![محدث فورم [Mohaddis Forum]](/styles/default/xenforo/Forum.jpg)
محمد ارسلان
خاص رکن
- شمولیت
- مارچ 09، 2011
- پیغامات
- 17,859
- ری ایکشن اسکور
- 41,096
- پوائنٹ
- 1,155
بسم اللہ الرحمن الرحیم
فتوی نہیں مدد
عمر بن ہبیرہ نہایت دولت مند اور سخی تھے ،راہ گزرتے ہوئے ان کو ایک شخص نے روک لیا اور کہنے لگا : اے عرب کے امیر ترین شخص !میں حج کا خواہش مند ہوں۔
عمر بن ہبیرہ نے کہا: پھر مکے کا راستہ پکڑو اور حج کے لیے مکہ پہنچ جاؤ ۔
وہ کہنے لگا : مگر میں چلنے سے عاجز ہوں،تھک جاتا ہوں۔
عمر بن ہبیرہ نے کہا: کوئی بات نہیں،ایک دن سفر کرو اور دوسرے دن آرام کر لیا کرو،تاکہ تھکاوٹ نہ ہو۔
وہ بولا: میرے پاس اتنے پیسے نہیں کہ میں اس سے سواری خرید سکوں یا کرایہ پر لے سکوں۔
فرمایا: چونکہ تم محتاج اور فقیر آدمی ہو،اس لیے تم سے حج ساقط ہے،حج تو صاحب استطاعت پر فرض ہے۔
وہ کہنے لگا: اے عرب کے امیر!میں آپ سے مدد طلب کرنے کے لیے آیا ہوں،فتوی لینے کے لیے نہیں۔
عمر بن ہبیرہ بے اختیار مسکرا پڑے اور اسے پانچ ہزار درہم دینے کا حکم دیا۔
سنہرے اوراق از عبدالمالک مجاہد
