متفرق اشعار

[ساجد تاج]

جسے آپ گنتے تھے آشنا ' جسے آپ کہتے تھے با وفا
میں‌ وہی ہوں‌ مومن مبتلا ' تمہیں یاد ہو کہ نا یاد ہو!

 

[ساجد تاج]

دے کے دل اپنا ظفر اس دشمنِ جاں کو
مجھ پہ جو گذری مصیبت مجھ سے کچھ پوچھو نہیں

 

[عبدالعلام]

زندگی جیسے ایک بددعا کا تسلسل- جیسے ایک کبیرہ گناہ- جیسے کالی اماوس کی رات- جس کی کوی صبح ہی نہیں- پیاس سے جان ہونٹون پہ آی ہوی- پاس میں ایک قطرہ نہیں- دھوپ نے مجھ کو جھلسا دیا- کوی سایہ نہیں- آسماں پر گھٹا تک نہیں- میرے مالک رحم- ایک تیرے سوا- کوی اپنا نہیں

 

[محمد آصف مغل]

کرتے ہو تم خوشامد دنیا بڑھا کے ہاتھ
اللہ کی طرف نہیں اٹھتے دعا کے ہاتھ​

 

[محمد آصف مغل]

خدا کے فضل سے بی بی، میاں دونوں مہذب ہیں
حجاب ان کو نہیں آتا ، انہیں غصہ نہیں آتا​

 

[محمد آصف مغل]

ہم ریش دکھاتے ہیں کہ اسلام کو دیکھو
مِس زلف دکھاتی ہے کہ اس لام کو دیکھو​

 

[محمد آصف مغل]

وصل ہو یا فراق ہو اکبر
جاگنا ساری رات مشکل ہے​

 

[محمد آصف مغل]

ہم ایسی کل کتابیں قابلِ ضبطی سمجھتے ہیں
جنھیں پڑھ کر کے لڑکے باپ کو خبطی سمجھتے ہیں​

 

[محمد آصف مغل]

بے پردہ نظر آئیں جو کل چند بیبیاں
اکبر زمیں میں غیرت قومی سے گڑ گیا​

پوچھا جو ان سے آپ کا پردہ وہ کیا ہوا
کہنے لگیں کہ عقل پے مردوں کے پڑ گیا​

 

[محمد آصف مغل]

غم ہے اتنا کہ دلِ زار پہ قابو بھی نہیں
ضبط یہ ہے کہ کہیں آنکھ میں آنسو بھی نہیں
کیا مرے عہد میں بدلی ہے گلستان کی ہوا
رنگ کیسا کہ کسی پھول میں خوشبو بھی نہیں​