تجویز فورم پر تصاویر کی پوسٹنگ

[یوسف ثانی]

عام طور سے اس فورم پر ”جاندار کی تصاویر“ کی پوسٹنگ منع ہے یا کم از کم پسندیدہ نہیں ہے۔ اسی لئے بعض مناظر پر مبنی تصاویر میں انسانی چہرے کو دھندلاکرکے پوسٹ کیا جاتا ہے تاکہ تصویر کی پوسٹنگ کا ”جواز“ پیدا کیا جاسکے۔

دوسری طرف ویڈیوز بلا تکلف پوسٹ کئے جاتے ہیں۔ اور غالباً یہ سمجھا جاتا ہے کہ اسلام میں ساکت ”تصاویر“ تو ممنوع ہیں لیکن ویڈیوز (متحرک تصاویر) ممنوع نہیں ہیں۔

اہل علم یہ بات بخوبی جانتے ہیں کہ ”ویڈیوز“ بھی دراصل ”تصاویر ہی کا مجموعہ“ ہوتے ہیں۔ یعنی اگر ایک سیکنڈز میں کم از کم دس ”تصویروں کے مختلف پوز“ باری باری دکھلائے جائیں تو ہماری نگاہوں کو یہ تصایر ”حرکت کرتی ہوئی“ نظر آتی ہیں۔ اگر ساکت تصویریں منع ہیں تو ”ساکت تصویروں کا مجموعہ“ جو متحرک نظر آئے، بھی منع ہونی چاہئے۔

اسی طرح کاغز یا کپڑوں وغیرہ پر مستقلاً ”پرنٹیڈ تصاویر“ اور ”ڈیجیٹل تصاویر“ کی نوعیت میں بھی بڑا فرق ہے۔

کہنے کا مطلب یہ ہے کہ اگر منتظمین فورم کے نزدیک جاندار کی تصاویر مطلقاً حرام ہیں تو ویڈیوز بھی پوسٹ نہیں ہونی چاہئے۔ اگر ویڈیوز کی پوسٹنگ جائز ہے تو ساکت تصاویر کی پوسٹنگ بھی ”جائز“ قرار دی جائیں۔ بصورت دیگر قوانین کا یہ ”کھلا تضاد“ ارکانِ فورم کو کنفیوز کرتا رہے گا۔

 

[Dua]

درست کہا آپ نے یوسف بھائی۔۔۔اکثر مجھے بھی یہ سوچ آتی رہی ہے۔مگر میری رائے میں اس کا کوئی بہتر حل ہونا چاہیئے۔
ویسے ویڈیو کا لنک اٹیچ کیا جائے اور تصاویر میں چاہیئے کہ دھندھلی کر کے پیش کی جائیں تو میرا خیال ہے بہتر ہوگا۔
باقی تو انتظامیہ ہی بہتر بتا سکتی ہے۔

 

[عبداللہ ماتلوی]

محترم بھائی
میں سمجہتا ہوں کہ ویڈیوز مبلغ کے لئے بہت اچھا ذریعہ ہے تبلیغ کے لیے لیکن جاندار کی تصاویر کے جائز ہونے کی ایسی کوئی گنجائش نہیں ویسےبھی احادیث میں جاندار کی تصاویر کی منع آئی ہے [واللہ اعلم]

 

[خضر حیات]

کہنے کا مطلب یہ ہے کہ اگر منتظمین فورم کے نزدیک جاندار کی تصاویر مطلقاً حرام ہیں تو ویڈیوز بھی پوسٹ نہیں ہونی چاہئے۔ اگر ویڈیوز کی پوسٹنگ جائز ہے تو ساکت تصاویر کی پوسٹنگ بھی ”جائز“ قرار دی جائیں۔ بصورت دیگر قوانین کا یہ ”کھلا تضاد“ ارکانِ فورم کو کنفیوز کرتا رہے گا۔

معاملات میں بعض دفعہ حلت و حرمت سے ہٹ کر کسی چیز کے عواقب و نتائج کی وجہ سے بھی فیصلہ کیاجاتا ہے ۔
اگر تصویروں کی اجازت دے دی جائے تو یہاں وہی مچھلی فارم بن جائے گا تو دیگر اس طرح کی جگہوں پر ہے ۔
1۔ بہت سارے لوگ اپنی شناختی تصویر لگائیں گے ۔ اور پھر ایک دوسرے پر جائز ناجائز تبصرے کریں گے ۔
2۔ اخباروں میں چھپنے والے کارٹوں بھی لگیں گے منع کرنے پر کہا جائے گا فلاں اصلاحی نقطہ نظر سے ایسا کیا ہے ۔
3۔ صنف نازک کی تصاویر بھی لگانے کے مختلف بہانے تراشے جائیں گے ۔
البتہ ویڈیو چونکہ نسبتا بنانا بھی ذرا مشکل ہے اور لگانا بھی مشکل ہے اس لیے ان سب کاموں کے لیے کوئی اتنی ہمت نہیں کرتا ۔
ویسے بھی عام طور پر فورم پر جتنی ویڈیوز لگتی ہیں وہ سب کی سب کسی عالم دین کی تقریر ، کسی صحافی کا بیان ، کوئی اخباری رپورٹ وغیرہ کے سلسلہ میں ہوتی ہے ۔ جس میں ’’ تصاویر ‘‘ کے اندر پائے جانے والے نقصانات نہیں ہوتے ۔ واللہ اعلم ۔
سب سے بڑی بات تجربہ ہے :
ابھی تک فورم پر تصاویر لگانا منع ہے جبکہ ویڈیو وغیرہ لگتی رہتی ہیں اور شاید کوئی بھی قابل اعتراض ویڈیو نہیں لگی ۔ تصویر کی اجازت دے کر آزما لیں خود ہی محسوس کریں گے کہ کس قدر قابل اعتراض مواد آتا ہے ۔

 

[یوسف ثانی]

معاملات میں بعض دفعہ حلت و حرمت سے ہٹ کر کسی چیز کے عواقب و نتائج کی وجہ سے بھی فیصلہ کیاجاتا ہے ۔
اگر تصویروں کی اجازت دے دی جائے تو یہاں وہی مچھلی فارم بن جائے گا تو دیگر اس طرح کی جگہوں پر ہے ۔
1۔ بہت سارے لوگ اپنی شناختی تصویر لگائیں گے ۔ اور پھر ایک دوسرے پر جائز ناجائز تبصرے کریں گے ۔
2۔ اخباروں میں چھپنے والے کارٹوں بھی لگیں گے منع کرنے پر کہا جائے گا فلاں اصلاحی نقطہ نظر سے ایسا کیا ہے ۔
3۔ صنف نازک کی تصاویر بھی لگانے کے مختلف بہانے تراشے جائیں گے ۔
البتہ ویڈیو چونکہ نسبتا بنانا بھی ذرا مشکل ہے اور لگانا بھی مشکل ہے اس لیے ان سب کاموں کے لیے کوئی اتنی ہمت نہیں کرتا ۔
ویسے بھی عام طور پر فورم پر جتنی ویڈیوز لگتی ہیں وہ سب کی سب کسی عالم دین کی تقریر ، کسی صحافی کا بیان ، کوئی اخباری رپورٹ وغیرہ کے سلسلہ میں ہوتی ہے ۔ جس میں ’’ تصاویر ‘‘ کے اندر پائے جانے والے نقصانات نہیں ہوتے ۔ واللہ اعلم ۔
سب سے بڑی بات تجربہ ہے :
ابھی تک فورم پر تصاویر لگانا منع ہے جبکہ ویڈیو وغیرہ لگتی رہتی ہیں اور شاید کوئی بھی قابل اعتراض ویڈیو نہیں لگی ۔ تصویر کی اجازت دے کر آزما لیں خود ہی محسوس کریں گے کہ کس قدر قابل اعتراض مواد آتا ہے ۔

ایک دینی فورم میں ویڈیوز کی پوسٹنگ کی اجازت اور تصاویر پر پابندی سے میرے جیسے کم علم رکن کو یہ خیال آیا کہ شاید اہل فورم کے نزدیک تصاویر تو حرام ہیں، لیکن ویڈیوز جائز ہیں۔ لیکن مندرجہ بالا جواب سے اس بات کی بخوبی وضاحت ہوگئی کہ تصاویر کو حرام ہونے کی وجہ سے نہیں بلکہ تصاویر کی اشاعت سے پیدا ہونے والے ممکنہ خدشات کے پیش نظر اس پر پابندی لگائی گئی ہے۔

یہ بات تو سمجھ میں آتی ہے۔ انتظامی نکتہ نگاہ سے کسی بھی مباح چیز پر کہیں بھی اور کبھی بھی پابندی لگائی جاسکتی ہے۔ اور مندرجہ بالا “خدشات” کے پیش نظر تصاویر کی اشاعت ممنوع ہی رہے تو بہتر ہے۔ چنانچہ میں اپنی مندرجہ بالا “تجویز” واپس لیتا ہوں۔

تاہم اس معاملہ میں بعض ماڈریٹرز کا ذہن شاید ہنوز واضح نہیں ہے۔ مثلاً کافی عرصہ پہلے میں نے ایک اخباری کالم پوسٹ کی جس میں کالم نویس کی تصویر بھی تھی۔ مجھے “نوٹس” ملا کہ یہاں تصویر کی اشاعت کی اجازت نہیں ہے۔ پھر کچھ عرصہ بعد میں نے مذکورہ ماڈریٹر کے ممدوح کالم نویس کے دو تین کالم پوسٹ کئے، جن میں کالم نویس کی تصویر بھی تھی تو اس کا کوئی “نوٹس” نہیں لیا گیا۔ بقول شخصے، کیا یہ کھلا تضاد نہیں ہے (ابتسامہ) کالم میں موجود تصویر کو (بلاوجہ) دھندلا کرکے پوسٹ کرنا ایک خاصا محنت طلب کام ہے۔ جبکہ بہت سے کالم ایسے ہوتے ہیں، جنہیں شیئر کرنا اور زیادہ سے زیادہ لوگوں تک پہنچانا ضروری ہوتا ہے۔ اور آج کل تو “مولویوں” کے کالم بھی اخبارات میں باتصویر ہی شائع ہوتے ہیں۔ (ابتسامہ)

 

[خضر حیات]

محترم شاکر بھائی کو دعوت دیتے ہیں تاکہ انتظامیہ کا موقف واضح کرسکیں ۔
خوش قسمتی سے محترم ابوالحسن علوی صاحب بھی موجود ہیں علمی حوالے سے رہنمائی فرما سکیں گے ۔

 

[حافظ عمران الہی]

درست کہا آپ نے یوسف بھائی۔۔۔اکثر مجھے بھی یہ سوچ آتی رہی ہے۔مگر میری رائے میں اس کا کوئی بہتر حل ہونا چاہیئے۔
ویسے ویڈیو کا لنک اٹیچ کیا جائے اور تصاویر میں چاہیئے کہ دھندھلی کر کے پیش کی جائیں تو میرا خیال ہے بہتر ہوگا۔
باقی تو انتظامیہ ہی بہتر بتا سکتی ہے۔

ہماری تصاویر کی یہاں ضرورت نہیں ہے اور جو ویڈیو ہیں وہ بہت ضروری ہیں ان کے بغیر گزارا نہیں ہے وہ معلوماتی ہیں اورہماری تصاویر غیر ضڑوری ہیں

 

[یوسف ثانی]

اصل میں ہم من حیث القوم مختلف قسم کے تضادات کا شکار ہیں۔ المیہ یہ ہے کہ کسی نہ کسی حد علمائے کرام بھی اس تضاد میں شامل نظر آتے ہیں۔ جیسے ابھی “کل تک” یہی “فتویٰ” تھا کہ ٹی وی “حرام” ہے۔ ہمارے کئی ساتھیوں نے اسی تعلیم و تربیت کے نتیجہ میں اپنے اپنے گھروں کے ٹی وی توڑ دئیے۔ مگر آج تمام کے تمام مکتبہ فکر کے علماء ٹی وی پر بنفس نفیس موجود ہیں۔ تصاویر کو بیشتر علماء ہنوز “ناجائز” کہتے اور سمجھتے ہیں۔ لیکن نہ صرف یہ کہ ان کی تصاویر اخبارات کی خبروں میں شایان شان طریقہ سے شائع ہوتی ہیں (اگر کوئی مذہبی رہنما منع کردے تو کوئی بھی اخبار ان کی تصویر نہ چھاپے) بلکہ ان کے کالم بھی “باتصویر” چھپتے ہیں۔ جبکہ اخباری کالم تو باقاعدہ ایک معاہدے کے تحت شائع ہوتے ہیں اور آج بھی کئی کالم نویس اپنی تصویر کے بغیر کالم چھپواتے ہیں۔
واللہ اعلم ۔ ۔ ۔

 

[یوسف ثانی]

محترم بھائی
میں سمجہتا ہوں کہ ویڈیوز مبلغ کے لئے بہت اچھا ذریعہ ہے تبلیغ کے لیے لیکن جاندار کی تصاویر کے جائز ہونے کی ایسی کوئی گنجائش نہیں ویسےبھی احادیث میں جاندار کی تصاویر کی منع آئی ہے [واللہ اعلم]

ناطقہ سر بہ گریبان ہے، اسے کیا کہئے (ابتسامہ)
عبداللہ بھائی! ویڈیوز “متحرک تصاویر” ہی ہوتی ہیں۔سنیما گھروں میں چلنے والی “فلموں کے ریل” دیکھئیے تو آپ کو معلوم ہوگا کہ جو “ویڈیو” سنیما کے اسکرین پر نظر آتی ہے، وہ ریل پر “تصاویر” ہی ہوتی ہیں۔ یہ آپ کی اور ہماری آنکھوں کا دھوکا ہے کہ ویڈیوز کوئی الگ چیز ہے اور تصاویر کوئی الگ چیز۔

 

[حافظ عمران الہی]

ناطقہ سر بہ گریبان ہے، اسے کیا کہئے (ابتسامہ)
عبداللہ بھائی! ویڈیوز “متحرک تصاویر” ہی ہوتی ہیں۔سنیما گھروں میں چلنے والی “فلموں کے ریل” دیکھئیے تو آپ کو معلوم ہوگا کہ جو “ویڈیو” سنیما کے اسکرین پر نظر آتی ہے، وہ ریل پر “تصاویر” ہی ہوتی ہیں۔ یہ آپ کی اور ہماری آنکھوں کا دھوکا ہے کہ ویڈیوز کوئی الگ چیز ہے اور تصاویر کوئی الگ چیز۔

آپ فرض کریں کہ اگر تصویر محدث فورم پر نہیں آتی تو کیا ہوگا ؟؟؟ ویڈیو کو لانا مجبوری ہے اس کے بغیر گزارا نہیں ہے لیکن ہماری تصویر کے بغیر فورم چل رہا ہے