فرض غسل کا صحیح طریقہ

[ابن خلیل]

السلام علیکم
صحیح کہا نوید بھائی جان
ابھی تک فائنل جواب نہیں ملا

ان شاء الله مل جاےگا
ویسے ہمارے لئے تو بخاری کی حدیث میں ہی جواب موجود ہیں جب تک علما اسکا اور کوئی جواب جو اس حدیث سے قوی نہ دے دیں

الله ہمیں دین کی صحیح سمجھ عطا فرماے آمین

 

[محمد ارسلان]

اتا

نہیں

عطا

علماء کو مطمئن جواب دینا ہو گا۔

 

[ابن خلیل]

نہیں


علماء کو مطمئن جواب دینا ہو گا۔

جزاک الله خیرا جناب

 

[رفیق طاھر]

نماز جیسے وضوء میں سر کا مسح اور پاؤں دھونا دونوں شامل ہیں
لیکن وہ حدیث مجمل ہے جبکہ سر کا مسح نہ کرنے اور پاؤں نہ دھونے والی مفصل
دوسرے لفظوں میں نماز جیسے وضوء کے اجمال کو دوسری حدیثوں میں تفصیل سے بیان کر دیا گیا ہے کہ
نماز جیسا ہی وضوء کرنا ہے مگر سر کا مسح نہیں کرنا اور پاؤں نہیں دھونا
بلکہ سر پر پانی ڈال کر پھر سارے بدن پر پانی ڈالنا ہے اور پھر آخر میں اس جگہ سے ہٹ کر پاؤں دھونا ہیں ۔
لہذا ان تمام تر احادیث میں کوئی تعارض وتناقض نہیں ہے
خوب سمجھ لیں ۔

 

[محمد ارسلان]

دوسرے لفظوں میں نماز جیسے وضوء کے اجمال کو دوسری حدیثوں میں تفصیل سے بیان کر دیا گیا ہے کہ
نماز جیسا ہی وضوء کرنا ہے مگر سر کا مسح نہیں کرنا اور پاؤں نہیں دھونا

کیا آپ وہ احادیث بیان کر سکتے ہیں جس میں تفصیل سے غسل کا طریقہ بیان کیا گیا ہو اور واضح طور پر سر کے مسح کرنے اور پاؤں دھونے سے منع کیا گیا ہو،ہم اپنی سمجھ کے مطابق احادیث کا جو مطلب سمجھ رہے ہیں کہ نماز جیسا وضو کرنا ہے تو عرب علمائے اہلحدیث نے بھی یہی مفہوم سمجھا ہے۔

 

[محمد ارسلان]

محمد اقبال کیلانی حفظہ اللہ نے اپنی کتاب "نکاح کے مسائل" میں جو غسل کے طریقے والی حدیث مبارکہ نقل کی ہے وہ متفق علیہ حدیث ہے یعنی صحیح بخاری اور صحیح مسلم دونوں میں ہے۔
ملاحظہ فرمائیں
غسل جنابت کا مسنون طریقہ درج ذیل ہے۔
عَنْ عَائِشَۃَ رَضِیَ اللّٰہُ عَنْہَا قَالَتْ : کَانَ رَسُوْلُ اللّٰہِ ا اِذَا اغْتَسَلَ مِنَ الْجَنَابَۃِ یَبْدَأُ وَ یَغْسِلُ یَدَیْہِ ثُمَّ یُفْرِغُ بِیَمِیْنِہٖ عَلٰی شِمَالِہٖ فَیَغْسِلُ فَرْجَہٗ ثُمَّ یَتَوَضَّأُ ثُمَّ یَأْخُذُ الْمَآئَ فَیُدْخِلُ اَصَابِعَہٗ فِیْ اُصُوْلِ الشَّعْرِ حَتّٰی اِذَا رَاٰی اَنْ قَدِ اسْتَبْرَأَ ثُمَّ حَفَنَ عَلٰی رَأْسِہٖ ثَلاَثَ حَفَنَاتٍ ثُمَّ اَفَاضَ عَلٰی سَائِرِ جَسَدِہٖ ثُمَّ غَسَلَ رِجْلَیْہِ۔ مُتَّفَقٌ عَلَیْہِ
حضرت عائشہ رضی اللہ عنہ سے روایت ہے کہ جب رسول اللہﷺ غسل جنابت فرماتے تو پہلے اپنے دونوں ہاتھوں کو دھوتے پھر دائیں ہاتھ سے بائیں ہاتھ پر پانی ڈال کر شرمگاہ دھوتے پھر وضو فرماتے جس طرح نماز کے لئے وضو فرماتے اس کے بعد ہاتھوں کی انگلیوں سے سر کے بالوں کی جڑوں کو پانی سے تر کرتے تین لپ پانی سر میں ڈالتے اور پھر سارے بدن پر پانی بہاتے(آخر میں ایک دفعہ)پھر دونوں پائوں دھوتے۔‘‘اسے بخاری اور مسلم نے روایت کیا ہے۔
شیخ صاحب آپ حدیث مبارکہ کے اس لفظ سے کون سا وضو مراد لیتے ہیں
جو نماز جیسا وضو ہے
یا یہ وہ وضو ہے جس میں سر کا مسح نہیں کرنا اور پاؤں نہیں دھونے

اور دوسری بات اگر اس سے مراد نماز والا وضو ہے اور دوسرا طریقہ بھی وضو کا جس میں سر کا مسح نہیں کرنا اور پاؤں نہیں دھونے وہ بھی ہے تو کیا دونوں طریقے درست ہوں گے یا سر کا مسح کرنے والے کا غسل نہیں ہو گا بلکہ اس وہ حالت جنابت میں ہی رہے گا اور اس کی نمازیں نہیں ہوں گی؟
میرے یہ دونوں سوال شیخ رفیق طاہر صاحب اور شیخ ابن بشیر الحسینوی صاحب دونوں سے ہے اور یہ گفتگو کرنے کا مقصد صحیح بات جاننے کی سعی ہے۔

 

[مفتی عبداللہ]

ایک حدیث میں ھے نا فتوضاء وضوءہ للصلوۃ وہ حدیث اس کی وضاحت ھے کہ نماز کی طرح وضوء

 

[محمد ارسلان]

ایک حدیث میں ھے نا فتوضاء وضوءہ للصلوۃ وہ حدیث اس کی وضاحت ھے کہ نماز کی طرح وضوء

مفتی صاحب،حدیث مبارکہ کا حوالہ بھی لکھا کریں۔

 

[آزاد]

میرے محترم بھائیو! اگر آپ ان دو احادیث کو غور سے دیکھیں گے اور سمجھنے کی کوشش کریں گے تو امید ہے کہ ساری الجھن دور ہوجائے گی۔ ان شاء اللہ۔
کچھ احادیث میں ہے کہ آپ صلی اللہ علیہ وسلم نے نماز کے وضو جیسا وضو کیا۔ یہ بات بالکل ٹھیک ہے۔ لیکن بات تھوڑی سی مختصر رہ گئی۔ دوسری احادیث میں وضاحت آگئی کہ اس نماز کے وضو جیسے وضو سے کیا مراد ہے۔ یہ حدیث دیکھئے:
- حَدَّثَنَا عَبْدَانُ، قَالَ: أَخْبَرَنَا عَبْدُ اللَّهِ، قَالَ: أَخْبَرَنَا سُفْيَانُ، عَنِ الأَعْمَشِ، عَنْ سَالِمِ بْنِ أَبِي الجَعْدِ، عَنْ كُرَيْبٍ، عَنِ ابْنِ عَبَّاسٍ، عَنْ مَيْمُونَةَ قَالَتْ: «سَتَرْتُ النَّبِيَّ صَلَّى اللهُ عَلَيْهِ وَسَلَّمَ وَهُوَ يَغْتَسِلُ مِنَ الجَنَابَةِ، فَغَسَلَ يَدَيْهِ، ثُمَّ صَبَّ بِيَمِينِهِ عَلَى شِمَالِهِ، فَغَسَلَ فَرْجَهُ وَمَا أَصَابَهُ، ثُمَّ مَسَحَ بِيَدِهِ عَلَى الحَائِطِ أَوِ الأَرْضِ، ثُمَّ تَوَضَّأَ وُضُوءَهُ لِلصَّلاَةِ غَيْرَ رِجْلَيْهِ، ثُمَّ أَفَاضَ عَلَى جَسَدِهِ المَاءَ، ثُمَّ تَنَحَّى، فَغَسَلَ قَدَمَيْهِ» (صحیح بخاری، کتاب الغسل، بابباب التستر في الغسل عند الناس، حدیث: ٢٨١)
پھر آپ صلی اللہ علیہ وسلم نے اپنے نماز کے وضو جیسا وضو کیا سوائے پاؤں دھونے کے۔
مذکورہ بالا حدیث سے معلوم ہوا کہ نماز کے وضو جیسے وضو میں پاؤں کا دھونا شامل نہیں ہے۔
اب درج ذیل حدیث ملاحظہ کیجئے:
أَخْبَرَنَا عِمْرَانُ بْنُ يَزِيدَ بْنِ خَالِدٍ قَالَ: حَدَّثَنَا إِسْمَاعِيلُ بْنُ عَبْدِ اللَّهِ هُوَ ابْنُ سَمَاعَةَ قَالَ: أَخْبَرَنَا الْأَوْزَاعِيُّ، عَنْ يَحْيَى بْنِ أَبِي كَثِيرٍ، عَنْ أَبِي سَلَمَةَ، عَنْ عَائِشَةَ، وَعَنْ عَمْرِو بْنِ سَعْدٍ، عَنْ نَافِعٍ، عَنِ ابْنِ عُمَرَ، أَنَّ عُمَرَ سَأَلَ رَسُولَ اللَّهِ صَلَّى اللهُ عَلَيْهِ وَسَلَّمَ عَنْ الْغُسْلِ مِنَ الْجَنَابَةِ - وَاتَّسَقَتِ الْأَحَادِيثُ عَلَى هَذَا - «يَبْدَأُ فَيُفْرِغُ عَلَى يَدِهِ الْيُمْنَى مَرَّتَيْنِ أَوْ ثَلَاثًا، ثُمَّ يُدْخِلُ يَدَهُ الْيُمْنَى فِي الْإِنَاءِ فَيَصُبُّ بِهَا عَلَى فَرْجِهِ وَيَدُهُ الْيُسْرَى عَلَى فَرْجِهِ فَيَغْسِلُ مَا هُنَالِكَ حَتَّى يُنْقِيَهُ، ثُمَّ يَضَعُ يَدَهُ الْيُسْرَى عَلَى التُّرَابِ إِنْ شَاءَ، ثُمَّ يَصُبُّ عَلَى يَدِهِ الْيُسْرَى حَتَّى يُنْقِيَهَا، ثُمَّ يَغْسِلُ يَدَيْهِ ثَلَاثًا وَيَسْتَنْشِقُ وَيُمَضْمِضُ وَيَغْسِلُ وَجْهَهُ وَذِرَاعَيْهِ ثَلَاثًا ثَلَاثًا حَتَّى إِذَا بَلَغَ رَأْسَهُ لَمْ يَمْسَحْ وَأَفْرَغَ عَلَيْهِ الْمَاءَ» فَهَكَذَا كَانَ غُسْلُ رَسُولِ اللَّهِ صَلَّى اللهُ عَلَيْهِ وَسَلَّمَ فِيمَا ذُكِرَ
(سنن نسائی، کتاب الغسل والتیمم، باب: باب ترك مسح الرأس في الوضوء من الجنابة، حدیث: ٤٢٢ )
اس حدیث میں اسی وضو کو وضاحت سے بیان کیا گیا ہے۔ اور ہائی لائٹ الفاظ کا ترجمہ کچھ یوں ہے کہ رسول اللہ صلی اللہ علیہ وسلم اپنے چہرے مبارک اور ہاتھوں کو تین تین مرتبہ دھونے کے بعد جب سر کے مسح تک پہنچتے تو مسح نہ فرماتے۔

اگر ان ساری احادیث کو ملا کر دیکھا جائے تو واضح ہوجاتا ہے کہ نماز کے وضو جیسے وضو میں نہ تو سر کا مسح شامل ہے اور نہ ہی پاؤں کا دھونا۔
امید ہے بات کو سمجھانے میں کامیاب ہوا ہوں گا۔ وباللہ التوفیق

 

[محمد ارسلان]

جزاک اللہ خیرا
آزاد بھائی جان! اب آپ بتائیں کہ اگر کوئی نماز کے جیسا وضو کرتا ہے تو کیا اس کا غسل نہیں ہو گا؟یا دونوں طریقے صحیح ہیں؟وضاحت کریں۔