نظر اور جادو کی علامات

[قاھر الارجاء و الخوارج]

جادو جب بھی کسی انسان پر ہوتا ہے تو اس کی واضح علامات ہوتی ہیں شاذ و نادر ہی ایسا ہوتا ہے کہ کسی پر جادو ہو اور اس میں کوئی علامت بھی نہ پائی جائے یاد رہے کہ یہ علامات بکثرت بار بار ظاھر ہوتی ہیں
جادو کی علامات
جادو کی علامت ہر مرحلے میں مختلف ہوتی ہے
نیند میں جادو کی علامات میں سے چند یہ ہیں
1۔ہوا میں اڑنا،2۔ سمندر پہاڑ دیکھنے،
3۔ درندے شیر کتا جنگلی جانور سانپ بچھو چھپکلی بلی ، قربانی کے جانور بڑا گوشت دیکھنا بندر بیل اونٹ خنزیر وغیرہ
4۔نیند میں رونا چیخنا یا ہنسنا آوازیں دینا جھٹکے لگنا جیسے کسی نے پکڑ کر ہلایا ہے کسی کو اپنا پیچھا کرتے دیکھنا اور خوفزدہ ہو کر بھاگنا
5۔برھنہ مناظر دیکھنا یا کسی کو جنسی زیادتی کرتے محسوس کرنا
ڈراونی شکلیں دیکھنا خود کو بلند جگہ سے گرتا دیکھنا نیند کا کچا ہونا
رات کو نیند کا نہ آنا نیند میں سختی کے ساتھ ہونٹ چبانا انسانی غلاظت دیکھنا
6۔ قبریں مردے دیکھنا کھنڈرات میں خود کو دیکھنا ویران جگہوں پر دیکھنا
اونچے لمبے یا چھوٹے قد کے سیاہ ہیولے دیکھنا جاگنے کے بعد خواب بھول جانا
7۔ سوتے میں دیکھنا کہ اسے کوئی چیز کھلائی جا رہی ہے اور جاگنے کے بعد اس کو محسوس کرنا کہ کچھ کھایا ہے
8ـ عیسائیوں کے گرجے صلیب کے نشان اور پادری وغیرہ یا کسی مخصوص دین کے شعار دیکھنا
----------------------------------------------------------------------------------

جاگتے ہوئے جادو کی علامات
1۔جاگنے کے بعد جسم کا درد کرنا بہت تھکاوٹ محسوس کرنا
2۔طبیعت میں چڑچڑا پن اورتنھائی پسند ہو جانا
3۔چھوٹی چھوٹی باتوں پر شدید غصہ آنا اور اگر غلطی اپنی بھی ہو تب بھی اقرار نہ کرنا
4۔رشتہ داروں گھر والوں اور دوست احباب سے بلاوجہ اچانک بڑے بڑے جھگڑے پیدا ہو جانا بہت زیادہ شکوک پیدا ہونا ازدواجی معاملات منقطع ہو جانا
5۔ہر وقت یہ محسوس ہونا کہ کوئی دیکھ رہا ہے کوئی میرے ساتھ ہے
انجانا سا خوف کہ گھر سے نکلا تو مر جاوں گا موت کے وسوے آنا کہ آج مر جاوں گا کل مر جاوں گا
6۔ذھن کا ماؤف ہو جانا سوچنے سمجھنے کی صلاحیت ختم ہو جانا
محسوس کرنا کہ یہ کام کوئی زبردستی کروا رہا ہے یا کہلوا رہا ہے
گھر والوں بیوی بچوں والدین بہن بھائیوں سے نفرت محسوس کرنا
غیر ارادی حرکات کا سر زد ہونا
7۔سر سینے کمر کے نچلے حصے یا کندھوں میں دباو بوجھ اور درد محسوس ہونا جسم کے کسی ایک حصے میں عموما سر یا معدے میں مستقل درد رہنا اور دوائی سے افاقہ نہ ہونا اور متلی ہونا یا قے آنے کا احساس ہونا لیکن نہ آنا پاوں کی ایڑیوں اور پنڈلیوں میں درد رہنا
8۔آنکھوں میں تیز چمک کا پیدا ہونا سانس لینے میں تنگی ہونا اور دل کی دھڑکن کا تیز ہونا
9۔سستی کا عادی ہو جانا بکثرت جمائیاں آنا بہت زیادہ بھولنا اور بکثرت نیند کا آنا
10۔نماز قرآن اذان وغیرہ سے کراھت تنگی محسوس ہونا اور دین کے بارے کفریہ خیالات آنا مسجد جانے سے گھبرانا دل کا تنگ پڑنا
بیت الخلاء میں دیر تک ٹہرنا اور گناہوں کی جانب شدت سے لپکنا
11۔بلاوجہ رونے کا دل کرنا گھر میں دل نہ لگنا بے چین رہنا
12۔ایسا محسوس ہونا کہ کوئی آوازیں دے رہا ہے
13۔جسم میں کٹ لگنا خون کے چھینٹے گرنا جسم پر بال نظر آنا
بالوں اور کپڑوں کا کٹنا آنکھوں کے سامنے دھاگے بال سانپ وغیرہ نظر آنے
14۔بہت سخت بدبو کا محسوس ہونا منہ سے یا جسم سے پیٹ میں بہت زیادہ گیس کا ہونا
15۔کاروبار کا اچانک بند ہو جانا
16۔بعض لوگوں کے چہرے برے نظر آنا ان کے دیکھتے ہی نفرت کے جذبات پیدا ہونا یا کسی ایک شخص کی نا چاہتے ہوئے بھی بے دام غلامی
17۔رشتوں کا آنا لیکن بلا سبب بات ٹوٹ جانا
18۔ایام میں بے ربطگی ہونا
19۔ ایسا محسوس ہونا کہ کسی نے سوئی چبھوئی ہے اس کی تکلیف کا محسوس کرنا یا یوں لگنا جیسے کسی نے سر میں کوئی ٹھنڈی باریک نوکیلی چیز داخل کی ہے
تنبیہ ::::::اگر مریض جسمانی طور پر بیمار ہو اور ڈاکٹر اس کی بیمارے کے بارے حتمی رائے نہ دے رہے ہوں ہر ایک کی مختلف رائے ہو ڈاکٹری رپورٹس کلیئر ہوں تو یہ بھی جادو کہ واضح نشانی ہے
-----------------------------------------------------------------------------------

کبھی مریض میں ان علامات میں سے کوئی علامت بھی نہیں پائی جاتی اور یہ شاذ و نادر ہی ہوتا ہے
اسیے شخص کی علامت دم کے درمیان زیادہ واضح ہوتی ہیں
دم کے درمیان علامات
1۔دم کرنے والے کے چہرے کو بدنما دیکھنا یا اس سے خوف کھانا یا مضحکہ خیز صورت میں دیکھنا
2۔دم کے درمیان جسم میں جیونٹیاں چلتی محسوس ہونا
3۔شدت سے رونے یا قہقے لگانے کو دل کرنا
4۔بہت زیادہ بے چینی شدید غصہ اور اٹھ کر بھاگ جانے کو دل کرنا
5۔دم کے درمیان شدید نیند کا آنا
6۔جسم کے عموم پیٹ اور چہرے کا پھولا ہوا محسوس ہونا
7۔بازو ٹانگ وغیرہ کا سختی سے اکڑنا کندھے اور سر میں شدید بوجھ محسوس کرنا
8۔معدے میں درد محسوس کرنا جیسے کوئی چیز گیند کی شکل میں گھوم رہی ہے
9۔غیر ارادی طور پر تیزی سے حرکات کرنا جسم کا گرم ہونا
10۔ دم کے بعد یوں لگنا کہ کسی نے سارے جسم کی ڈنڈے سے پٹائی کی ہے یا اپنے آپ کو بہت ہلکا پھلکا اور خوشگوار محسوس کرنا

----------------------------

 

[قاھر الارجاء و الخوارج]

نظر کی علامات
نظر جادو سے زیادہ خطرناک ہے اور عام ہے جادو اور نظر کی اکثر علامات ملتی جلتی ہیں ہاں بعض علامات سے پہچانا جا سکتا ہے کہ یہ جادو نہیں نظر ہے
نظر یا تو کسی کے حسد کی وجہ سے لگتی ہے یا پھر تعجب کی یاد رہے تعجب کی نظر ماں باپ کی بھی لگ جاتی ہے یعنی والدین بھی اگر بچوں کو دعاء نہ دیں تو بچے ان کی نظر کے بھی شکار ہو جاتے ہیں
مجھے یاد ہے الریاض میں ایک پروگرام میں ایک راقی نے ہمیں بتایا کہ وہ ایک ایسے گھرانے کو جانتا ہے جن کا بچہ والدہ کا دودھ بہت پیتا تھا ایک دن اس کے باپ نے کہا یہ تو ہر وقت ماں ہی کی گود میں چڑٓھا رہتا ہے چھوڑتا ہی نہیں ہے اسی لمحے وہ بچہ ساکت ہو گیا ہسپتال لے کے گئے لیکن بچہ کچھ دیر کے بعد فوت ہو گیا اور اس بچے کی ماں کا علاج کرتے ہوئے 3 ماہ ہو چکے تھے
جن لوگوں کی نظر لگتی ہے عموما وہ معاشرے میں معروف ہوتے ہیں کہ فلان کی نظر لگ جاتی ہے یا دوسری علامت یہ ہے کہ جن کی نظر لگی ہوتی ہے ان کو دیکھ کے انسان کی طبیعت عموما خراب ہوتی ہے غصہ چڑچڑا پن عجیب سے بے چینی محسوس ہوتی ہے یا پھر انسان کسی کو دیکھتا ہے خواب میں جو صرف ٹکٹکی باندھ کر اسے دیکھ رہا ہوتا ہے کہتا کرتا کچھ نہیں ہے
نظر و حسد کی وہ علامات جو جادو اور اس میں فرق کرتی ہیں مندرجہ ذیل ہیں لیکن یاد رکھیں نظرکے ساتھ بھی جن چمٹ جاتے ہیں
1۔۔۔درد کا آنکھوں اور کنپٹیوں سے شروع ہو کر سر کی جانب پھیلنا اور پھر کندھوں سے اترتے ہوئے ہاتھ پاوں کے کناروں میں پھیل جانا
2،،،،جسم پر عموما چہرے کمر اور رانوں میں سرخ نیلے دانوں کا بکثرت نکلنا یا دھبے بننا
3،،،بکثرت پیشاب کا آنا اور قضائے حاجت کیلئے جانا
4۔۔۔بہت زیادہ پسینہ آنا خصوصا ماتھے اور کمر میں
5۔۔۔دل کی دھڑکن کا کم یا زیادہ ہونا دل ڈوبتا محسوس ہونا اور موت کا خوف
6۔۔۔چہرے کا زردی مائل ہو جانا
7۔۔۔تلاوت نماز اور دم کے درمیان بکثرت جمائیاں آنا اور آنسوںکا بہنا
8۔۔۔پڑھائی اور کام سے دل کا اچاٹ ہو جانا حافظے کا کمزور ہونا اور بے توجھگی رہنا
9۔۔۔ مسلسل تھوک بہنا جھاگ کی مانند یا سفید بلغم
10۔۔۔۔سوتے میں یا دم کے درمیان آنکھیں دیکھنا یا کسی کو ٹکٹکی باندھ کر اپنی طرف دیکھنا
11۔۔۔جسم میں خارش اور چیونٹیاں رینگتی محسوس کرنا
12۔۔۔۔آنکھوں کا شدت سے پھڑپھڑانا جھپکنا
13۔۔۔۔ہاتھ اور پاوں کے کناروں میں سوئیاں چبھنا اور ٹھنڈا رہنا
14۔۔۔جسم کا بہت زیادہ گرم رہنا
15۔۔۔انسان کا اپنے آپ سے لاپرواہ ہو جانا خصوصا عورتوں کا اپنی آرائش و زیبائش سے بے نیاز ہو جانا
16،،،،بچوں کا ماں کا دودھ نہ پینا بہت زیادہ رونا
17۔۔۔پلکوں اور بھنووں پر بوجھ
18۔۔۔۔ آنکھوں میں عجیب سی تیز چمک
19۔۔۔۔ جوڑوں میں بوجھ محسوس کرنا

 

[کنعان]

السلام علیکم

جادو پر جاگتے میں جو علامات بتائی گئی ہیں اس پر عموماً وجہ یہی ہوتی ھے، جیسے ذہنی مریض، دل و دماغ کا درست کام نہ کرنا، بلڈ پریشر، شوگر، اور اس جیسی بیماریاں اور وہم۔ جادو سے انکار نہیں مگر اس کا شکار بہت ہی کم لوگ ہیں، باقی کسی نہ کسی بیماری کا شکار اور وہم ھے۔ اب آپ نے جو علامات بتائی ہیں اس پر ہر کسی کو کوئی نہ کوئی شکایت ہو گی اور پڑھنے والا ایسے ہی وہم کا شکار ہو جائے گا۔

نظر کا لگنا تو اس پر پہلی نظر ماں ہی کی ہوتی ھے اس کے بعد دوسرں کی، پھر بھی جنہیں اس سے آگاہی ہوتی ھے وہ اسے اتاڑنا بھی جانتے ہیں اور اتارتے رہتے ہیں مگر طریقہ الگ الگ ہیں۔

والسلام

 

[اویس تبسم]

1۔ہوا میں اڑنا،

ایسے خواب تو میں کوئی پندرہ سال سے دیکھ رہا ہوں میں جب بھی دیکھتا ہوں کہ میرے پیچھے کوئی چیز لگی ہے یا کوئی مشن سر کرنا ہے تو میں ہوا میں اڑنے لگتا ہوں۔ایک دفعہ میں نے ایک بہت ہی اچھا خواب دیکھا جو آج تک مجھے اچھی طرح سے یاد ہے اور سب خوابوں سے زیادہ محبوب بھی، میں دیکھتا کیا ہوں کہ میرے ساتھ رسول اللہ ﷺ ہیں اور ہم باہر کہیں جا رہے ہیں کہ ایک جگہ آتی ہے جہاں آ کر رسول اللہ ﷺ رک جاتے ہیں میں آپﷺ کی طرف دیکھتا ہوں (انہوں نے سفید کپڑے پہنے ہیں) پھر آگے دیکھتا ہوں تو ایک گڑھا سا نظر آتا ہیں جہاں بہت سارے بال (سر کے بال) پڑے ہیں پھر رسول اللہﷺ مجھے کہتے ہیں جاؤ اور خود وہی کھڑے رہتے ہیں میں تھوڑا آگے جا کے اڑنا شروع کر دیتا ہوں اور بالوں کے اوپر سے اڑتا ہوا ایک درخت کے اوپر پہنچتا ہوں تو ایسا محسوس کرتا ہوں کہ کوئی چیز مجھے اپنی طرف کھینچ رہی ہے میں درخت کی طرف دیکھتا ہوں تو مجھے بہت بڑا سانپ نظر آتا ہے جو سانس کے ذریعے مجھے اپنی طرف کھینچ رہا ہے تو میں فوراَ آیت کرسی پڑھنا شروع کردیتا ہوں تو پھر وہ مجھے اپنی طرف نہیں کھینچ پاتا پھر میں مسکراتا ہوا آگے نکل جاتا ہوں اور دوسرے درخت پہ جا بیٹھتا ہوں۔
شاید یہ میری زندگی کا اڑنےوالا پہلا خواب تھا،میں ہر خواب میں بطل کی طرح ہوتا ہوں مجھے ایسے خواب بہت اچھے لگتے ہیں میں نہیں سمجھتا کہ مجھ پر جادو ہوا ہو کیونکہ میں فارغ وقت میں ہمیشہ قرآن سنتا رہتا ہوں

 

[قاھر الارجاء و الخوارج]

ایسا ضروری نہیں ہوتا کہ جس میں بھی کچھ علامات پائی جائیں وہ جادو ہی کا مریض ہو جیسے بسا اوقات ایک آدمی کا جسم گرم رہتا ہے تو اس کا یہ مطلب نہیں ہوتا کہ اسے بخار ہی ہے
جادو کی علامات جس میں پائی جائیں اسے چیک کرنا یا کروانا چاھیئے رقیہ سن کر یا پڑھ کر یا دم والا پانی پی کر کہ کیا وہ مریض ہے یا نہیں

 

[نصر اللہ خالد]

سوتے ہوئے جو علامات بتائی گئی ہیں یہ تبخیر معدے کی وجہ سے پائی جاتی ہیں اور حکما اس کا بہت اچھی طرح سے علاج کرتے ہیں..
واللہ اعلم چند علامات کے سوا باقی سب ہی بیماری کی وجہ سے پائی جانے والی چیزیں ہیں..

 

[قاھر الارجاء و الخوارج]

نصر اللہ بھائی اگر آپ اس کا حوالہ دے دیں تو ممنون ہوں گا
کھلانے والی علامت کے خواب میں کچھ کھلاتے دیکھے اور ذائقہ محسوس کرے تو اسے تو تبخیر معدہ کہا جا سکے گا لیکن کیا سانپ دردنے دیکھنے کسی کو زیادتی کرتے دیکھنے یا محسوس کرنا قبریں دیکھنا بھی بخیر معدہ کی وجہ سے ہو گا ؟؟؟
چونکہ طب پر کتب مدون ہیں اس لیئے حوالہ پوچھا

 

[نصر اللہ خالد]

پیارے بھائی سینہ با سینہ حکما سے سنا ہے...
اگر خود کہیں پڑھا ہوتا تو ضرور بتا دیتا اگر حکما کا کہتے ہیں تو ان کا بتا سکتا ہوں کہ کن لوگوں سے سنا ہے.
اور ڈاکٹرز بھی اسی طرح کی ایک بیماری جسے ہم ہسٹیریا کہتے ہیں...

 

[Islam18]

ان موضوعات کے تمام مسائل کے علاج کی بہترین کتاب https://goo.gl/fQaWYR

 

[کامران احسان]

ان موضوعات کے تمام مسائل کے علاج کی بہترین کتاب https://goo.gl/fQaWYR

۔
السلام علیکم و رحمت اللہ و برکاتہ
۔
کتاب لنک ٹوٹا ہوا ہے۔۔ برائے مہربانی نام ارسال کر دیں یا کوئی اور لنک۔