نظموں کی کہکشاں

[حسیب]

عمدہ شئیرنگ
ان نظموں کی آڈیو فائلز بھی ساتھ شامل ہو جائیں تو کیا کہنے

 

[مشکٰوۃ]

نشاں کس نے دیکھے ہیں
بہت خوب ہیں نام میرے خدا کے
رکھو ان ہی ناموں کو دل میں بسا کے
زباں سے پڑھو یا کرو یاد دل میں
یہ رکھیں گے مشکل میں تم کو بچا کے
اثر دل پہ ہو گا خدا بھی سنے گا
خدا کے جو گُن گاؤ گے دل لگا کے
بھلائی کرو اور بھلے کا م سوچو
برے کاموں سے خود کو رکھو بچا کے
کرو نیکی تم اور دریامیں ڈالو
یہاں تک کہ خیرات بھی دو چھپا کے
کبھی بھول کر بھی دکھانانہ شیخی
نہ کرنا بڑی بات شیخی میں آکے
کسی سے نہ ناراضی مول لینا
بڑوں اور چھوٹوں سے رکھنا بنا کے
سنو کھول کر کان تم بات میری
کبھی خوش نہ ہونا کسی کو رُلا کے
کسی غم زدہ کو اگر دیکھ لو تم
مدد کرنا تم اس کی جلدی سے جا کے
اُفق آج ہے کل تلک جانے کیا ہو
نشاں کس نے دیکھے ہیں موجِ قضا کے​

افق دہلوی​

 

[مشکٰوۃ]

چاند نگر سے!

چاند نگر سے خط آیاہے
بیچ میں ،اس میں کیا لکھا ہے؟

اس میں لکھا ہے "اے بچو!"
میں آکاش میں بیٹھا بیٹھا
تم لوگوں کی دنیا کو خاموشی سے دیکھ رہا ہوں"

چاند نگر سے خط آیا ہے
بیچ میں اس میں کیا لکھا ہے؟

اس میں لکھا ہے"یہ دنیا
پہلے کتنی پیاری تھی
نیل برف کے گولے جیسی سندر سی اچھی لگتی تھی"

چاند نگر سے خط آیا ہے
بیچ میں اس میں کیا لکھا ہے؟

اس میں لکھا ہے"اے بچو!
اب یہ خون کی رنگت جیسی
اب یہ آگ کے گولے جیسی لال نظر آیا کرتی ہے"

چاند نگر سے خط آیا ہے
بیچ میں اس میں کیا لکھا ہے؟

اس میں لکھاہے"دنیا کو
کیوں تاریکی نے گھیرا ہے؟
نفرت کی گھنگھور گھٹاوں کا کالا بادل چھایا ہے"

چاند نگر سے خط آیا ہے
بیچ میں اس میں کیا لکھا ہے؟

اس میں لکھا ہے "اے بچو!
پیار کے روشن دیےجلاؤ
چاہے میں پڑ جاؤں ماند
۔۔۔۔۔۔۔۔۔۔۔۔۔۔فقط تمھارا پیارا۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔چاند۔۔۔"
​

عزیز ہاشمی
سننے کے لئے ​

​

 

[شاہ حمادفیض]

جزاک اللہ خیر