غیر سرکاری روئیت ھلال کمیٹیوں کی شرعی حیثیت کیا ہے ؟؟؟

[محمد عامر یونس]

نہیں جی پہلے سعودیہ
پھر پشاور
پھر مفتی منیب
اور پھر غریب اہل حدیث
ویسے مجھے لگتا ہے کہ غریب اہل حدیث بعد میں عید اس لئے کرتے ہوں گے کہ یہ واقعی غریب ہوں گے اور دوسروں کی عید والے دن فطرانہ کا انتظار کرتے رہتے ہوں گے اور جب وہ اکٹھا ہو جاتا ہو گا تو اگلے دن بازار سے خریدنے جاتے ہوں گے اور اسکو عید کہتے ہوں گے
(عامر صاحب آپ ناراض نہ ہونا یہ دل لگی ہے ان غریبوں سے)

میرے بھائی غرباء سے مراد کیا غریب ہوتا ہے ؟؟؟؟

 

[اسحاق سلفی]

میرے بھائی غرباء سے مراد کیا غریب ہوتا ہے ؟؟؟؟

یہ اصل میں صحیح حدیث میں وارد ایک ’’ خاص ‘‘ لفظ ہے جس سے مراد وہ لوگ ہیں ،جنہیں دین اسلام پر عمل کی وجہ سے اپنے بھی بیگانہ اور اجنبی سمجھیں گے ،
اونچی شلوار ،لمبی داڑھی ،ہر وقت حلال و حرام کی تمیز ۔۔۔ایسے لوگوں کو اپنے ماحول میں بھی نا شناسا اور عجیب نامانوس سمجھا جاتا ہے ؛

عَنْ أَبِي هُرَيْرَةَ، قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: «بَدَأَ الْإِسْلَامُ غَرِيبًا، وَسَيَعُودُ كَمَا بَدَأَ غَرِيبًا، فَطُوبَى لِلْغُرَبَاءِ»(صحیح مسلم کتاب الایمان ،حدیث نمبر ۲۳۲ )

ابوہریرہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”اسلام اجنبی حالت میں شروع ہوا اور عنقریب پھر اجنبی ہو جائے گا،جیسے شروع میں تھا، تو ایسے وقت میں اس پر قائم رہنے والے اجنبیوں کے لیے خوشخبری ہے“۔

 

[اسحاق سلفی]

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[خضر حیات]

یہ بات اپنی سمجھ میں نہ آسکی کہ پشاور والوں کو لازماً چاند ایک دن پہلے کیوں نظر آتا ہے ،
یہ بات واقعی سوال کے طور پر عرض کی ہے ،مناظرہ یا طنز کے طور پر نہیں ؛

مفتی شہاب الدین پوپلزئی کا انٹرویو امت والوں نے شائع کیا ہے ، اس کو دیکھنا اس سلسلے میں مفید رہے گا :
http://ummat.net/2015/07/16/deen.php?p=deen2.gif

 

[فلک شیر]

رویت ہلال کا سلسلہ بھی عجیب ہے....
میرا خیال ہے... اس میں بھی کہیں. نہ کہیں تازہ فکری مسائل.... جیسے اپنے اپنے ملک کی عید یا امت کی عید.... یا ایک ہی ملک میں کئی عیدیں....
مجھے یہ سمجھ نہیں آتی... کہ لنڈی کوتل میں اگر عیدہے تو ساتھ ہی سرحد پار کر کے افغانستان میں عید نہ ہونے کے امکانات کیسے ہو سکتے ہیں؟؟
چاند کو کیا خبر... کہ یہ افغانستان ہے اور یہ پاکستان
سو نیشن اسٹیٹ ـــــــــــ یعنی پاکستان، افغانستان ، کرغیزستان کے مطالع زبردستی ایک تو کیے نہیں جا سکتے، کہ فطرت آپ کی ان سرحدات کو تسلیم نہیں کرتی
دوسری طرف حکومات ان تہواروں کو اتحآد کا مظہر بنانے کی بھی شدید خواہشمند پائی جاتی ہیں ــــــــــــ اور شرع کو اس سلسلہ میں تجدید سے ہم آہنگ کروانا چاہتی ہیں
مذہبی طبقہ اسے سائنس کی ہوا لگنے سے اپنی ڈومین سے ایک اور چیز نکل جانے کا خدشہ پالتا ہے ــــــــــــ
سو یہ سب مل کر عجیب گورکھ دھندا بن جاتا ہے ـــــــــــــ جس کے پیچھے صرف مذہب نہیں ــــــــــــــ معاش، تعصب، ثقافتی تنوع، جدید فکری سوالات، مذہب اور سائنس کی کشمکش سب کچھ ہے ۔

 

[محمد فیض الابرار]

صرف چند پہلووں کو مدنظر رکھا جائے تو میرا خیال ہے کچھ بہتری کے اآثار نمودار ہو سکتے ہیں
کیا خیبر پختون خواہ جغرافیائی بنیادوں پر ایسے خطے میں واقع ہے جہاں چاند جلد نظر آنے کے امکانات زیادہ ہوتے ہیں یا کراچی کا خطہ ؟
صرف رویت ھلال کمیٹی ہی کیا ہم بہت سے معاملات میں حکومتی کمیٹیوں کے محتاج اور پابند ہیں صرف نکاح کے معاملے کو ہی دیکھ لیا جائے کیا نکاح کا فارم عقیدہ توحید اور متابعت رسالت کا مظہر ہے یا نہیں لیکن اس کے باوجود ہم اسے مانتے ہیں؟ تو سرکاری طور پر کمیٹی پر اعتراضات کیوں؟
مفتی شہاب الدین پوپلزئی کو مرکزی رویت ھلال کمیٹی میں شامل کیوں نہیں کیا جاتا بالخصوص اس وقت جب خیبر پختون خواہ کی کمیٹی کے اراکین صرف نشستند اور طعامند کے ہی قائل ہوں ؟ کیوں کہ کچھ سال پہلے عملا میرے کچھ شاگرد جو وزیر ستان سے تھے انہوں نے باقاعدہ چاند دیکھنے کی اطلاعات کو رویت ھلال کمیٹی تک پہنچایا انہوں نے ماننے سے انکار کر دیا اور جب انہوں نے مفتی پوپلزئی سے رابطہ کیا تو ان کے پاس مزید شہادتیں اآ چکی تھی تو انہوں نے اعلان کر دیا لیکن ہمارے مفتی منیب الرحمن اینڈ کمپنی؟
اور جن صاحب یعنی عبداللہ بھائی نے یہ تحریر پوسٹ کی ہے ان سے عرض ہے کہ ان کمیٹیوں میں جو موحد بھائی ہوتے ہیں وہ کیا کرتے ہیں ؟ تنخواہیں یا سہولتیں یا منصب کا حصول؟ وہ کھل کر بات کیوں نہیں کرتے کیا یہی توحید ہے ان کی ؟ اگر کسی سے ملاقات ہو تو ضرور پوچھیے گا جنہیں میں جانتا ہوں وہ صرف موحد ہی ہیں باقی کام ان کے مشرکوں سے بدتر؟
اور آخری بات کیا مطالع کے فرق میں ملک کی جغرافیائی حدود کا بھی کوئی تعلق ہے؟ یعنی ایک ملک کی حدود کا مطالع ایک ہو؟

باقی رہی مفتی پوپلزئی ہو یا مفتی منیب دونوں میں سے ایک چاند چڑھاتا ضرور ہے اب کون سے موصوف ہیں یہ کارنامہ انجام دینے والے اس حوالے سے توپوں کا رخ محض مفتی پوپلزئی کی طرف کرنا مسئلہ کا حل نہیں

 

[محمد نعیم یونس]

کچھ سال پہلے عملا میرے کچھ شاگرد جو وزیر ستان سے تھے انہوں نے باقاعدہ چاند دیکھنے کی اطلاعات کو رویت ھلال کمیٹی تک پہنچایا

السلام علیکم ورحمۃ اللہ وبرکاتہ!
محترم شیخ صاحب! تھوڑی سی وضاحت مطلوب ہے۔ کیا آپ کے شاگردوں نے چاند خود دیکھا تھا؟ یا انہیں بھی کسی نے اطلاع کی تھی؟ اور اس وقت وہ وزیرستان میں تھے؟ یا کراچی میں ؟
جزاک اللہ خیرا!

 

[محمد فیض الابرار]

السلام علیکم ورحمۃ اللہ وبرکاتہ!
محترم شیخ صاحب! تھوڑی سی وضاحت مطلوب ہے۔ کیا آپ کے شاگردوں نے چاند خود دیکھا تھا؟ یا انہیں بھی کسی نے اطلاع کی تھی؟ اور اس وقت وہ وزیرستان میں تھے؟ یا کراچی میں ؟
جزاک اللہ خیرا!

وہ خود وزیرستان میں تھے اور بقول ان کے انہوں نے خود دیکھا تھا چونکہ پہاڑی علاقہ ہے اس لیے مطلع صاف ہوتا ہے آلودگی والا مسئلہ بھی نہیں ہوتا اگر کہیں گے تو میں کوشش کر کے ان سے رابطہ کرتا ہوں مزید تاکید کر لیتا ہوں

 

[محمد نعیم یونس]

اگر کہیں گے تو میں کوشش کر کے ان سے رابطہ کرتا ہوں مزید تاکید کر لیتا ہوں

السلام علیکم ورحمۃ اللہ وبرکاتہ!
اگر ممکن ہے تو ضرور کیجئے۔ جزاک اللہ خیرا!

 

[محمد فیض الابرار]

ان شاء اللہ