مسلمانوں میں اہانتِ رسولﷺ کے مختلف پہلو

[ساجد]

خلاصۂ کلام
خلاصۂ کلام یہ ہے کہ کفار کی طرف سے اہانت رسول پر مسلمانوں کا شدید ردّعمل اس بات کا ثبوت ہے کہ ان میں حب ِ رسولﷺ کا جذبہ باقی ہے مگر یہ بات ذہن نشین کرلینی چاہئے کہ حب ِ رسولﷺ کا حقیقی تقاضا یہ ہے کہ رسول اللہﷺ کی ادنیٰ ترین اِہانت سے بھی خود کو بچایا جائے۔ آپﷺ کی سنت کی اِتباع کی جائے۔ آپﷺ کی لائی ہوئی تعلیمات کو اپنی اور معاشرے کی اِصلاح و فلاح کے لئے کافی سمجھا جائے۔ ان میں کسی بھی قسم کے اِضافے سے گریز کیا جائے۔ آپ کی بات کے مقابلے میں کسی کی بات کو ترجیح نہ دی جائے۔ ہر طرح کے فیصلوں میں آپﷺکی تعلیمات کو ملحوظ رکھا جائے۔ اپنی جان،مال، اولاد، الغرض کائنات کی ہر چیز سے بڑھ کر آپﷺ سے محبت کی جائے اور آپﷺ ہی کو اپنا آئیڈیل اور اُسوہ سمجھا جائے۔ اللہ تعالیٰ ہمیں اس کی توفیق سے نوازے۔ آمین

٭…٭…٭

 

[ساجد]

نبی مکرم ﷺ سے عقیدت و محبت ایمان کی اولین شرط ہے اور یہ شرط معدوم ہونے پر انسان دائرہ ایمان سے خارج ہوجاتاہے۔ جیسا کہ فرمان نبویﷺ ہے:
«لایومن أحدکم حتیٰ أکون أحب إلیه من والدہ وولدہ والناس أجمعین»
لیکن محبت کے برعکس اگر کوئی دریدۂ دہن شخص رسول مکرمﷺ کی شان اَقدس میں ہرزہ سرائی کرتا ہے تو اس کا یہ عمل دنیا میں سزائے موت اور آخرت میں رسوا کن ہمیشگی کے عذاب کا مستوجب ہے۔جیسا کہ فرمان باری تعالیٰ ہے: ﴿إنَّ الَّذِیْنَ یُؤْذُوْنَ اﷲَ وَرَسُوْلَہُ لَعَنَھُمُ اﷲُ فِیْ الدُّنْیَا وَالاٰخِرَۃِ وَاَعَدَّلَھُمْ عَذَابًا مُّھِیْنًا… مَلْعُوْنِیْنَ اَیْنَمَا ثُقِفُوْا اُخِذُوْا وَقُتِّلُوْا تَقْتِیْلًا﴾ (الأحزاب:۵۷،۶۱ )

 

[ساجد]

عہد رسالت میں بھی کوئی بدبخت اہانت کی جسارت کرتا تو حضور مکرمﷺ اپنے جانثار صحابہ سے فرماتے «من یکفینی عدوی »’’کون ہے جو میرے اس دشمن کو کیفرکردار تک پہنچائے‘‘آپﷺ کے اس سوال کا عملی جواب دینے کے لئے صحابہ کرام رضی اللہ عنہم برجستہ ٹوٹ پڑتے اور ایسے ملعون گستاخ کا سرتن سے جدا کئے بغیر سکون نہ پاتے۔ ایسی بے شمار مثالیں کتب احادیث و سیر میں کعب بن اشرف، ابورافع یہودی، عصماء بنت مروان، ابن خطل، ام ولد اور دیگر گستاخان رسول کے قتل کی صورت میں ملتی ہیں۔
قرآن و سنت، اَقوال صحابہ رضی اللہ عنہم، آراء ائمہ و فقہاء اور اجماع اُمت کی روشنی میں واضح ہوجاتی ہے کہ مرتکب اِہانت رسولﷺ واجب القتل ہے۔

عبدالرشید مجاہد آبادی​