میرے پسندیدہ اشعار

[ام عبدالرحمٰن]

غلامی میں نہ کام آتی ہیں شمشیریں نہ تدبیریں
جو ہو ذوقِ یقین پیدا تو کٹ جاتی ہیں زنجیریں

 

[مشکٰوۃ]

وہ دن بھی آئے صلیب گر بھی صلیب پر ہوں​

یہ شہر اِک روز پھر سے یومِ حساب دیکھے​

کہاں کی آنکھیں کہ اب تو چہروں پہ آبلے ہیں​

اور آبلوں سے بھلا کوئی کیسے خواب دیکھے؟​

عجب نہیں ہے جو خوشبوؤں سے ہے شہر خالی​

کہ میں نے دہلیزِقاتلاں پر گلاب دیکھے​

 

[مشکٰوۃ]

یہ جو زندگی ہے پہاڑ سی،یہ جو روز وشب ہیں چٹان سے​

انہیں لطفِ کرم ،انہیں ضبطِ غم ،انہیں چشمِ نم سے تراشیے​

 

[ام عبدالرحمٰن]

نہ کر بندیا میری میری
نہ تیری نہ میری
چار دناں دا میلا
دنیا پھر مٹی دی ڈھیری

 

[مشکٰوۃ]

مقتلِ جاں سے کہ زنداں سے کہ گھر سے نکلے​

ہم تو خوشبو کی طرح نکلے جدھر سے نکلے​

انقلاب آئے مگر ائے نہ ایسا کہ امید​

سایہ خورشید سے اور دھوپ شجر سے نکلے​

 

[مشکٰوۃ]

کسی دستِ ناتواں سے کوئی بار اٹھ نہ پائے​

کوئی سر نہ سر بلند ہو کوئی دار اٹھ نہ پائے​

ہے یہ ان کی عین خواہش کسی دستِ بے اماں میں​

کریں خاک خود کو ایسا کہ غبار اٹھ نہ پائے​

 

[ام عبدالرحمٰن]

میری غفلتوں کی بھی حد نہیں
تیری رحمتوں کی بھی حد نہیں
نہ میری خطا کا شمار ہے
نہ تیری عطا کا شمار ہے​

 

[مشکٰوۃ]

نہیں ہے میرے پاس کچھ ، لا الہ الا اللہ کے سوا​

مگر یہ ضرب ہی کافی ہے ہر صنم کے لئے​

 

[جواد]

اپنے دیوانے پہ اتمامِ کرم کر یارب​

جب دیا ذوقِ طلب پھر اسے مطلوب بھی دے​

 

[مشکٰوۃ]

کام یوں تو اچھے ہیں سب ان کے​

ہم ہیں شاکی مگر توازن کے​