فرض غسل کا صحیح طریقہ

[انس]

غسل کا ایک طریقہ کار یہ بھی ہے کہ مکمل وضوء کرنے کے بعد پورے جسم پر پانی بہائے، گویا اس میں سر کا مسح بھی ہوگا، پھر پاؤں دھوئے جائیں گے، پھر سر پر پانی بہایا جائے گا۔

مزید تفصیل کیلئے دیکھئے:
Islam Question and Answer - غسل جنابت كا طريقہ
واللہ تعالیٰ اعلم!

 

[رفیق طاھر]

غسل کا ایک طریقہ کار یہ بھی ہے کہ مکمل وضوء کرنے کے بعد پورے جسم پر پانی بہائے، گویا اس میں سر کا مسح بھی ہوگا، پھر پاؤں دھوئے جائیں گے، پھر سر پر پانی بہایا جائے گا۔

مزید تفصیل کیلئے دیکھئے:
Islam Question and Answer - غسل جنابت كا طريقہ
واللہ تعالیٰ اعلم!

لیکن یہ طریقہ درست نہیں
کتاب وسنت اس پر دلالت نہیں کرتے
واللہ اعلم

 

[رفیق طاھر]

لیکن میں نے ابو الحسن علوی بھائی جان سے سوال جو پوچھے ہیں تو انہوں نے سر کا مسح کرنے کو کہا ہے۔
میں ایسے موقعوں پر پریشان ہو جاتا ہوں۔

سر کا مسح کرنا دوران غسل کتاب وسنت سے ثابت نہیں
رہیں وہ احادیث جن میں یہ ہے کہ نماز کے وضوء جیسا وضوء کرتے ... الخ تو وہ مجمل ہیں اسی اجمال کی تفصیل انہی کتب احادیث میں وارد ہے اور انہی صحابہ سے مروی ہے جن میں سر کا مسح ذکر نہیں اور مسح کی نفی کی دلیل میں نے نقل کردی ہے
لہذا ابو الحسن علوی صاحب کی یہ رائے سہو و خطا پر مبنی ہے !
خوب سمجھ لیں

 

[آزاد]

مسح نہ کرنے کی دلیل یہ حدیث ہے:
السنن الصغرى - كتاب الغسل والتيمم
باب ترك مسح الرأس في الوضوء من الجنابة - حديث:‏421‏
أخبرنا عمران بن يزيد بن خالد قال : حدثنا إسماعيل بن عبد الله هو ابن سماعة قال : أخبرنا الأوزاعي ، عن يحيى بن أبي كثير ، عن أبي سلمة ، عن عائشة ، وعن عمرو بن سعد ، عن نافع ، عن ابن عمر ، أن عمر سأل رسول الله صلى الله عليه وسلم عن الغسل من الجنابة - واتسقت الأحاديث على هذا - " يبدأ فيفرغ على يده اليمنى مرتين أو ثلاثا ، ثم يدخل يده اليمنى في الإناء فيصب بها على فرجه ويده اليسرى على فرجه فيغسل ما هنالك حتى ينقيه ، ثم يضع يده اليسرى على التراب إن شاء ، ثم يصب على يده اليسرى حتى ينقيها ، ثم يغسل يديه ثلاثا ويستنشق ويمضمض ويغسل وجهه وذراعيه ثلاثا ثلاثا حتى إذا بلغ رأسه لم يمسح وأفرغ عليه الماء " فهكذا كان غسل رسول الله صلى الله عليه وسلم فيما ذكر

 

[محمد ارسلان]

السلام علیکم
اب فائنلی بات کیا ہے؟
سر کا مسح کرنا یا نہ کرنا۔یا دونوں طریقے ٹھیک ہیں۔

 

[آزاد]

السلام علیکم
اب فائنلی بات کیا ہے؟
سر کا مسح کرنا یا نہ کرنا۔یا دونوں طریقے ٹھیک ہیں۔

وعلیکم السلام علیکم ورحمۃ اللہ وبرکاتہ
حدیث کا ترجمہ سمجھ میں آگیا ہے آپ کو؟
اگر ہاں تو پھر میرے خیال میں ایک اہلحدیث کو یہ سوال نہیں کرنا چاہیے جو آپ نے کیا ہے۔

 

[طارق بن زیاد]

جزاک اللہ خیر بھائ جان
بہت مفید باتیں بتائ آپنے اللہ ہمیں عمل کی توفیق عطا فرماے آمین

 

[یوسف ثانی]

بسم اللہ الرحمٰن الرحیم
۱ : اسلام قبول کرنے کے بعد غسل کرنا چاہیئے۔ ( صحیح ابن خزیمہ سندہ صحیح) ۔
۲: جب مرد اور عورت کی شرمگائیں مل جائیں تو غسل فرض ہو جاتا ہے ۔ ( صحیح مسلم)۔
۳: احتلام ہو تو بھی غسل فرض ہو جاتا ہے ۔ ( صحیح بخاری )۔
۷: عورت کو اذیت ماہانہ اور نفاس کے بعد غسل کرنا فرض ہے۔ (صحیح بخاری)۔

میرے خیال سے "فرض غسل" صرف یہی ہیں۔ اس کے علاوہ دیگر مواقع پہ غسل کرنا افضل تو ہے مگر فرض نہیں

غسل کرنے کا طریقہ
حمام میں داخل ہونے کی دعاء بسم اللہ اعوذباللہ من الخبث و الخبائث ( رواہ العمری بسند صحیح ، فتح الباری جزء ۱ ) ۔
برتن میں ہاتھ ڈالنے سے پہلے ہاتھوں کو تین مرتبہ دھوئے۔ بائیاں ہاتھ ہر گز پانی میں نہ ڈالیں پانی دائیں ہاتھ سے لیں ۔ ( صحیح مسلم )۔ پھر بائیں ہاتھ سے اپنی شرم گاہ اور نجاست کو دھوئے۔ ( صحیح بخاری )
پھر بائیں ہاتھ کو زمین پر دو تین مرتبہ خوب رگڑے اور پھر اسے دھو ڈالے ۔ ( صحیح بخاری و صحیح مسلم )۔
پھر اسی طرح وضوء کرے جس طرح صلٰوۃ کے لیئے وضوء کیا جاتا ہے۔ ( صحیح بخاری )۔
یعنی تین مرتبہ کلی کرے ،تین مرتبہ ناک میں پانی ڈالے، کلی اور ناک مین پانی ایک چلو سے ڈالیں۔ (صحیح بخاری،رواہ ابن خزیمہ سندہ حسن،رواہ احمد و روی النسائی و ابو داود و ابن حبان و بلوغ الامانی جزء ۲ فتح الباری جزء ۱ )
تین دفعہ چہرہ دھوئے اور تین دفعہ دونوں ہاتھ کہنیوں تک دھوئے ۔ ( رواہ النسائی اسناد صحیح ، فتح الباری جزء ۱ )۔
پھر انگلیاں پانی سے تر کرے اور سر کے بالوں کی جڑوں میں خلال کرے ، یہاں تک کہ سر کی جلد تر ہو جانے کا یقین ہو جائے پھر سر پر تین مرتبہ پانی بہائے ۔ ( صحیح بخاری )
پھر باقی تمام بدن پر پانی بہائے ۔ پہلے دائیں طرف پھر بائیں طرف ۔ ( صحیح بخاری )
پھر دونوں پیر ( پاؤں)تین تین مرتبہ دھوئے انگلیوں کے خلال کے ساتھ ، پہلے دائیاں پھر بائیاں۔ ( صحیح بخاری)

غسل کے صرف تین فرائض ہیں۔
١۔ ناک میں اوپر تک پانی ڈال کر ناک کی صفائی
٢۔ کلی اورغرارہ کر کے حلق تک پانی پہنچانا (روزہ میں غرارہ نہیں کرنا)
٣۔ پورے جسم پر پانی بہانا اس طرح کے جسم کا کوئی حصہ بال برابر بھی خشک نہ رہ جائے
نوٹ: غسل کے صرف ایک سنت ہے۔ اور وہ یہ کہ غسل سے قبل باقاعدہ وضو کرنا۔ تاہم وضو کئے بغیر براہ راست مذکورہ تین عمل کرنے سے بھی غسل ہوجاتا ہے۔ غسل سے قبل جسم پر لگی ناپاکی کو صاف کرنا، غسل کا حصہ ہے۔

غیر ضروری تفاصیل:
آج کل جبکہ شہروں میں عموما" شاور سے غسل کیا جاتا ہے تو بہت سی تفاصیل کی ضرورت ہی نہیں رہتی۔ جیسے:
(×) برتن میں ہاتھ ڈالنے سے پہلے ہاتھوں کو تین مرتبہ دھوئے۔ بائیں ہاتھ ہر گز پانی میں نہ ڈالیں پانی دائیں ہاتھ سے لیں ۔
(×) پھر بائیں ہاتھ کو زمین پر دو تین مرتبہ خوب رگڑے اور پھر اسے دھو ڈالے ۔ (آج کل واش رومز میں صابن کا استعمال کیا جاتا ہے۔ البتہ اگر صابن دستیاب نہ ہو تب ایسا کیا جانا چاہئے)
(×) پھر انگلیاں پانی سے تر کرے اور سر کے بالوں کی جڑوں میں خلال کرے ،
(×) پھر سر پر تین مرتبہ پانی بہائے ۔
(×) پھر باقی تمام بدن پر پانی بہائے ۔ پہلے دائیں طرف پھر بائیں طرف ۔
(×) پھر دونوں پیر ( پاؤں) تین تین مرتبہ دھوئے انگلیوں کے خلال کے ساتھ ، پہلے دائیاں پھر بائیاں۔

آج انٹر نیٹ یوزر کی بھاری اکثریت شاور سے غسل کرتی ہے، لہٰذا انہیں غسل کا سادہ طریقہ بتا نا چاہئے کہ غسل کے بنیادی فرائض کیا ہیں اور مسنون طریقہ کیا ہے۔ مسنون طریقہ میں غسل سے پہلے وضو شامل ہے۔ اور غسل کے صرف تین فرائض ہیں۔ جیسے علماء نے کہا ھے کہ اگر کوئی برسات میں مکمل بھیگ جائے (جسم میں لگی نجاست بہ جائے) اور وہ صرف کلی ، غرارہ، اور ناک میں پانی ڈال لے لو اس کا فرض غسل ادا ہوجائے گا۔ اسی طرح اگر کوئی نہر وغیرہ میں ڈبکی لگا لے اور اس کے ساتھ کلی ، غرارہ، اور ناک میں پانی ڈال لے تو بھی غسل ادا ہوجائے گا۔ (واللہ اعلم بالصواب)
اہل علم سے گذارش ہے کہ اگر میرے جواب میں کوئی غلطی ہو تو اسے درست فرما دیں ۔ شکریہ

 

[محمد ارسلان]

وعلیکم السلام علیکم ورحمۃ اللہ وبرکاتہ
حدیث کا ترجمہ سمجھ میں آگیا ہے آپ کو؟
اگر ہاں تو پھر میرے خیال میں ایک اہلحدیث کو یہ سوال نہیں کرنا چاہیے جو آپ نے کیا ہے۔

حدیث کا ترجمہ آپ نے لکھا ہی نہیں تو سمجھ کیسے آئے گا؟
کیا آپ نے حدیث کا ترجمہ لکھا ہے اگر نہیں تو پھر یہ اعتراض نہیں کرنا چاہیے جو آپ نے کیا ہے۔

 

[محمد ارسلان]

السلام علیکم
اب فائنلی بات کیا ہے؟
سر کا مسح کرنا یا نہ کرنا۔یا دونوں طریقے ٹھیک ہیں۔

ایک بار پھر توجہ کرنے کی گزارش