کر لیں :)
اور شاید آجکل اسلامی (دینی؟) دنیا میں بھی یہ لہر جاری ہو !!

 

[سرفراز فیضی]

تفہیم

اجماع کی تعریف میں یہ بات جوہری عنصر کے طور شامل ہے کہ اجماع کسی شرعی حکم پر ہوتا ہے نہ کہ تاریخی واقعہ یا تاریخی حقیقت یا تاریخی وقوعہ پر۔
اجماع کی تعریف میں یہ بات جوہری عنصر کے طور شامل ہے کہ اجماع کسی شرعی حکم پر ہوتا ہے نہ کہ تاریخی واقعہ یا تاریخی حقیقت یا تاریخی وقوعہ پر۔

حضرت عائشہ کے اجتہاد کا مستحسن ہونے پر امت کے اتفاق کا لازمہ یہ نکلتا ہے عورت کی طرف سے اجتہاد کے جائز ہونے پر امت کا اجماع ہے ۔ اپنی تحریر میں ہم نے یہی بات کہنی چاہی تھی جسے ہم بیان نہ کرسکے اور آپ سمجھ نہیں پائے ۔

 

[سرفراز فیضی]

معذرت

بھئی یہی تو میرا سوال ہے کہ وہ دائرہ کیا ہے، اس کی حدود کیا ہیں اور اس دائرے کی دلیل کیا ہے؟۔ آپ پہلے دائرے کو اس کی حدود کے ساتھ بیان کریں، پھر دیکھتے ہیں کہ مجتہدہ اور فقیہ اس دائرے کے اندر داخل ہے یا باہر، اور اس دائرے کی حدود کے دلائل بھی برائے مہربانی نقل کر دیجیے گا۔ اگر عورت نقاب پہن پر ٹیلی ویژن پر درسقرآن دے سکتی ہے، ٹیلی ویژن پر شرعی رہنمائی کر سکتی ہے تو نقاب پہن کر سپریم کورٹ میں بیٹھ کر فیصلے کیوں نہیں کر سکتی ہے؟ اور نقاب پہن کر چیف آف آرمی سٹاف کیوں نہیں بن سکتی؟ کیا امت مسلمہ کی تاریخی میں صحابیات میدان جنگ میں اپنی خدمات پیش نہیں کرتی رہی ہیں؟

دائزہ کا رکی تفصیل لمبی ہے ۔ مولانا ابوالاعلی مودودی کی پردہ پڑھیے انہوں نے بہت مفصل بیان فرمایا ہے ۔

 

[سرفراز فیضی]

مطالبہ
من یرد اللہ بہ خیرا کے عموم سے سے خواتین کو خارج کرنے کی دلیل ؟
عورت کے فقیہ یا مجتہد بن جانے سے کون کون سے اسلامی احکامات کی خلاف ورزی ہوتی ہے ؟
آپ کے علاوہ امت کی پوری تاریخ اور کتنے اور کون سے علماء ہیں جنہوں نے خواتین کے لیے اجتہاد کو ممنوع قرار دیا ہے؟

 

[سرفراز فیضی]

شکریہ

اسے دلیل کی دنیا میں سقراط کا طریق کار کہتے ہیں کیونکہ سقراط کا طریقہ کار یہ تھا کہ وہ مکالمہ یا ڈائیلاگ میں جواب نہیں دیتا تھا بلکہ صرف فریق مخالف کا سوال درست کر دیتا تھا اور اس سے اس کے نزدیک مقصود فرق مخالف کے علم میں اضافہ کے ساتھ ساتھ اس کے تجزیہ کرنے کی صلاحیت کو بھی جلا بخشنا ہوتا تھا۔

علوی بھائی علم ، عمر، تجربہ ہر اعتبار سے میری حیثیت آپ کے سامنے ایک طالب علم کی ہے ۔ اور میں بالکل کھلے ذہن کے ساتھ آپ کے علم سے فائدہ اٹھانے کا متمنی ہوں ۔لہذا ایک شاگرد ہونے کی حیثیت سے سوال کرنے بلکہ حسب ضرورت سوال اٹھانے کا حق رکھتا ہوں ۔ استاذ ہونے کے ناطے سے آپ کےلیے اپنے شاگرد کو مطمئن کرنا لازم ہے ۔
علم کے اضافہ کےلیے شکریہ !

 

[سرفراز فیضی]

ازالہ شبہ

پس کسی بھی شعبہ زندگی کے معاملات اس طرح عورت کے سپرد کر دینا کہ اس میں مرد اس کے ماتحت ہوں یا وہ مردوں کے برابر ہو تو اسلام اور تقدیر کے خلاف ایسی جنگ ہے کہ جس میں مخالفین کی شکست مقدر ہے۔

عورت کے مجتہد یا فقیہ ہونے سے یہ قطعا لازم نہیں آتا کہ مرد حضرات خود کو اس مجتہدہ کے سپرد کردیں ۔یہ سپردگی تو کسی مرد فقیہ کے حق میں بھی نہیں ہوگی ۔ اسی سپردگی ہی کو تو ہم تقلید کہتے ہیں ۔ سپردگی ان دلائل کے تئیں ہوگی جو مجتہد یا مجتہدہ اپنے موقف کے اثبات کے لیے پیش کررہے ہیں ۔

 

[رفیق طاھر]

لیکن ۔۔۔ پھر تو دو میں سے ایک بات ممکن ہے :

• عورتوں کو زندگی کے ہر شعبہ (بااستثنائے عورت کے مخصوص شعبہ جات) میں مردوں سے پیچھے رکھنا چاہیے
• عورتوں کو زندگی کے ہر شعبہ میں مردوں کے شانہ بشانہ رکھنا چاہیے یا اگر وہ چاہیں تو مردوں سے برتر بھی ہو سکتی ہیں

ان دو باتوں میں سے دوسری بات ممکن ہے لیکن على الاطلاق نہیں !
یعنی بہت سے کاموں میں عورتیں مردوں کے شانہ بشانہ اور برابر بلکہ بسا اوقات برتر بھی ہوسکتی ہیں لیکن اکثر کاموں میں وہ مردوں سے پیچھے ہی رہیں گی ۔
مثلا :
کسی کی اہلیہ کمپیوٹر اور انٹرنیٹ کی دنیا میں اپنے سرتاج کے شانہ بشانہ رہتی ہیں اور کھانے کے دسترخوان پر بھی ۔اور اسکے علاوہ اور بھی بہت سے میدانوں میں ۔۔۔۔۔۔۔۔۔۔
اور ان میدانوں مردو زن کا شانہ بشانہ ہونا کسی طور بھی ممنوع نہیں ہے بلکہ شریعت نے اسکا حکم دیا ہے کہ ان میدانوں میں عورتوں کو مردوں سے پیچھے نہ رکھا جائے بلکہ انہیں بھی برابر کا حق دیا جائے ۔
اور اسی طرح بہت سے کام ایسے ہیں جو زن و شو دونوں پر شریعت نے لازم کیے ہیں لیکن والدہ ان کاموں میں والد سے آگے ہیں مثلا :
بچوں کی تعلیم وتربیت کا کام دونوں والدین پر فرض ہے لیکن والدہ اس معاملہ میں برتر ہیں ۔ وہلم جرا ۔۔۔

آخر کیا وجہ ہے کہ ہم بار بار علمی دینی کتب میں یہ پڑھتے ہیں کہ عورت اور مرد کے علیحدہ علیحدہ دائرہ عمل شریعت نے متعین کر دئے ہیں اور عورت شمع محفل نہیں بلکہ چراغ خانہ ہے؟؟

باذوق صاحب اپنے ذوق سلیم کو بروئے کار لائیں اور شمع محفل اور چراغ خانہ کے الفاظ پر ہی غور کریں تو وجہ سمجھ آجائے گی کہ شمع بھی اپنے ماحول کو روشن کرتی ہے اور چراغ بھی ۔
روشنی کرنے میں دونوں برابر ہیں ہم صرف یہ کہتے ہیں کہ عورت کو چراغ خانہ ہی رہنے دیں یعنی اسکی ضوء فشانیاں محرم خانہ تک ہی محدود رہیں ، نامحروں کو اسکی لذت نہ پہنچے ۔
لیکن ہم یہ بات نہیں کرتے کہ عورت ماحول کو منور کرنے سے قاصر ہے ۔
اور یہی بات کتاب اللہ میں بھی بیان ہوئی ہے کہ عورت محدود دائرہ کار میں رہتے ہوئے یہ کام سر انجام دے سکتی ہے ۔

ایک مرتبہ بھی باذوق صاحب کی ضیافت ذوق کے لیے عرض کیے دیتا ہوں کہ یہ تھریڈ اس مبحت کے لیے نہیں ہے ۔
لہذا اسے اسی موضوع تک ہی رہنے دیں جسکے لیے یہ ہے ۔ تاکہ خلط مبحث نہ ہو جائے ۔
جزاکم اللہ خیرا وبارک فیکم

 

[باذوق]

شکریہ رفیق طاہر بھائی :)

ایک مرتبہ بھی باذوق صاحب کی ضیافت ذوق کے لیے عرض کیے دیتا ہوں کہ یہ تھریڈ اس مبحت کے لیے نہیں ہے ۔
لہذا اسے اسی موضوع تک ہی رہنے دیں جسکے لیے یہ ہے ۔ تاکہ خلط مبحث نہ ہو جائے ۔

معذرت خواہ ہوں کہ آپ کو دوبارہ یاددہانی کی ضرورت پیش آئی۔ لیکن میں سمجھتا ہوں کہ آپ کی درج ذیل اہم وضاحتیں ۔۔۔ بہت ممکن ہے کہ اس تھریڈ کی بحث میں آگے چل کر کام آئیں اور مجھ سمیت دیگر اراکین بھی موضوع کے تمام پہلوؤں کو سمجھنے میں آسانی محسوس کریں

• ان دو باتوں میں سے دوسری بات ممکن ہے لیکن على الاطلاق نہیں !
• یعنی بہت سے کاموں میں عورتیں مردوں کے شانہ بشانہ اور برابر بلکہ بسا اوقات برتر بھی ہوسکتی ہیں لیکن اکثر کاموں میں وہ مردوں سے پیچھے ہی رہیں گی ۔
• ۔۔۔ اور ان میدانوں مردو زن کا شانہ بشانہ ہونا کسی طور بھی ممنوع نہیں ہے بلکہ شریعت نے اسکا حکم دیا ہے کہ ان میدانوں میں عورتوں کو مردوں سے پیچھے نہ رکھا جائے بلکہ انہیں بھی برابر کا حق دیا جائے ۔
• اور اسی طرح بہت سے کام ایسے ہیں جو زن و شو دونوں پر شریعت نے لازم کیے ہیں لیکن والدہ ان کاموں میں والد سے آگے ہیں
• ۔۔۔ ہم صرف یہ کہتے ہیں کہ عورت کو چراغ خانہ ہی رہنے دیں یعنی اسکی ضوء فشانیاں محرم خانہ تک ہی محدود رہیں ، نامحروں کو اسکی لذت نہ پہنچے ۔ لیکن ہم یہ بات نہیں کرتے کہ عورت ماحول کو منور کرنے سے قاصر ہے ۔
• اور یہی بات کتاب اللہ میں بھی بیان ہوئی ہے کہ عورت محدود دائرہ کار میں رہتے ہوئے یہ کام سر انجام دے سکتی ہے ۔