نماز کی جماعت ہونے کے بعد پھر جماعت کا کرانا؟

[محمد اسد]

نماز کی جماعت ہوگئی ہے۔
اب کچھ لوگ تاخیر سے آئے ہیں اور وہ جماعت میں شامل نہیں ہوسکے تو انہوں نے مسجد کے ایک کونے میں دوسری اقامت کہہ کر جماعت شروع کر دی ہے، جبکہ جماعت ہو چکی ہے پہلے ہی اپنے وقت پر، وہ لوگ جتنے بھی ہیں دو ہیں یا چار ، انہوں نے جماعت شروع کر دی ہے۔اب اور جو بھی لوگ آتے جائیں گے وہ اس میں شامل ہوتے جائیں گے۔
میرا سوال یہ ہے کہ جماعت جو ہوچکی ہے اپنے وقت پر، اب لوگوں کا مسجد کے کسی کونے میں دوسری اقامت کہہ کر جماعت شرو ع کر دینا کیا کسی حدیث سےثابت ہے؟؟

 

[محمد اسد]

کوئی نہیں ہے فورم پر کیا جواب دینے کے لیے؟

 

[قاھر الارجاء و الخوارج]

محلے کی وہ مسجد جہاں امام اور موذن مقرر ہیں وہاں پر جماعت ثانیہ کروانا بغیر شرعی عذر کے مکروہ ہے اس کے استحباب پر دلیل موجود نہیں
ہاں اگر کسی کے پاس شرعی عذر موجود ہے مسافر ہے بیمار تھا سویا رہ گیا وقت تبدیل ہوا تھا اسے پتا نہیں چلا تو اس کیلئے جائز ہے کہ جماعت ثانیہ کروا لے اس کی دلیل انس رضی اللہ عنہ کا فعل ہے صحیح بخاری میں کتاب الاذان باب فضل الجماعۃ کہ انس رضی اللہ عنہ بیس کے قریب نوجوانوں کے ساتھ مسجد میں آئے اور پوچھا کیا آپ لوگوں نے نماز پڑھ لی ہے تو لوگوں نے کہا جی ہاں فامر بعض فتیانہ فاذن و اقام ثم تقدم فصلی بھم تو ساتھ والوں میں سے ایک کو اذان کا کہا اقامت ہوئی اور پھر امامت کروائی
لیکن جو مساجد اھل حدیث میں تساھل پسندی کے سبب عادت بن جاتی ہے کچھ لوگوں کی کہ اپنی کروا لیں گے اور باتوں میں یا بازار میں ٹائم ضائع کر دیا جاتا ہے یہ قطعا ناپسندیدہ عمل ہے فضیلت اسی نماز کی ہے جو باجماعت امام راتب کے ساتھ ادا کی جاتی ہے اور اسی پہلی نماز کے باجماعت وجوب کا قائل ہی علماء کا ایک گروہ ہے
البتہ بازار اور گزرگاہ میں موجود مساجد جہاں مسافروں کی آمد و رفت رہتی ہیں میں جماعت ثانیہ میں کوئی حرج نہیں احناف بھی اس کے قائل ہیں

 

[محمد اسد]

جی، درست فرمایا ۔میں مساجد اھل حدیث کی بات کر رہا ہوں۔
جماعت پر وقت پر نہیں آتے اور پھر دیر ہوجائے تو جماعت ِثانیہ شروع کر دیتے ہیں۔
اس میں لوگوں کی تعداد پر بھی کوئی پابندی ہے یا اگر دو لوگ بھی آجائیں تو وہ شروع کر دیتے ہیں جماعت ثانیہ۔یعنی حضرت انس رضی اللہ عنہ تو بیس نوجوانوں کے ساتھ آئے تھے۔

 

[ابن خلیل]

http://forum.mohaddis.com/threads/مسجد-میں-ایک-جماعت-کے-بعد-دوسری-جماعت-بناکر-نماز-پڑھنا.4013/

 

[T.K.H]

جی، درست فرمایا ۔میں مساجد اھل حدیث کی بات کر رہا ہوں۔
جماعت پر وقت پر نہیں آتے اور پھر دیر ہوجائے تو جماعت ِثانیہ شروع کر دیتے ہیں۔
اس میں لوگوں کی تعداد پر بھی کوئی پابندی ہے یا اگر دو لوگ بھی آجائیں تو وہ شروع کر دیتے ہیں جماعت ثانیہ۔یعنی حضرت انس رضی اللہ عنہ تو بیس نوجوانوں کے ساتھ آئے تھے۔

ایسے ہی ” جہلاء“ہیں جو ”طبقہء اہلِ حدیث“ پر ”کبھی نہ جانے والا“ ابدی ”دھبہ“ ہیں ۔حالانکہ ان کا نام ” نا اہلِ حدیث“ مناسب لگتا ہے۔

 

[قاھر الارجاء و الخوارج]

جی کوئی پابندی نہیں دو بندے بھی جماعت کروا سکتے ہیں
اور یہ بات ذھن نشین رکھیں کہ شرعی عذر جس کے بھی پاس ہے اسے دوسری نماز کروانے پر ناک بھوں نہیں چڑھانا چاھیئے اگر ایک جانب متساھل ہیں کچھ لوگ تو دوسری جانب متشددین بھی ہیں جنھوں دوسری نماز ایک آنکھ نہیں بھاتی اور رہا کسی کا یہ کہنا کہ وہ لوگ اھل حدیث پر دھبہ ہیں تو جناب وہ دھبہ نہیں ھمارے بھائی ہیں الحمدللہ اگر ان میں غلطی ہے تو انھیں سمجھایا جائے نہ کہ یوں کڑوی کسیلی سنائی جائیں

 

[T.K.H]

”طبقہءاہلِ حدیث“کی ایک مسجد میں”جمعہ“ کی نماز کے بعد” بے قاعدہ“ نہیں بلکہ ” باقاعدہ“ اجتماعی دعا کروائی جاتی ہے جبکہ” طبقہء اہلِ حدیث“ بعد نماز”اجتماعی دعا“ کے قائل نہیں۔ اور یہ دعا ” بیماروں“کےلیے کی جاتی ہے۔ کیا کوئی ایسی روایت موجودہے جس میں ”بیماروں “ کےلیےہر بعد نمازِ جمعہ اجتماعی دعا کاجواز ثابت ہو ؟ نہیں ۔۔۔۔۔۔۔۔تو پھرلاکھ سمجھانے پر بھی وہ یہی طرزِعمل رکھیں تو انہیں” دھبہ“ نہ کہیں تو کیا کہیں ؟ ویسےمعذرت کے ساتھ ”طبقہءاہلِ حدیث“مسجد کو ”سرائےخانہ“سے زیادہ ”اہمیت “ نہیں دیتے۔

 

[T.K.H]

جب ایک گروہ”طبقہءاہلِ حدیث“ سے الگ ہو کر ” جماعت المسلمین“ بن سکتاہے تو ” منکرینِ حدیث“ نہ بننے میں کیا ” رکاوٹ“ ہے۔

 

[کنعان]

السلام علیکم

الامارات کی مساجد میں انتظامیہ کی طرف سے پہلی جماعت مکمل ہونے کے بعد بہت سے لوگ وقفوں سے آتے رہتے ہیں اور الگ الگ کونوں میں اپنے مذھب و فرقہ کے مطابق اپنی اپنی جماعت کرواتے ہیں یہاں لیٹ آنے کا کوئی چکر نہیں صرف پہلی جماعت کے مکمل ہونے کا انتظار ہوتا ھے، اور نہ ہی وہاں کسی کو محکمہ اوقاف یا انتظامیہ کی طرف سے کوئی پابندی یا زبردستی نہیں۔

والسلام