قرآن کریم اردو ترجمہ یونیکوڈ - (ترجمہ۔ محمد خاں جونا گڈھی)

[Aamir]

النازعات:1 ( النازعات:79 - آيت:1 ) ڈوب کر سختی سے کھنچنے والوں کی قسم
النازعات:2 ( النازعات:79 - آيت:2 ) بند کھول کر چھڑا دینے والوں کی قسم
النازعات:3 ( النازعات:79 - آيت:3 ) اور تیرنے پھرنے والوں کی قسم
النازعات:4 ( النازعات:79 - آيت:4 ) پھر دوڑ کر آگے بڑھنے والوں کی قسم
النازعات:5 ( النازعات:79 - آيت:5 ) پھر کام کی تدبیر کرنے والوں کی قسم
النازعات:6 ( النازعات:79 - آيت:6 ) جس دن کانپنے والی کانپے گی
النازعات:7 ( النازعات:79 - آيت:7 ) اس کے بعد ایک پیچھے آنے والی (پیچھے پیچھے) آئے گی
النازعات:8 ( النازعات:79 - آيت:8 ) (بہت سے) دل اس دن دھڑ کتے ہونگے
النازعات:9 ( النازعات:79 - آيت:9 ) جس کی نگاہیں نیچی ہونگی
النازعات:10 ( النازعات:79 - آيت:10 ) کہتے ہیں کہ کیا پہلی کی سی حالت کی طرف لوٹائے جائیں گے
النازعات:11 ( النازعات:79 - آيت:11 ) کیا اس وقت جب کہ ہم بوسیدہ ہڈیاں ہو جائیں گے
النازعات:12 ( النازعات:79 - آيت:12 ) کہتے ہیں کہ پھر تو یہ لوٹنا نقصان دہ ہے
النازعات:13 ( النازعات:79 - آيت:13 ) (معلوم ہونا چاہیئے) وہ تو صرف ایک (خوفناک) ڈانٹ ہے۔
النازعات:14 ( النازعات:79 - آيت:14 ) کہ (جس کے ظاہر ہوتے ہی) وہ ایک دم میدان میں جمع ہو جائیں گے
النازعات:15 ( النازعات:79 - آيت:15 ) کیا موسیٰ(علیہ السلام) کی خبر تمہیں پہنچی ہے؟
النازعات:16 ( النازعات:79 - آيت:16 ) جب کہ انہیں ان کے رب نے پاک میدان طویٰ میں پکارا
النازعات:17 ( النازعات:79 - آيت:17 ) یہ کہ تم فرعون کے پاس جاؤ اس نے سرکشی اختیار کر لی ہے
النازعات:18 ( النازعات:79 - آيت:18 ) اس سے کہو کہ کیا تو اپنی درستگی اور اصلاح چاہتا ہے
النازعات:19 ( النازعات:79 - آيت:19 ) اور یہ کہ میں تجھے تیرے رب کی راہ دکھاؤں تاکہ تو (اس سے) ڈرنے لگے
النازعات:20 ( النازعات:79 - آيت:20 ) پس اسے بڑی نشانی دکھائی
النازعات:21 ( النازعات:79 - آيت:21 ) تو اس نے جھٹلایا اور نافرمانی کی۔
النازعات:22 ( النازعات:79 - آيت:22 ) پھر پلٹا دوڑ دھوپ کرتے ہوئے
النازعات:23 ( النازعات:79 - آيت:23 ) پھر سب کو جمع کر کے پکارا۔
النازعات:24 ( النازعات:79 - آيت:24 ) تم سب کا رب میں ہی ہوں۔
النازعات:25 ( النازعات:79 - آيت:25 ) تو (سب سے بلند و بالا) اللہ نے بھی اسے آخرت کے اور دنیا کے عذاب میں گرفتار کر لیا
النازعات:26 ( النازعات:79 - آيت:26 ) بیشک اس میں اس شخص کے لئے عبرت ہے جو ڈرے
النازعات:27 ( النازعات:79 - آيت:27 ) کیا تمہارا پیدا کرنا زیادہ دشوار ہے یا آسمان کا؟ اللہ نے اسے بنایا۔
النازعات:28 ( النازعات:79 - آيت:28 ) اس کی بلندی اونچی کی پھر اسے ٹھیک ٹھاک کر دیا۔
النازعات:29 ( النازعات:79 - آيت:29 ) اسکی رات کو تاریک بنایا اسکے دن کو روشن بنایا۔
النازعات:30 ( النازعات:79 - آيت:30 ) اس کے بعد زمین کو (ہموار) بچھا دیا۔
النازعات:31 ( النازعات:79 - آيت:31 ) اس میں سے پانی اور چارہ نکالا۔
النازعات:32 ( النازعات:79 - آيت:32 ) اور پہاڑوں کو (مضبوط) گاڑھ دیا۔
النازعات:33 ( النازعات:79 - آيت:33 ) یہ سب تمہارے اور تمہارے جانوروں کے فائدے کے لئے ہیں۔
النازعات:34 ( النازعات:79 - آيت:34 ) پس جب وہ بڑی آفت (قیامت) آ جائے گی۔
النازعات:35 ( النازعات:79 - آيت:35 ) جس دن کے انسان اپنے کئے ہوئے کاموں کو یاد کرے گا۔
النازعات:36 ( النازعات:79 - آيت:36 ) اور ہر دیکھنے والے کے سامنے جہنم ظاہر کی جائے گی۔
النازعات:37 ( النازعات:79 - آيت:37 ) تو جس (شخص) نے سرکشی کی (ہو گی)
النازعات:38 ( النازعات:79 - آيت:38 ) اور دنیاوی زندگی کو ترجیح دی ہو گی۔
النازعات:39 ( النازعات:79 - آيت:39 ) (اسکا) ٹھکانا جہنم ہی ہے۔
النازعات:40 ( النازعات:79 - آيت:40 ) ہاں جو شخص اپنے رب کے سامنے کھڑے ہونے سے ڈرتا رہا ہو گا اور اپنے نفس کو خواہش سے روکا ہو گا۔
النازعات:41 ( النازعات:79 - آيت:41 ) تو اس کا ٹھکانا جنت ہی ہے۔
النازعات:42 ( النازعات:79 - آيت:42 ) لوگ آپ سے قیامت کے واقع ہونے کا وقت دریافت کرتے ہیں
النازعات:43 ( النازعات:79 - آيت:43 ) آپ کو اس کے بیان کرنے سے کیا تعلق؟
النازعات:44 ( النازعات:79 - آيت:44 ) اس کے علم کی انتہا تو اللہ کی جانب ہے۔
النازعات:45 ( النازعات:79 - آيت:45 ) آپ تو صرف اس سے ڈرتے رہنے والوں کو آگاہ کرنے والے ہیں
النازعات:46 ( النازعات:79 - آيت:46 ) جس روز یہ اسے دیکھ لیں گے تو ایسا معلوم ہو گا کہ صرف دن کا آخری حصہ یا اول حصہ ہی (دنیا میں) رہے ہیں

 

[Aamir]

عبس:1 ( عبس:80 - آيت:1 ) وہ ترش رو ہوا اور منہ موڑ لیا۔
عبس:2 ( عبس:80 - آيت:2 ) (صرف اس لئے) کہ اس کے پاس ایک نابینا آیا
عبس:3 ( عبس:80 - آيت:3 ) تجھے کیا خبر شاید وہ سنور جاتا
عبس:4 ( عبس:80 - آيت:4 ) یا نصیحت سنتا اور اسے نصیحت فائدہ پہنچاتی۔
عبس:5 ( عبس:80 - آيت:5 ) جو بے پروائی کرتا ہے
عبس:6 ( عبس:80 - آيت:6 ) اس کی طرف تو پوری توجہ کرتا۔
عبس:7 ( عبس:80 - آيت:7 ) حالانکہ اس کے نہ سنورنے سے تجھ پر کوئی الزام نہیں۔
عبس:8 ( عبس:80 - آيت:8 ) جو شخص تیرے پاس دوڑتا ہوا آتا ہے
عبس:9 ( عبس:80 - آيت:9 ) اور وہ ڈر (بھی) رہا ہے
عبس:10 ( عبس:80 - آيت:10 ) تو اس سے بے رخی برتتا ہے
عبس:11 ( عبس:80 - آيت:11 ) یہ ٹھیک نہیں قرآن تو نصیحت کی چیز ہے۔
عبس:12 ( عبس:80 - آيت:12 ) جو چاہے اس سے نصیحت لے
عبس:13 ( عبس:80 - آيت:13 ) (یہ تو) پر عظمت آسمانی کتب میں سے (ہے)
عبس:14 ( عبس:80 - آيت:14 ) جو بلند بالا اور پاک صاف ہے۔
عبس:15 ( عبس:80 - آيت:15 ) ایسے لکھنے والوں کے ہاتھوں میں ہے
عبس:16 ( عبس:80 - آيت:16 ) جو بزرگ اور پاکباز ہیں
عبس:17 ( عبس:80 - آيت:17 ) اللہ کی مار انسان پر کیسا ناشکرا ہے۔
عبس:18 ( عبس:80 - آيت:18 ) اسے اللہ نے کس چیز سے پیدا کیا۔
عبس:19 ( عبس:80 - آيت:19 ) (اسے) ایک نطفہ سے پھر اندازہ پر رکھا اس کو۔
عبس:20 ( عبس:80 - آيت:20 ) پر اس کے لئے راستہ آسان کیا
عبس:21 ( عبس:80 - آيت:21 ) پھر اسے موت دی اور پھر قبر میں دفن کیا۔
عبس:22 ( عبس:80 - آيت:22 ) پھر جب چاہے گا اسے زندہ کر دے گا۔
عبس:23 ( عبس:80 - آيت:23 ) ہرگز نہیں اب تک اللہ کے حکم کی بجا آوری نہیں کی۔
عبس:24 ( عبس:80 - آيت:24 ) انسان کو چاہیے کہ اپنے کھانے کو دیکھے
عبس:25 ( عبس:80 - آيت:25 ) کہ ہم نے خوب پانی برسایا۔
عبس:26 ( عبس:80 - آيت:26 ) پھر پھاڑا زمین کو اچھی طرح۔
عبس:27 ( عبس:80 - آيت:27 ) پھر اس میں اناج اگائے۔
عبس:28 ( عبس:80 - آيت:28 ) اور انگور اور ترکاری۔
عبس:29 ( عبس:80 - آيت:29 ) اور زیتون اور کھجور۔
عبس:30 ( عبس:80 - آيت:30 ) اور گنجان باغات۔
عبس:31 ( عبس:80 - آيت:31 ) اور میوہ اور (گھاس) چارہ (بھی اگایا)۔
عبس:32 ( عبس:80 - آيت:32 ) تمہارے استعمال و فائدہ کے لئے اور تمہارے چوپایوں کے لئے۔
عبس:33 ( عبس:80 - آيت:33 ) پس جب کان بہرے کر دینے والی (قیامت) آ جائے گی
عبس:34 ( عبس:80 - آيت:34 ) اس دن آدمی بھاگے گا اپنے بھائی سے۔
عبس:35 ( عبس:80 - آيت:35 ) اور اپنی ماں اور اپنے باپ سے۔
عبس:36 ( عبس:80 - آيت:36 ) اور اپنی بیوی اور اپنی اولاد سے
عبس:37 ( عبس:80 - آيت:37 ) ان میں سے ہر ایک کو اس دن ایسی فکر (دامن گیر) ہو گی جو اس کے لئے کافی ہو گی ۔
عبس:38 ( عبس:80 - آيت:38 ) اس دن بہت سے چہرے روشن ہونگے۔
عبس:39 ( عبس:80 - آيت:39 ) (جو) ہنستے ہوئے اور ہشاش بشاش ہوں گے
عبس:40 ( عبس:80 - آيت:40 ) اور بہت سے چہرے اس دن غبار آلود ہوں گے۔
عبس:41 ( عبس:80 - آيت:41 ) جن پر سیاہی چڑھی ہوئی ہو گی
عبس:42 ( عبس:80 - آيت:42 ) وہ یہی کافر بدکردار لوگ ہوں گے

 

[Aamir]

التكوير:1 ( التكوير:81 - آيت:1 ) جب سورج لپیٹ میں آ جائے گا
التكوير:2 ( التكوير:81 - آيت:2 ) اور جب ستارے بے نور ہو جائیں گے
التكوير:3 ( التكوير:81 - آيت:3 ) اور جب پہاڑ چلائے جائیں گے
التكوير:4 ( التكوير:81 - آيت:4 ) اور جب دس ماہ کی حاملہ اونٹنیاں چھوڑ دی جائیں گی
التكوير:5 ( التكوير:81 - آيت:5 ) اور جب وحشی جانور اکھٹے کئے جائیں گے
التكوير:6 ( التكوير:81 - آيت:6 ) اور جب سمندر بھڑکائے جائیں گے
التكوير:7 ( التكوير:81 - آيت:7 ) اور جب جانیں (جسموں سے) ملا دی جائیں گی
التكوير:8 ( التكوير:81 - آيت:8 ) جب زندہ گاڑی ہوئی لڑکی سے سوال کیا جائے گا۔
التكوير:9 ( التكوير:81 - آيت:9 ) کہ کس گناہ کی وجہ سے وہ قتل کی گئی
التكوير:10 ( التكوير:81 - آيت:10 ) جب نامہ اعمال کھول دئیے جائیں گے
التكوير:11 ( التكوير:81 - آيت:11 ) اور جب آسمان کی کھال اتار لی جائے گی
التكوير:12 ( التكوير:81 - آيت:12 ) اور جب جہنم بھڑکائی جائے گی۔
التكوير:13 ( التكوير:81 - آيت:13 ) اور جب جنت نزدیک کر دی جائے گی۔
التكوير:14 ( التكوير:81 - آيت:14 ) تو اس دن ہر شخص جان لے گا جو کچھ لے کر آیا ہو گا
التكوير:15 ( التكوير:81 - آيت:15 ) میں قسم کھاتا ہوں پیچھے ہٹنے والے۔
التكوير:16 ( التكوير:81 - آيت:16 ) پھر چلنے پھرنے والے چھپنے والے ستاروں کی
التكوير:17 ( التكوير:81 - آيت:17 ) اور رات کی جب جانے لگے۔
التكوير:18 ( التكوير:81 - آيت:18 ) اور صبح کی جب چمکنے لگے۔
التكوير:19 ( التكوير:81 - آيت:19 ) یقیناً ایک بزرگ رسول کا کہا ہوا ہے
التكوير:20 ( التكوير:81 - آيت:20 ) جو قوت والا ہے عرش والے (اللہ) کے نزدیک بلند مرتبہ ہے۔
التكوير:21 ( التكوير:81 - آيت:21 ) جس کی (آسمانوں میں) اطاعت کی جاتی ہے، امین ہے۔
التكوير:22 ( التكوير:81 - آيت:22 ) اور تمہارا ساتھی دیوانہ نہیں
التكوير:23 ( التكوير:81 - آيت:23 ) اس نے اس (فرشتے) کو آسمان کے کھلے کنارے پر دیکھا بھی ہے
التكوير:24 ( التكوير:81 - آيت:24 ) اور یہ غیب کی باتوں کو بتلانے کے لئے بخیل بھی نہیں۔
التكوير:25 ( التكوير:81 - آيت:25 ) اور یہ قرآن شیطان مردود کا کلام نہیں۔
التكوير:26 ( التكوير:81 - آيت:26 ) پھر تم کہاں جا رہے ہو
التكوير:27 ( التكوير:81 - آيت:27 ) یہ تمام جہان والوں کے لئے نصیحت نامہ ہے۔
التكوير:28 ( التكوير:81 - آيت:28 ) (بالخصوص) اس کے لئے جو تم میں سے سیدھی راہ پر چلنا چاہے۔
التكوير:29 ( التكوير:81 - آيت:29 ) اور تم بغیر پروردگار عالم کے چاہے کچھ نہیں چاہ سکتے

 

[Aamir]

الانفطار:1 ( الانفطار:82 - آيت:1 ) جب آسمان پھٹ جائے گا
الانفطار:2 ( الانفطار:82 - آيت:2 ) جب ستارے جھڑ جائیں گے۔
الانفطار:3 ( الانفطار:82 - آيت:3 ) سمندر بہہ نکلیں گے
الانفطار:4 ( الانفطار:82 - آيت:4 ) اور جب قبریں (شق کر کے) اکھاڑ دی جائیں گی
الانفطار:5 ( الانفطار:82 - آيت:5 ) (اس وقت) ہر شخص اپنے آگے بھیجے ہوئے اور پیچھے چھوڑے ہوئے (یعنی اگلے پچھلے اعمال) کو معلوم کر لے گا۔
الانفطار:6 ( الانفطار:82 - آيت:6 ) اے انسان! تجھے اپنے رب کریم سے کس چیز نے بہکایا؟
الانفطار:7 ( الانفطار:82 - آيت:7 ) جس (رب نے) تجھے پیدا کیا پھر ٹھیک ٹھاک کیا اور پھر درست اور برابر بنایا
الانفطار:8 ( الانفطار:82 - آيت:8 ) جس صورت میں چاہا تجھے جوڑ دیا۔
الانفطار:9 ( الانفطار:82 - آيت:9 ) ہرگز نہیں بلکہ تم تو جزا و سزا کے دن کو جھٹلاتے ہو۔
الانفطار:10 ( الانفطار:82 - آيت:10 ) یقیناً تم پر نگہبان عزت والے۔
الانفطار:11 ( الانفطار:82 - آيت:11 ) لکھنے والے مقرر ہیں۔
الانفطار:12 ( الانفطار:82 - آيت:12 ) جو کچھ تم کرتے ہو وہ جانتے ہیں۔
الانفطار:13 ( الانفطار:82 - آيت:13 ) یقیناً نیک لوگ (جنت کے عیش آرام اور) نعمتوں میں ہوں گے۔
الانفطار:14 ( الانفطار:82 - آيت:14 ) اور یقیناً بدکار لوگ دوزخ میں ہونگے۔
الانفطار:15 ( الانفطار:82 - آيت:15 ) بدلے والے دن اس میں جائیں گے
الانفطار:16 ( الانفطار:82 - آيت:16 ) وہ اس سے کبھی غائب نہ ہونے پائیں گے۔
الانفطار:17 ( الانفطار:82 - آيت:17 ) تجھے کچھ خبر بھی ہے کہ بدلے کا دن کیا ہے۔
الانفطار:18 ( الانفطار:82 - آيت:18 ) پھر میں (کہتا ہوں) تجھے کیا معلوم کہ جزا و سزا کا دن کیا ہے۔
الانفطار:19 ( الانفطار:82 - آيت:19 ) (وہ ہے) جس دن کوئی شخص کسی شخص کے لئے کسی چیز کا مختار نہ ہو گا، اور (تمام تر) احکام اس روز اللہ کے ہی ہوں گے

 

[Aamir]

المطفِّفين:1 ( المطفِّفين:83 - آيت:1 ) بڑی خرابی ہے ناپ تول میں کمی کرنے والوں کی۔
المطفِّفين:2 ( المطفِّفين:83 - آيت:2 ) کہ جب لوگوں سے ناپ کر لیتے ہیں تو پورا پورا لیتے ہیں۔
المطفِّفين:3 ( المطفِّفين:83 - آيت:3 ) جب انہیں ناپ کر یا تول کر دیتے ہیں تو کم دیتے ہیں
المطفِّفين:4 ( المطفِّفين:83 - آيت:4 ) کیا انہیں مرنے کے بعد اٹھنے کا خیال نہیں۔
المطفِّفين:5 ( المطفِّفين:83 - آيت:5 ) اس عظیم دن کے لئے۔
المطفِّفين:6 ( المطفِّفين:83 - آيت:6 ) جس دن سب لوگ رب العالمین کے سامنے کھڑے ہوں گے۔
المطفِّفين:7 ( المطفِّفين:83 - آيت:7 ) یقیناً بدکاروں کا اعمالنامہ سجین میں ہے
المطفِّفين:8 ( المطفِّفين:83 - آيت:8 ) تجھے کیا معلوم سجین کیا ہے۔
المطفِّفين:9 ( المطفِّفين:83 - آيت:9 ) (یہ تو) لکھی ہوئی کتاب ہے۔
المطفِّفين:10 ( المطفِّفين:83 - آيت:10 ) اس دن جھٹلانے والوں کی بڑی خرابی ہے۔
المطفِّفين:11 ( المطفِّفين:83 - آيت:11 ) جو جزا اور سزا کے دن کو جھٹلاتے رہے۔
المطفِّفين:12 ( المطفِّفين:83 - آيت:12 ) اسے صرف وہی جھٹلاتا ہے جو حد سے آگے نکل جانے والا (اور) گناہگار ہوتا ہے۔
المطفِّفين:13 ( المطفِّفين:83 - آيت:13 ) جب اس کے سامنے ہماری آیتیں پڑھی جاتی ہیں تو کہہ دیتا ہے کہ یہ اگلوں کے افسانے ہیں
المطفِّفين:14 ( المطفِّفين:83 - آيت:14 ) یوں نہیں بلکہ ان کے دلوں پر ان کے اعمال کی وجہ سے زنگ (چڑھ گیا) ہے
المطفِّفين:15 ( المطفِّفين:83 - آيت:15 ) ہرگز نہیں یہ لوگ اس دن اپنے رب سے اوٹ میں رکھے جائیں گے
المطفِّفين:16 ( المطفِّفين:83 - آيت:16 ) پھر یہ لوگ بالیقین جہنم میں جھونکے جائیں گے۔
المطفِّفين:17 ( المطفِّفين:83 - آيت:17 ) پھر کہہ دیا جائے گا کہ یہی ہے وہ جسے تم جھٹلاتے رہے۔
المطفِّفين:18 ( المطفِّفين:83 - آيت:18 ) یقیناً یقیناً نیکوکاروں کا نامہ اعمال علیین میں ہے
المطفِّفين:19 ( المطفِّفين:83 - آيت:19 ) تجھے کیا پتہ کہ علیین کیا ہے؟
المطفِّفين:20 ( المطفِّفين:83 - آيت:20 ) (وہ تو) لکھی ہوئی کتاب ہے۔
المطفِّفين:21 ( المطفِّفين:83 - آيت:21 ) مقرب (فرشتے) اس کا مشاہدہ کرتے ہیں۔
المطفِّفين:22 ( المطفِّفين:83 - آيت:22 ) یقیناً نیک لوگ (بڑی) نعمتوں میں ہونگے۔
المطفِّفين:23 ( المطفِّفين:83 - آيت:23 ) مسہریوں میں بیٹھے دیکھ رہے ہونگے۔
المطفِّفين:24 ( المطفِّفين:83 - آيت:24 ) تو ان کے چہروں سے ہی نعمتوں کی ترو تازگی پہچان لے گا۔
المطفِّفين:25 ( المطفِّفين:83 - آيت:25 ) یہ لوگ سر بمہر خالص شراب پلائے جائیں گے۔
المطفِّفين:26 ( المطفِّفين:83 - آيت:26 ) جس پر مشک کی مہر ہو گی، سبقت لے جانے والوں کو اسی میں سبقت کرنی چاہیے
المطفِّفين:27 ( المطفِّفين:83 - آيت:27 ) اور اس کی آمیزش تسنیم ہو گی
المطفِّفين:28 ( المطفِّفين:83 - آيت:28 ) وہ چشمہ جس کا پانی مقرب لوگ پئیں گے۔
المطفِّفين:29 ( المطفِّفين:83 - آيت:29 ) گنہگار لوگ ایمانداروں کی ہنسی اڑیا کرتے تھے
المطفِّفين:30 ( المطفِّفين:83 - آيت:30 ) ان کے پاس سے گزرتے ہوئے آپس میں آنکھ کے اشارے کرتے تھے۔
المطفِّفين:31 ( المطفِّفين:83 - آيت:31 ) اور جب اپنے والوں کی طرف لوٹتے تو دل لگیاں کرتے تھے
المطفِّفين:32 ( المطفِّفين:83 - آيت:32 ) اور جب انہیں دیکھتے تو کہتے یقیناً یہ لوگ گمراہ (بے راہ) ہیں۔
المطفِّفين:33 ( المطفِّفين:83 - آيت:33 ) یہ ان پر پاسبان بنا کر تو نہیں بھیجے گئے
المطفِّفين:34 ( المطفِّفين:83 - آيت:34 ) پس آج ایمان والے ان کافروں پر ہنسیں گے۔
المطفِّفين:35 ( المطفِّفين:83 - آيت:35 ) تختوں پر بیٹھے دیکھ رہے ہونگے۔
المطفِّفين:36 ( المطفِّفين:83 - آيت:36 ) کہ اب ان منکروں نے جیسا یہ کرتے تھے پورا پورا بدلہ پا لیا

 

[Aamir]

الانشقاق:1 ( الانشقاق:84 - آيت:1 ) جب آسمان پھٹ جائے گا
الانشقاق:2 ( الانشقاق:84 - آيت:2 ) اور اپنے رب کے حکم پر کان لگائے گا اسی کے لائق وہ ہے
الانشقاق:3 ( الانشقاق:84 - آيت:3 ) اور جب زمین کھینچ کر پھیلا دی جائے گی
الانشقاق:4 ( الانشقاق:84 - آيت:4 ) اور اس میں جو ہے اسے وہ اگل دے گی اور خالی ہو جائے گی
الانشقاق:5 ( الانشقاق:84 - آيت:5 ) اور اپنے رب پر کان لگائے گی اور اسی لائق وہ ہے۔
الانشقاق:6 ( الانشقاق:84 - آيت:6 ) اے انسان! تو نے اپنے رب سے ملنے تک یہ کوشش اور تمام کام اور محنتیں کر کے اس سے ملاقات کرنے والا ہے۔
الانشقاق:7 ( الانشقاق:84 - آيت:7 ) تو (اس وقت) جس شخص کے داہنے ہاتھ میں اعمال نامہ دیا جائے گا۔
الانشقاق:8 ( الانشقاق:84 - آيت:8 ) اس کا حساب تو بڑی آسانی سے لیا جائے گا
الانشقاق:9 ( الانشقاق:84 - آيت:9 ) اور وہ اپنے اہل کی طرف ہنسی خوشی لوٹ آئے گا ۔
الانشقاق:10 ( الانشقاق:84 - آيت:10 ) ہاں جس شخص کا اعمال نامہ اس کی پیٹھ پیچھے سے دیا جائے گا۔
الانشقاق:11 ( الانشقاق:84 - آيت:11 ) تو وہ موت کو بلانے لگے گا۔
الانشقاق:12 ( الانشقاق:84 - آيت:12 ) اور بھڑکتی ہوئی جہنم میں داخل ہو گا۔
الانشقاق:13 ( الانشقاق:84 - آيت:13 ) یہ شخص اپنے متعلقین میں (دنیا میں) خوش تھا
الانشقاق:14 ( الانشقاق:84 - آيت:14 ) اس کا خیال تھا کہ اللہ کی طرف لوٹ کر ہی نہ جائے گا۔
الانشقاق:15 ( الانشقاق:84 - آيت:15 ) کیوں نہیں حالانکہ اس کا رب اسے بخوبی دیکھ رہا تھا
الانشقاق:16 ( الانشقاق:84 - آيت:16 ) مجھے شفق کی قسم اور رات کی!
الانشقاق:17 ( الانشقاق:84 - آيت:17 ) اور اس کی جمع کردہ چیزوں کی قسم۔
الانشقاق:18 ( الانشقاق:84 - آيت:18 ) اور چاند کو جب وہ کامل ہو جاتا ہے۔
الانشقاق:19 ( الانشقاق:84 - آيت:19 ) یقیناً تم ایک حالت سے دوسری حالت میں پہنچو گے
الانشقاق:20 ( الانشقاق:84 - آيت:20 ) انہیں کیا ہو گیا ہے کہ ایمان نہیں لاتے۔
الانشقاق:21 ( الانشقاق:84 - آيت:21 ) اور جب ان کے پاس قرآن پڑھا جاتا ہے تو سجدہ نہیں کرتے
الانشقاق:22 ( الانشقاق:84 - آيت:22 ) بلکہ جنہوں نے کفر کیا وہ جھٹلا رہے ہیں
الانشقاق:23 ( الانشقاق:84 - آيت:23 ) اور اللہ تعالیٰ خوب جانتا ہے جو کچھ یہ دلوں میں رکھتے ہیں۔
الانشقاق:24 ( الانشقاق:84 - آيت:24 ) انہیں المناک عذابوں کی خوشخبری سنا دو۔
الانشقاق:25 ( الانشقاق:84 - آيت:25 ) ہاں ایمان والوں اور نیک اعمال والوں کو بے شمار اور نہ ختم ہونے والا اجر ہے۔

 

[Aamir]

البروج:1 ( البروج:85 - آيت:1 ) برجوں والے آسمان کی قسم
البروج:2 ( البروج:85 - آيت:2 ) وعدہ کئے ہوئے دن کی قسم!
البروج:3 ( البروج:85 - آيت:3 ) حاضر ہونے والے اور حاضر کئے گئے کی قسم
البروج:4 ( البروج:85 - آيت:4 ) (کہ) خندقوں والے ہلاک کئے گئے
البروج:5 ( البروج:85 - آيت:5 ) وہ ایک آگ تھی ایندھن والی
البروج:6 ( البروج:85 - آيت:6 ) جبکہ وہ لوگ اس کے آس پاس بیٹھے تھے
البروج:7 ( البروج:85 - آيت:7 ) اور مسلمانوں کے ساتھ جو کر رہے تھے اس کو اپنے سامنے دیکھ رہے تھے۔
البروج:8 ( البروج:85 - آيت:8 ) یہ لوگ ان مسلمانوں (کے کسی اور گناہ) کا بدلہ نہیں لے رہے تھے، سوائے اس کے کہ وہ اللہ غالب لائق حمد کی ذات پر ایمان لائے تھے
البروج:9 ( البروج:85 - آيت:9 ) جس کے لئے آسمان و زمین کا ملک ہے۔ اور اللہ تعالیٰ کے سامنے ہے ہر چیز۔
البروج:10 ( البروج:85 - آيت:10 ) بیشک جن لوگوں نے مسلمان مردوں اور عورتوں کو ستایا پھر توبہ (بھی) نہ کی تو ان کے لئے جہنم کا عذاب ہے اور جلنے کا عذاب ہے۔
البروج:11 ( البروج:85 - آيت:11 ) بیشک ایمان قبول کرنے والوں اور نیک کام کرنے والوں کے لئے وہ باغات ہیں جن کے نیچے نہریں بہہ رہی ہیں۔
البروج:12 ( البروج:85 - آيت:12 ) یقیناً تیرے رب کی پکڑ بڑی سخت ہے۔
البروج:13 ( البروج:85 - آيت:13 ) وہی پہلی مرتبہ پیدا کرتا ہے وہی دوبارہ پیدا کرے گا۔
البروج:14 ( البروج:85 - آيت:14 ) وہ بڑا بخشش کرنے والا اور بہت محبت کرنے والا ہے۔
البروج:15 ( البروج:85 - آيت:15 ) عرش کا مالک عظمت والا ہے۔
البروج:16 ( البروج:85 - آيت:16 ) جو چاہے اسے کر گزرنے والا ہے
البروج:17 ( البروج:85 - آيت:17 ) تجھے لشکروں کی خبر ملی ہے؟
البروج:18 ( البروج:85 - آيت:18 ) (یعنی) فرعون اور ثمود کی۔
البروج:19 ( البروج:85 - آيت:19 ) (کچھ نہیں) بلکہ کافر جھٹلانے میں پڑے ہوئے ہیں۔
البروج:20 ( البروج:85 - آيت:20 ) اور اللہ تعالیٰ بھی انہیں ہر طرف سے گھیرے ہوئے ہے۔
البروج:21 ( البروج:85 - آيت:21 ) بلکہ یہ قرآن ہے بڑی شان والا۔
البروج:22 ( البروج:85 - آيت:22 ) لوح محفوظ میں لکھا ہوا ہے

 

[Aamir]

الطارق:1 ( الطارق:86 - آيت:1 ) قسم ہے آسمان کی اور اندھیرے میں روشن ہونے والے کی۔
الطارق:2 ( الطارق:86 - آيت:2 ) تجھے معلوم بھی ہے کہ وہ رات کو نمودار ہونے والی چیز کیا ہے؟
الطارق:3 ( الطارق:86 - آيت:3 ) وہ روشن ستارہ ہے
الطارق:4 ( الطارق:86 - آيت:4 ) کوئی ایسا نہیں جس پر نگہبان فرشتہ نہ ہو
الطارق:5 ( الطارق:86 - آيت:5 ) انسان کو دیکھنا چاہیے کہ وہ کس چیز سے پیدا کیا گیا ہے۔
الطارق:6 ( الطارق:86 - آيت:6 ) وہ ایک اچھلتے ہوئے پانی سے پیدا کیا گیا ہے۔
الطارق:7 ( الطارق:86 - آيت:7 ) جو پیٹھ اور سینے کے درمیان سے نکلتا ہے۔
الطارق:8 ( الطارق:86 - آيت:8 ) بیشک وہ اسے پھیر لانے پر یقیناً قدرت رکھنے والا ہے
الطارق:9 ( الطارق:86 - آيت:9 ) جس دن پوشیدہ باتوں کی جانچ پڑتال ہو گی۔
الطارق:10 ( الطارق:86 - آيت:10 ) تو نہ ہو گا اس کے پاس کچھ زور نہ مددگار۔
الطارق:11 ( الطارق:86 - آيت:11 ) بارش والے آسمان کی قسم
الطارق:12 ( الطارق:86 - آيت:12 ) اور پھٹنے والی زمین کی قسم
الطارق:13 ( الطارق:86 - آيت:13 ) بیشک یہ (قرآن) البتہ دو ٹوک فیصلہ کرنے والا کلام ہے۔
الطارق:14 ( الطارق:86 - آيت:14 ) یہ ہنسی کی (اور بے فائدہ) بات نہیں
الطارق:15 ( الطارق:86 - آيت:15 ) البتہ کافر داؤ گھات میں ہیں
الطارق:16 ( الطارق:86 - آيت:16 ) اور میں بھی ایک چال چل رہا ہوں
الطارق:17 ( الطارق:86 - آيت:17 ) تو کافروں کو مہلت دے انہیں تھوڑے دن چھوڑ دے۔

 

[Aamir]

الأعلى:1 ( الأعلى:87 - آيت:1 ) اپنے بہت ہی بلند اللہ کے نام کی پاکیزگی بیان کر
الأعلى:2 ( الأعلى:87 - آيت:2 ) جس نے پیدا کیا اور صحیح سالم بنایا۔
الأعلى:3 ( الأعلى:87 - آيت:3 ) اور جس نے (ٹھیک ٹھاک) اندازہ کیا اور پھر راہ دکھائی
الأعلى:4 ( الأعلى:87 - آيت:4 ) اور جس نے تازہ گھاس پیدا کیا۔
الأعلى:5 ( الأعلى:87 - آيت:5 ) پھر اس نے اس کو (سکھا کر) سیاہ کوڑا کر دیا۔
الأعلى:6 ( الأعلى:87 - آيت:6 ) ہم تجھے پڑھائیں گے پھر تو نہ بولے گا
الأعلى:7 ( الأعلى:87 - آيت:7 ) مگر جو کچھ اللہ چاہے، وہ ظاہر اور پوشیدہ کو جانتا ہے۔
الأعلى:8 ( الأعلى:87 - آيت:8 ) ہم آپ کیلئے آسانی پیدا کر دیں گے
الأعلى:9 ( الأعلى:87 - آيت:9 ) تو آپ نصیحت کرتے رہیں اگر نصیحت کچھ فائدہ دے۔
الأعلى:10 ( الأعلى:87 - آيت:10 ) ڈرنے والا تو نصیحت لے گا۔
الأعلى:11 ( الأعلى:87 - آيت:11 ) (ہاں) بد بخت اس سے گریز کرے گا۔
الأعلى:12 ( الأعلى:87 - آيت:12 ) جو بڑی آگ میں جائے گا۔
الأعلى:13 ( الأعلى:87 - آيت:13 ) جہاں پھر نہ مرے گا نہ جئے گا (بلکہ حالت نزع میں پڑا رہے گا۔
الأعلى:14 ( الأعلى:87 - آيت:14 ) بیشک اس نے فلاح پائی جو پاک ہو گیا
الأعلى:15 ( الأعلى:87 - آيت:15 ) اور جس نے اپنے رب کا نام یاد رکھا اور نماز پڑھتا رہا۔
الأعلى:16 ( الأعلى:87 - آيت:16 ) لیکن تم تو دنیا کی زندگی کو ترجیح دیتے ہو۔
الأعلى:17 ( الأعلى:87 - آيت:17 ) اور آخرت بہت بہتر اور بہت بقا والی ہے
الأعلى:18 ( الأعلى:87 - آيت:18 ) یہ باتیں پہلی کتابوں میں بھی ہیں۔
الأعلى:19 ( الأعلى:87 - آيت:19 ) (یعنی) ابراہیم اور موسیٰ کی کتابوں میں۔

 

[Aamir]

الغاشية:1 ( الغاشية:88 - آيت:1 ) کیا تجھے بھی چھپا لینے والی (قیامت) کی خبر پہنچی ہے ۔
الغاشية:2 ( الغاشية:88 - آيت:2 ) اس دن بہت سے چہرے ذلیل ہونگے۔
الغاشية:3 ( الغاشية:88 - آيت:3 ) (اور) محنت کرنے والے تھکے ہوئے ہونگے
الغاشية:4 ( الغاشية:88 - آيت:4 ) اور دہکتی ہوئی آگ میں جائیں گے۔
الغاشية:5 ( الغاشية:88 - آيت:5 ) نہایت گرم چشمے کا پانی ان کو پلایا جائے گا۔
الغاشية:6 ( الغاشية:88 - آيت:6 ) ان کے لئے کانٹے دار درختوں کے سوا اور کچھ کھانا نہ ہو گا۔
الغاشية:7 ( الغاشية:88 - آيت:7 ) جو نہ موٹا کرے گا نہ بھوک مٹائے گا۔
الغاشية:8 ( الغاشية:88 - آيت:8 ) بہت سے چہرے اس دن تر و تازہ اور (آسودہ) حال ہونگے۔
الغاشية:9 ( الغاشية:88 - آيت:9 ) اپنی کوشش پر خوش ہونگے۔
الغاشية:10 ( الغاشية:88 - آيت:10 ) بلند و بالا جنتوں میں ہونگے۔
الغاشية:11 ( الغاشية:88 - آيت:11 ) جہاں کوئی بیہودہ بات نہیں سنیں گے۔
الغاشية:12 ( الغاشية:88 - آيت:12 ) جہاں بہتا ہوا چشمہ ہو گا۔
الغاشية:13 ( الغاشية:88 - آيت:13 ) (اور) اس میں اونچے اونچے تخت ہونگے۔
الغاشية:14 ( الغاشية:88 - آيت:14 ) اور پینے کے برتن رکھے ہوئے (ہونگے)۔
الغاشية:15 ( الغاشية:88 - آيت:15 ) اور قطار میں لگے ہوئے تکیے ہونگے۔
الغاشية:16 ( الغاشية:88 - آيت:16 ) اور مخملی مسندیں پھیلی پڑی ہونگی۔
الغاشية:17 ( الغاشية:88 - آيت:17 ) کیا یہ اونٹوں کو نہیں دیکھتے وہ کس طرح پیدا کئے
الغاشية:18 ( الغاشية:88 - آيت:18 ) اور آسمان کو کہ کس طرح اونچا کیا گیا۔
الغاشية:19 ( الغاشية:88 - آيت:19 ) اور پہاڑوں کی طرف کس طرح گاڑھ دیئے گئے ہیں۔
الغاشية:20 ( الغاشية:88 - آيت:20 ) اور زمین کی طرف کس طرح بچھائی گئی ہے۔
الغاشية:21 ( الغاشية:88 - آيت:21 ) پس آپ نصیحت کر دیا کریں (کیونکہ) آپ صرف نصیحت کرنے والے ہیں
الغاشية:22 ( الغاشية:88 - آيت:22 ) آپ کچھ ان پر دروغہ نہیں ہیں۔
الغاشية:23 ( الغاشية:88 - آيت:23 ) ہاں! جو شخص روگردانی کرے اور کفر کرے۔
الغاشية:24 ( الغاشية:88 - آيت:24 ) اسے اللہ بہت بڑا عذاب دے گا۔
الغاشية:25 ( الغاشية:88 - آيت:25 ) بیشک ہماری طرف ان کا لوٹنا ہے۔
الغاشية:26 ( الغاشية:88 - آيت:26 ) اور بیشک ہمارے ذمہ ہے ان سے حساب لینا۔