قرآن کریم اردو ترجمہ یونیکوڈ - (ترجمہ۔ محمد خاں جونا گڈھی)

[Aamir]

الزلزلة:1 ( الزلزلة:99 - آيت:1 ) جب زمین پوری طرح جھنجھوڑ دی جائے گی
الزلزلة:2 ( الزلزلة:99 - آيت:2 ) اور اپنے بوجھ باہر نکال پھینکے گی
الزلزلة:3 ( الزلزلة:99 - آيت:3 ) انسان کہنے لگے گا اسے کیا ہو گیا ہے۔
الزلزلة:4 ( الزلزلة:99 - آيت:4 ) اس دن زمین اپنی سب خبریں بیان کر دے گی
الزلزلة:5 ( الزلزلة:99 - آيت:5 ) اس لئے کہ تیرے رب نے اسے حکم دیا ہو گا۔
الزلزلة:6 ( الزلزلة:99 - آيت:6 ) اس روز لوگ مختلف جماعتیں ہو کر (واپس) لوٹیں گے تاکہ انہیں ان کے اعمال دکھا دیئے جائیں
الزلزلة:7 ( الزلزلة:99 - آيت:7 ) پس جس نے ذرہ برابر بھی نیکی کی ہو گی وہ اسے دیکھ لے گا۔
الزلزلة:8 ( الزلزلة:99 - آيت:8 ) اور جس نے ذرہ برابر برائی کی ہو گی وہ اسے دیکھ لے گا۔

 

[Aamir]

العاديات:1 ( العاديات:100 - آيت:1 ) ہانپتے ہوئے دوڑنے والے گھوڑوں کی قسم
العاديات:2 ( العاديات:100 - آيت:2 ) پھر ٹاپ مار کر آگ جھاڑنے والوں کی قسم
العاديات:3 ( العاديات:100 - آيت:3 ) پھر صبح کے وقت دھاوا بولنے والوں کی قسم
العاديات:4 ( العاديات:100 - آيت:4 ) پس اس وقت گرد و غبار اڑاتے ہیں۔
العاديات:5 ( العاديات:100 - آيت:5 ) پھر اسی کے ساتھ فوجوں کے درمیان گھس جاتے ہیں۔
العاديات:6 ( العاديات:100 - آيت:6 ) یقیناً انسان اپنے رب کا ناشکرا ہے۔
العاديات:7 ( العاديات:100 - آيت:7 ) اور یقیناً وہ خود بھی اس پر گواہ ہے۔
العاديات:8 ( العاديات:100 - آيت:8 ) یہ مال کی محبت میں بھی بڑا سخت ہے
العاديات:9 ( العاديات:100 - آيت:9 ) کیا اسے وہ وقت معلوم نہیں جب قبروں میں جو (کچھ) ہے نکال لیا جائے گا
العاديات:10 ( العاديات:100 - آيت:10 ) اور سینوں کی پوشیدہ باتیں ظاہر کر دی جائیں گی۔
العاديات:11 ( العاديات:100 - آيت:11 ) بیشک ان کا رب اس دن ان کے حال سے پورا باخبر ہو گا

 

[Aamir]

القارعة:1 ( القارعة:101 - آيت:1 ) کھڑ کھڑا دینے والی
القارعة:2 ( القارعة:101 - آيت:2 ) کیا ہے وہ کھڑ کھڑا دینے والی۔
القارعة:3 ( القارعة:101 - آيت:3 ) تجھے کیا معلوم کہ وہ کھڑ کھڑانے والی کیا ہے۔
القارعة:4 ( القارعة:101 - آيت:4 ) جس دن انسان بکھرے ہوئے پروانوں کی طرح ہو جائیں گے
القارعة:5 ( القارعة:101 - آيت:5 ) اور پہاڑ دھنے ہوئے رنگین اون کی طرح ہو جائیں گے۔
القارعة:6 ( القارعة:101 - آيت:6 ) پھر جس کے پلڑے بھاری ہونگے۔
القارعة:7 ( القارعة:101 - آيت:7 ) وہ دل پسند آرام کی زندگی میں ہو گا۔
القارعة:8 ( القارعة:101 - آيت:8 ) جن کے پلڑے ہلکے ہونگے۔
القارعة:9 ( القارعة:101 - آيت:9 ) اس کا ٹھکانا ہاویہ (جہنم) ہے۔
القارعة:10 ( القارعة:101 - آيت:10 ) تجھے کیا معلوم کہ وہ کیا ہے
القارعة:11 ( القارعة:101 - آيت:11 ) وہ تند تیز آگ ہے

 

[Aamir]

التكاثر:1 ( التكاثر:102 - آيت:1 ) زیادتی کی چاہت نے تمہیں غافل کر دیا
التكاثر:2 ( التكاثر:102 - آيت:2 ) یہاں تک کہ تم قبرستان جا پہنچے۔
التكاثر:3 ( التكاثر:102 - آيت:3 ) ہرگز نہیں تم عنقریب معلوم کر لو گے۔
التكاثر:4 ( التكاثر:102 - آيت:4 ) ہرگز نہیں پھر تمہیں جلد معلوم ہو جائے گا
التكاثر:5 ( التكاثر:102 - آيت:5 ) ہرگز نہیں اگر تم یقینی طور پر جان لو۔
التكاثر:6 ( التكاثر:102 - آيت:6 ) تو بیشک تم جہنم دیکھ لو گے۔
التكاثر:7 ( التكاثر:102 - آيت:7 ) اور تم اسے یقین کی آنکھ سے دیکھ لو گے۔
التكاثر:8 ( التكاثر:102 - آيت:8 ) پھر اس دن تم سے ضرور بالضرور نعمتوں کا سوال ہو گا

 

[Aamir]

العصر:1 ( العصر:103 - آيت:1 ) زمانے کی قسم
العصر:2 ( العصر:103 - آيت:2 ) بیشک (بالیقین) انسان سراسر نقصان میں ہے
العصر:3 ( العصر:103 - آيت:3 ) سوائے ان لوگوں کے جو ایمان لائے اور نیک عمل کئے اور (جنہوں نے) آپس میں حق کی وصیت کی اور ایک دوسرے کو صبر کی نصیحت کی۔

 

[Aamir]

الهُمَزة:1 ( الهُمَزة:104 - آيت:1 ) بڑی خرابی ہے ہر ایسے شخص کی جو عیب ٹٹولنے والا غیبت کرنے والا ہو۔
الهُمَزة:2 ( الهُمَزة:104 - آيت:2 ) جو مال کو جمع کرتا جائے اور گنتا جائے۔
الهُمَزة:3 ( الهُمَزة:104 - آيت:3 ) وہ سمجھتا ہے کہ اس کا مال اس کے پاس سدا رہے گا۔
الهُمَزة:4 ( الهُمَزة:104 - آيت:4 ) ہرگز یہ تو ضرور توڑ پھوڑ دینے والی آگ میں پھینک دیا جائے گا
الهُمَزة:5 ( الهُمَزة:104 - آيت:5 ) اور تجھے کیا معلوم کہ ایسی آگ کیا ہو گی۔
الهُمَزة:6 ( الهُمَزة:104 - آيت:6 ) وہ اللہ تعالیٰ کی سلگائی ہوئی آگ ہو گی۔
الهُمَزة:7 ( الهُمَزة:104 - آيت:7 ) جو دلوں پر چڑھتے چلی جائے گی۔
الهُمَزة:8 ( الهُمَزة:104 - آيت:8 ) اور ان پر بڑے بڑے ستونوں میں۔
الهُمَزة:9 ( الهُمَزة:104 - آيت:9 ) ہر طرف سے بند ہوئی ہو گی۔

 

[Aamir]

الفِيل:1 ( الفِيل:105 - آيت:1 ) کیا تو نے نہیں دیکھا کہ تیرے رب نے ہاتھی والوں کے ساتھ کیا کیا؟
الفِيل:2 ( الفِيل:105 - آيت:2 ) کیا ان کے مکر کو بے کار نہیں کر دیا
الفِيل:3 ( الفِيل:105 - آيت:3 ) اور ان پر پرندوں کے جھنڈ پر جھنڈ بھیج دیئے۔
الفِيل:4 ( الفِيل:105 - آيت:4 ) جو ان کو مٹی اور پتھر کی کنکریاں مار رہے تھے۔
الفِيل:5 ( الفِيل:105 - آيت:5 ) پس انہیں کھائے ہوئے بھوسے کی طرح کر دیا۔

 

[Aamir]

قريش:1 ( قريش:106 - آيت:1 ) قریش کے مانوس کرنے کے لئے
قريش:2 ( قريش:106 - آيت:2 ) یعنی انہیں سردی اور گرمی کے سفر سے مانوس کرنے کے لئے۔
قريش:3 ( قريش:106 - آيت:3 ) پس انہیں چاہیے کہ اسی گھر کے رب کی عبادت کرتے رہیں۔
قريش:4 ( قريش:106 - آيت:4 ) جس نے انہیں بھوک میں کھانا دیا اور ڈر (اور خوف) میں امن و امان دیا ۔

 

[Aamir]

الماعون:1 ( الماعون:107 - آيت:1 ) کیا تو نے دیکھا جو (روز) جزا کو جھٹلاتا ہے ۔
الماعون:2 ( الماعون:107 - آيت:2 ) یہی وہ ہے جو یتیم کو دھکے دیتا ہے۔
الماعون:3 ( الماعون:107 - آيت:3 ) اور مسکین کو کھلانے کے لئے ترغیب نہیں دیتا
الماعون:4 ( الماعون:107 - آيت:4 ) ان نمازیوں کے لئے افسوس (اور ویل نامی جہنم کی جگہ) ہے۔
الماعون:5 ( الماعون:107 - آيت:5 ) جو اپنی نماز سے غافل ہیں
الماعون:6 ( الماعون:107 - آيت:6 ) جو ریاکاری کرتے ہیں۔
الماعون:7 ( الماعون:107 - آيت:7 ) اور برتنے کی چیز روکتے ہیں

 

[Aamir]

الكوثر:1 ( الكوثر:108 - آيت:1 ) یقیناً ہم نے تجھے (حوض) کوثر (اور بہت کچھ) دیا ہے
الكوثر:2 ( الكوثر:108 - آيت:2 ) پس تو اپنے رب کے لئے نماز پڑھ اور قربانی کر۔
الكوثر:3 ( الكوثر:108 - آيت:3 ) یقیناً تیرا دشمن ہی لا وارث اور بے نام و نشان ہے