ویلنٹائن ڈے "حلال" کر دیں۔۔۔جاوید چوہدری!

[Dua]

 

[Dua]

 

[Dua]

بے هودہ ویلنٹائن ڈے کی وکالت کرتے اور قرآن پاک کی نفی کرتے هوئے حسن نثار صاحب کا کہنا ہے کہ " گلوبل ویلج میں کوئی تہوار کسی کی زاتی ملکیت نہیں هے " یعنی اس کو منانا چاهئے .. حسن نثار صاحب کیا آپ آپنی بیٹی کو اجازت دیں گے کہ وہ آوارہ لڑکوں کے ساتھ جو مرضی کرے ؟؟ کیا آپ فیملی سمیت کرسمس بهی مناوگے ؟ هندووں کی دیوالی بهی مناوگے ؟ آگے ایسٹر آرها هے وہ بهی منا لیجئے گا ... آپنی بیوی اور بیٹی کو اکیلے ویک اینڈ پر ڈسکو کلب وغیرہ میں بهی بهیج دیا کیجئے .. تاکہ غیر مردوں کے ساتھ ناچیں شراب پیئیں موج مست کریں .... کیا خیال هے حسن نثار صاحب؟؟ دنیا گلوبل ویلج ہی تو هے دوسروں کی نقالی کرنے میں کیا حرج هے ؟؟؟

اقتباس ۔۔۔از اوریا مقبول جان

 

[خضر حیات]

"حلال ویلنٹائن ڈے "​

جاوید چوہدری صاحب نے لکها کہ ویلنٹائن ڈے کو ہم اپنے ہاں حلال کردیں . اور نیوائیرنائٹ کو مسلمان کردیں .صورت اس حلال کی یہ بتائی کہ اس دن کو ہم میاں بیوی کی محبت کا دن قرار دیں .جگہ جگہ میلوں کا انعقاد کریں .رات دس بجے پورے ملک میں تلاوت قرآن پهر نامور گلوکاروں کا میوزک پروگرام .لو جی ہوگیا حلال .
جب شاہدہ منی ، حدیقہ کیانی ، مدیحہ شاہ ،اسٹیج پہ تهرائیں گی تو اس کی حلت میں کیا شک رہ جائے گا .! ہمارے ہاں "دانشور " بهی بڑی مختلف قسم کی مخلوق ہے .گوروں کو کلمہ پڑهانے کی بات کوئی کرے تو انہیں سخت بخار چڑهتا ہے .مگر خود روز روز ان کے تہواروں کو کلمہ پڑهانے کی بات کرتے ہیں .دراصل یہ لوگ ان تہواروں کو کلمہ کی آڑ میں دیسی سٹائل میں منانا کر مولوی سے بچنا چاہتے ہیں . پهر لکھتے ہیں اس دن میاں اپنی بیوی کو ریسٹورنٹ میں لے جاکر کھانا کھلائیں .بخدا ایسی صورت ممکن بهی ہوتی تو ہم چوہدری صاحب سے کہتے . اس دن بیوی اپنے شوہر کو اپنے ہاتھوں سے بناکر گهر میں کھانا کھلائیں . اس لیے کہ انہیں یہ خوبصورت لمحات سال بهر میں کہاں نصیب . شوہر گهر لوٹتا ہے تو بیوی کسی پارٹی میں ڈسکو کر رہی ہوتی ہے . بیوی گهر پہ ہوتی ہے تو شوہر کسی فرینڈ کی راتیں رنگین کررہا ہوتا ہے . اتفاق سے دونوں گهر پہ ہوں تو دو صورتیں بنتی ہیں -ڈارلنگ آج ڈنر باہر کرتے ہیں . یا پهر وہی "غفورے " کی بنی بے زائقہ ڈشیں .! ان اشرافیہ میں دراصل جو مغربی تہواروں کے علمبردار ہیں .انہیں تو مشرقی تہذیب سال میں کم ازکم ایک دن اپنانے کی ضرورت ہے .سال بهر تو یہ لوگ مغربی تہذیب ہی تو اپنا اور منا رہے ہوتے ہیں .!
مسلمانو ! ہماری اپنی روشن تہذیب ، خوبصورت کلچر اور حیا و حسن کے امتزاج سے بھرپور تہوار اور دن ہیں . ہمیں اغیار کی نقالی اور تقلید کی کیا ضرورت ہے .؟!
اپنی ملت کو قیاس اقوام مغرب سے نہ کر
خاص ہے ترکیب میں قوم رسول ہاشمی
-------

فردوس جمال
مدینہ منورہ​

 

[عبدالقیوم]

ویلنٹائن ڈے منانے والے
کتوں کو اپنے ساتھ سلاتے ہیں
اور اپنےماں باپ کو اولڈ ہاؤس چھوڑ کر آتے ہیں
یہ محبت کاعالمی دن

 

[Dua]

اگر چیزیں اسی طرح "حلال" ہوتی رہیں تو پھر شراب بھی حلال ہو جائے گی۔مجھے تو خدشہ ہے کہ یہ اسی حدیث کے مصداق ہو گی کہ مفہوم حدیث "میری امت کے کچھ لوگ شراب حلال کر لیں گے، اور نام بدل دیں گے"۔کیونکہ آخر کار ہمیں "جن" سے ڈر جو ہے! اخلاقیات پس پشت ہی ٹھیک ہے۔

 

[بیبرس]

بزعم خود مفکر بننے والوں کی ذہنی پستی وگراوٹ کا کیا عالم ہے۔۔۔
جاوید چوہدری بے چارہ ذہنی طور پر شدید تضاد اور احساس غلامی کا شکار ہے۔
اس پر مستزاد دینی معاملات پر اس کی خیال آرائی اور اجتہاد کی جاہلانہ کوششیں۔۔۔

 

[قاضی786]

جب تک اس ملک میں زنا کرنا آسان
اور شادی کرنا مشکل ہے، ویلنٹائن ڈے یا کوئی بھی تقریب اسی طرح منائی جائے گی

بجائے اس کے، کہ شادی کو آسان بنانے پر بات ہو، یہ لوگ ویلنٹائن کے حق میں شروع ہو گئے

آفرین ہے

دوسری بات یہ، کہ جن شادی شدہ کوپلز نے ویلنٹائین ڈے منانا ہوتا ہے
وہ مناتے ہیں۔ میں خود ایسے لوگوں کو جانتا ہوں جو کہ شادی شدہ ہیں، اور اس روز باہر جا کر کھانا کھاتے ہیں
پھر جاوید چودھری یہ بات کیوں کر رہا ہے؟
صرف اس لیے کہ اس کی آڑ لے کر اسے غیر شادی شدہ لوگوں کے لیے جائز بنایا جا سکے؟

موصوف مزید لکھ بیٹھے کہ جناب ماون کا دن، والد کا دن وغیرہ اچھے ہیں کیونکہ ہم بہت مصروف ہیں

شاباش ہے

بجائے اس کے کہ وہ یہ لکھتے کہ جناب، اب تو اگر آپ دنیا کے کسی کونے میں ہوں، وائبر، سکائپ وغیرہ سے آپ روز اپنے والدین کو کال کر سکتے ہیں

فرماتے ہیں کہ ہم یہ دن منانا شروع کر دیں۔۔۔۔۔۔۔

گویا ہم انتظار کریں کہ جناب یہ دن آئے گا تو والدین کو ایک کارڈ بھیجا
اور حق پورا۔۔۔۔۔۔۔۔

 

[عبدالقیوم]

اگر چیزیں اسی طرح "حلال" ہوتی رہیں تو پھر شراب بھی حلال ہو جائے گی۔مجھے تو خدشہ ہے کہ یہ اسی حدیث کے مصداق ہو گی کہ مفہوم حدیث "میری امت کے کچھ لوگ شراب حلال کر لیں گے، اور نام بدل دیں گے"۔کیونکہ آخر کار ہمیں "جن" سے ڈر جو ہے! اخلاقیات پس پشت ہی ٹھیک ہے۔

یہ اس وقت اس معاشرہ میں ہورہا ہے

 

[محمد نعیم یونس]

السلام علیکم ورحمۃ اللہ وبرکاتہ!
یہ نام نہاد دانشور شعوری یا لاشعوری طور پر الحادکے پرچار میں مصروف عمل ہیں۔