غیر مقلدین منکرین حدیث کی ڈگر پر ۔ انکار حدیث کے چور دروازے

[محمد ارسلان]

کاش یہ نصیحت کبھی شاہد نذیر کو آپ نے کیاہوتا۔اس انداز میں
ویسے توآپ غیرمقلدین کی گفتگو میں تمیز نام کی کوئی چیز نہیں ہوتی لیکن مہذب انسان بننے کیلئے تمیز سیکھنے جیسے مشکل مرحلہ کو عبور کرناہی ہوگا۔

یہ معاملہ احسن انداز میں طے ہو چکا اب اس کو دوبارہ اچھالنے کی ضرورت نہیں۔

 

[خضر حیات]

مفتی شعیب اللہ خان صاحب بنگلور کے ایک موقردینی ادارے کے ذمہ دار ہیں۔ وہ دیوبندی مکتبہ فکر سے تعلق رکھتے ہیں۔ان کی مختلف کتابیں طبع ہوکر منظرعام پر آچکی ہیں۔
بنیادی بات یہ ہے کہ ضعیف حدیث کے قبول اورعدم قبول کے سلسلے میں زمانہ دراز سے یہ اختلاف چلاارہاہے لیکن وہ تشدد جو دورحاضر میں کچھ لوگوں نے روارکھاہے ماضی میں اس کی مثالیں شاذ ونادر ملتی ہیں۔
اب نوبت یہ آگئی ہے کہ ضعیف حدیث کو سیدھے موضوع حدیث سے ملحق کردیاجاتاہے جیساکہ البانی صاحب نے سلسلہ الاحادیث الضعیفۃ والموضوعۃ واثرھاالسیئۃ فی الامۃ میں کیا۔ انہوں نے ضعیف اورموضوع کو ایک ہی درجہ اورحیثیت دے دیا۔حالانکہ ضعیف حدیث سے امت کا ایک بڑاطبقہ فضائل اعمال میں مختلف شروط کے ساتھ قبول کرنے پر آمادہ اورعمل پیرارہاہے۔اس کے علاوہ ضعیف احادیث وروایت سے کسی کی صحابیت کا اثبات خود ابن حجر نے الاصابہ کے مقدمہ میں کیاہے۔ اس کے علاوہ تفسیر قران میں مختلف پہلوئوں میں سے کسی ایک پہلوکو راجح قراردینے میں بھی مختلف مفسرین ضعیف احادیث کو قبول کرتے رہے ہیں۔
اب مسئلہ توضعیف احادیث سے گزرکر حسن لغیرہ تک پہنچ گیا۔ کچھ لوگوں کے نزدیک حسن لغیرہ ضعیف پلس ضعیف ضعیف ہی ہوا لہذا حسن لغیرہ حجت قرارنہیں پاسکتی۔یہ مزاج اورافتاد طبع وہیں تک لے جائے گاجس کامضمون میں اشارہ کیاگیاہے۔
کوئی بھی گمراہی اورغلط خیال ایک دم سے نہیں آتاوہ بھی دھیرے دھیرے اپنی منزلیں طے کرتی ہے۔ فی الحال ضعیف احادیث پر شدت ہے۔ بعد میں حسن لغیرہ کی باری آئے گی پھر سیدھے یہ اعلان کردیاجائے گاکہ صحیح احادیث کے سواکچھ بھی قابل قبول نہیں۔
لیکن چونکہ اللہ نے اپنے دین کی حفاظت کا ذمہ لے رکھاہے لہذا ایسے باطل خیالات کیلئے اللہ ایسے افراد کو تیار کریں گے جو اس طرح کے بے بنیاد خیالات وفکار کا قلع قمع کریں۔ والسلام

صحیح و وسقیم میں چھان بین میں کوتاہی کرنے کا یہ نتیجہ نکلا تھاکہ کچھ لوگ ’’ موضوع ‘‘ احادیث کو ’ موضوعات شریف ‘ کا لقب دے کر حدیث رسول قرار دینے لگے تھے ۔ یہ البانی جیسے محققین کی محنتوں کا نتیجہ ہے کہ آج موضوعات شریف کہنے والے بھی صحت و ضعف کو پہنچاننے لگے ہیں ۔
محدثین کے بیان کردہ اصول کی روشنی میں تحقیق حدیث کو انکار حدیث کے مترادف قرار دینا یہ اس دور کے مقلدین کی مجتہدانہ شان ہے ورنہ آج تک صحت و ضعف میں اختلاف تو ہوتا رہا ہے لیکن کسی نے بھی اس کو انکار حدیث نہیں کہا ۔
ان لوگوں کو تحقیق حدیث سے چڑ اس لیے ہے کیونکہ ان حضرات کے مذہب کی بنیاد ہی اکثر ضعیف احادیث پر ہے ۔
عام و خاص دعوے کرنے والے خوب سمجھتے ہیں کہ دعوی کیسا کرنا چاہیے اور اس کے اثبات کی دلیل کیسی ہونی چاہیے ۔۔۔ ذرا ہمت کرکے محدثین کے بنائے ہوئے اصول تصحیح و تضعیف کا منکرین حدیث کے اصولوں سے موازنہ کرکے بتائیں کے کس طرح اصول حدیث اصول انکار حدیث بن گئے ہیں ۔۔

درج ذیل دھاگے میں اس تعلق سے کچھ وضاحت کی کوشش کی ہے ۔
http://www.kitabosunnat.com/forum/علوم-حدیث-296/حدیث-کے-قبول-و-رد-میں-اہل-اعتزال-کا-اہل-حدیث-اور-9531/

 

[جمشید]

ان لوگوں کو تحقیق حدیث سے چڑ اس لیے ہے کیونکہ ان حضرات کے مذہب کی بنیاد ہی اکثر ضعیف احادیث پر ہے ۔

چلئے آپ نے کم ازکم اتناتوتسلیم کیاکہ مذہب کی بنیاد رائے پر نہیں بلکہ ضعیف احادیث پر ہے۔اب انشاء اللہ فقہ حنفی سے اوراس کے مستدلات سے جوں جوں واقفیت بڑھتی جائے گی تو مزید قائل اورمعترف ہوتے جائیں گے۔یہ پہلاقدم ہی سہی لیکن درست سمت میں اٹھایاگیاقدم ہے

اورکھل جائیں گے دوچارملاقاتوں میں​

 

[خضر حیات]

اورکھل جائیں گے دوچارملاقاتوں میں

ہم تو پہلے ہی واقف ہیں ان کی اوقات سے
دیکھتے ہیں کیا نکلتا ہےاب نئی ملاقات سے

 

[جمشید]

ہم تو پہلے ہی واقف ہیں ان کی اوقات سے
دیکھتے ہیں کیا نکلتا ہےاب نئی ملاقات سے

اگرشعر ہی لکھناتھاتوکم ازکم وزن کا خیال کرلیتے ۔شعرجامہ سے باہر ہواجارہاہے۔
ویسے آپ نے جس طرح یہ اعتراف کرکے کہ فقہ حنفی کی بنیاد ضعیف احادیث پر ہے۔اس رائے کے ماننے والوں کی عملاتغلیط فرمائی کہ فقہ حنفی کی بنیاد رائے پر ہے۔بڑی خوشی اورمسرت ہوئی تھی لیکن اس "بے وزن"شعر سے جس طرح آپ نے قدم پیچھے ہٹانے شروع کردیئے ہیں اس سے غالب کی ایک غزل کے یہ دوشعر ذہن میں تازہ ہونے لگے ہیں۔

ضد کی ہے اور بات مگر خو بری نہیں
بھولے سے اس نے سینکڑوں وعدے وفا کئے

آپ نے بھی جانے انجانے میں ایک نسبتاًاچھی بات کہی۔جزاک اللہ خیراً

غالب تمہیں کہو کہ ملے گا جواب کیا؟
مانا کہ تم کہا کئے اور وہ سنا کئے

اس شعر کو میں اپنے اوپر منطبق کرلیتاہوں کہ میں نے ماناکہ فقہ حنفی کی اصل صورت حال کو سامنے لادیااورکچھ شکوک وشبہات جو تھے اسے دورکرنے کی کوشش کی لیکن جب مخاطبین تہیہہ کرکے بیٹھے ہیں تو سوائے کہاکئے اورسناکئے کے علاوہ اورکیاہوسکتاہے۔ والسلام

 

[خضر حیات]

ڈوبتے کو تنکے کا سہارا ۔
بنیاد ضعیف احادیث پر ہے یا رائے پر ہے ۔ بہر صورت قرآن اور حدیث صحیح پر نہیں ہے ۔
ویسے بھی ہم نے یہ کہیں نہیں کہا کہ مذہب حنفی میں رائے کو شجرہ ممنوعہ سمجھا جاتا ہے ۔
کہنے کا مقصد یہی تھا کہ فقہ حنفی کی کتب میں پائی جانی والی احادیث میں اکثریت ضعیف ہیں ۔

آپ نے بھی جانے انجانے میں ایک نسبتاًاچھی بات کہی۔جزاک اللہ خیراً

اعتراف کرنے کا شکریہ ۔ ہم بھی آپ کو جزاک اللہ خیرا کہنا چاہتے ہیں کہ آپ نےمزید علمی نکتے کی طرف توجہ دلائی کہ فقہ حنفی کی بنیاد رائے پر ہے ۔
اصل میں یہاں فقہ حنفی کے مستدلات پر بحث مقصود نہیں تھی اس وجہ سے رائے کا ذکر نہ کیا گیا بات چونکہ احادیث کے متعلق تھی اس لیے متعلقہ بات کا ہی ذکر کیا گیا ۔
میرے خیال سے جمشید صاحب موضوع سے ادھر ادھر جانے کی کوشش میں ایسی باتیں کر رہے ہیں ورنہ زیر بحث موضوع کو آگے بڑھانے کا ارادہ ہوتا تو اس کے متعلق ہی بات کرتے ۔ جیساکہ ہم پہلے بھی گزارش کر چکے ہیں کہ

عام و خاص دعوے کرنے والے خوب سمجھتے ہیں کہ دعوی کیسا کرنا چاہیے اور اس کے اثبات کی دلیل کیسی ہونی چاہیے ۔۔۔ ذرا ہمت کرکے محدثین کے بنائے ہوئے اصول تصحیح و تضعیف کا منکرین حدیث کے اصولوں سے موازنہ کرکے بتائیں کے کس طرح اصول حدیث اصول انکار حدیث بن گئے ہیں ۔۔

آخری بات : آپ نے شعر کے بے وزن ہونے کی طرف توجہ دلائی شکریہ اگر اصلاح کردیتے تو ہم بھی مزید اظہار تشکر و امتنان کر سکتے ۔
بہر صورت شعر جیسا بھی تھا امید ہے آپ قابل آدمی ہیں ہمارا مافی الضمیر سمجھ ہی گئے ہوں گے ۔

 

[محمد علی جواد]

کا ش مقلدین حضرات (خاص کر نام نہاد حنفی) قرآن کی اس آیت پر بھی غور کر لیں - تو مزید گمراہی سے بچ سکتے ہیں -

وَالَّذِينَ إِذَا ذُكِّرُوا بِآيَاتِ رَبِّهِمْ لَمْ يَخِرُّوا عَلَيْهَا صُمًّا وَعُمْيَانًا سوره الفرقان ٧٣
اور وہ لوگ (نیک بندے) جب انہیں ان کے رب کی آیتوں سے سمجھایا جاتا ہے تو ان پر بہرے اندھے ہو کر نہیں گرتے -

ان کے امام کا تو شاید ان آیات پر عمل تھا -لیکن ان مقلدین کا عمل ؟؟؟؟