معمولی نیکی کو بھی حقیر نہ جانو

[ماریہ انعام]

السلام علیکم ورحمۃ اللہ وبرکاتہ

کتاب الادب کے دوسرے باب ‘ باب البر والصلۃ کی دسویں حدیث کچھ یوں ہے
وعن ابی ذر رضی اللہ عنہ قال :
قال رسول اللہ ﷺ لا تحقرن من المعروف شیئا ‘ ولو ان تلقاک اخاک بوجہ طلق ( مسلم)


ابو ذر رضی اللہ عنہ سے روایت ہے کہ رسول اللہ ﷺ نے فرمایا
بھلائی میں سے کسی چیز کو ہرگز حقیر مت سمجھو خواہ ( اتنا ہی ہو ) کہ تو اپنے بھائی کو کھلے چہرے کے ساتھ ملے (مسلم)

 

[ماریہ انعام]

نیکی کا کوئی بھی کام معمولی نہیں ہوتا ۔۔۔اللہ تعالی فرماتے ہیں

وما تفعلوا من خیر فان اللہ بہ علیم
اور تم جو بھی بھلائی کرو اللہ تعالی اسے جاننے والے ہیں

فمن یعمل مثقال ذرۃ خیرا یرہ
پس جو شخص ایک ذرے کے برابر بھلائی کرے گا وہ اسے دیکھ لے گا

وما تفعلوا من خیر یعلمہ اللہ
اور تم جو بھی بھلائی کرو اللہ تعالی اسے جانتے ہیں

تینوں آیات میں بھلائی کے لیے نکرہ اسم استعمال کیا گیا ہے ۔۔اور نکرہ کا اطلاق کسی بھی انجانی اور معمولی چیز پر ہوتا ہے۔۔دو آیات میں خیر کے ساتھ من بھی آیا ہے۔۔۔۔اور یہ من تبعیضیہ ہے یعنی کسی بھی بھلائی میں سے کچھ بھی تم کرو۔۔۔۔گویا کسی بھی نیکی کو یا نیکی کے معمولی سے حصے کو بھی حقیر نہیں جاننا چاہیے ۔۔۔ہو سکتا ہے یہی معمولی نیکی ہماری نجات کا سبب بن جائے

 

[ماریہ انعام]

دخَلَتِ امرأةٌ النَّارَ في هرَّةٍ ربَطَتْها فلَمْ تَسْقِها ولَمْ تُطعِمْها ولَمْ تُرسِلْها تأكُلُ مِن خَشاشِ الأرضِ حتَّى ماتت في رباطِها ودخَلَتْ مُومِسةٌ الجنَّةَ إذ مرَّتْ على كلبٍ على طَوِيٍّ يُريدُ الماءَ فلا يقدِرُ عليه فنزَعَتْ خُفَّها أو مُوقَها فربَطَتْه في خِمارِها فنزَعَتْ له فسقَتْه حتَّى أَرْوَتْه

الراوي: أبو هريرة المحدث: الطبراني - المصدر: المعجم الأوسط - الصفحة أو الرقم: 1/169​

حديث ملاحظہ کیجیے ۔۔۔اک عورت ایک معمولی بلی کی وجہ سے آگ کا ایندھن بن رہی ہے جبکہ دوسری عورت جو زانیہ بھی ہے محض ایک کتے کو جو ایک نجس جانور ہے پانی پلانے پر جنت میں داخل کی جا رہی ہے۔۔۔۔اللہ تعالی ہماری عبادتوں سے غنی ہیں۔۔۔ وہ ہمارے طویل سجدے یا ہماری محرابیں نہیں دیکھتے۔۔بلکہ ہمارے دل اور نیتیں دیکھتے ہیں۔۔۔ہو سکتا ہے حسن نیت کی وجہ سے ایک معمولی عمل ہماری بخشش کرا دے اور نیت کی خرابی کے باعث بڑے بڑے اعمال اکارت چلے جائیں​

لن ینال اللہ لحومھا ولا دماءھا ولکن ینالہ التقوی منکم