میرے ابو کے نام

[نسرین فاطمہ]

آہ
وہ جان سے عزیز ہستی
کہ جو ہمارے لئے تھے ابر کا سایہ
کلیوں کی مہک -----------خوشیوں کا پیغام
شفقت کا پیکر -----------مجسم محبت
ہم سب ان کی چھاوں میں سکون پاتے تھے
دل کا حال بیان کرتے تھے
وہ ہماری دل جوئی کرتے تھے
میں خوش تھی
ہم سب بہت خوش تھے
لیکن
کل نفس ذائقتہ الموت
اور اچانک میرے ابو نے بھی چکھ لیا
قانون فطرت کے مطابق ابو ہم سے جدا ہو گئے
اور وہ ابدی راہ پا گئے
اور ہم انا للہ کہہ کہ رہ گئے
رونے والے ہزاروں تھے
مگر میری آنکھیں پتھرا گئیں
میں جو بات بات پہ رونے والی
اپنے پیارے ابو کو دیکھتی رہ گئی
اور دو آنسو بھی نہ بہا سکی
شائد لمحات اور وقت کا احساس مٹ گیا تھا
سب دوست احباب کندھا دیکر
اپنے عزیزبھائی پر اپنے ہی ہاتھ سے
مٹی ڈال کر غمگین چہرے سے واپس آگئے
سوائے ان کے اعمال صالحہ کہ
یا پھر صدقہ جاریہ کہ
یا پھر کام آئیگی ان کی نیک اولاد
جنہوں نے ان کے لئے رب سے دعا کی ہوگی
اور وہ دعائیں جو ہم نے کی ہیں
آہوں اور سسکیوں کے درمیاں سر گوشیوں میں
مجھے یقین ہے کہ وہ دعائیں میرے ابو کے لئے
توشہ آخرت بنیں گی
کہ یہی حکم ربی ہے تو ہم نے صبر کیا
اپنے ابو سے جدا ہو کر سایہ شجر سے الگ ہو کر
ہم اپنے اللہ سے پر امید ہیں
کہ ہم اپنے ابو کے لئے صدقہ جاریہ ہوں باعث اجر ہوں
اور ہمارے ابو کی روح آغوش بہشت میں ہو۔

 

[یوسف ثانی]

بہت جامع، تاثراتی اور نافع تحریر ہے۔ اللہ آپ کے ابو کے درجات بلند کرے اور ہم سب کو اپنے والدین کے لئے صدقہ جاریہ بننے کی توفیق عطا فرمائے آمین

 

[ابن خلیل]

بہت عمدگی سے آپ نے اپنے احساسات کو بیان کیا ہے بہنا
اللہ آپ کے ابو کے درجات بلند کرے اور ہم سب کو اپنے والدین کے لئے صدقہ جاریہ بننے کی توفیق عطا فرمائے آمین

 

[حسین]

جی آپ کے احساسات کی ترجمانی آپ نے بہت خوبی سے کی ہے محترمہ

 

[Abubaker304]

بہت لا جواب
​

 

[محمد زاہد بن فیض]

بہت خوب بہنا۔اللہ آپ کے ابو کے درجات بلند کرے اور ہم سب کو اپنے والدین کے لئے صدقہ جاریہ بننے کی توفیق عطا فرمائے آمین

 

[محمد عامر یونس]

کہ ہم اپنے ابو کے لئے صدقہ جاریہ ہوں باعث اجر ہوں
اور ہمارے ابو کی روح آغوش بہشت میں ہو۔

آمین یا رب العالمین