پسندیدہ ۔۔۔۔روشن اقوال ۔۔سید لبید غزنوی

[سیّد لبید غزنوی]

ندامت توبہ کے دروازے کی اصل کنجی ہے جبکہ سرکشی اور تاویل اس دروازے کے قفل ہیں۔​

 

[سیّد لبید غزنوی]

روزہ جنت کا دروازہ ہے مگر یہ دروازہ صرف وہی شخص کھول سکتاہے جو روزے کی مشقت کو تقویٰ کی کنجی میں بدل سکے ۔​

 

[سیّد لبید غزنوی]

والدین کی خدمت جنت کا دروازہ ہے ۔خوش نصیب لوگ اس دروازے کو زندگی میں اور بدنصیب ان کی موت کے بعد ڈھونڈنے کی کوشش کرتے ہیں۔​

 

[سیّد لبید غزنوی]

تعصبات کی دنیا میں اپنی بات منوانا سب سے بڑی کامیابی ہے اور ایمان کی دنیامیں اپنی غلطی کی اصلاح سب سے بڑی کامیابی ہے۔​

 

[سیّد لبید غزنوی]

نادان اپنی تقدیر کے بدلنے کے لیے باہر کسی انقلاب کے منتظر رہتے ہیں ۔عقلمند اپنی تقدیر بدلنے کے لیے اپنی شخصیت میں انقلاب لے آتے ہیں۔​

 

[سیّد لبید غزنوی]

دین کا جمال توازن میں ہے اور دین کا کمال استقامت میں ۔​

 

[سیّد لبید غزنوی]

جنت سے محروم ہر شخص بدنصیب ہے مگر سب سے بڑا بدنصیب وہ ہوگا جو اپنی خواہشات اور تعصبات کو اپنا ایمان بنانےکی وجہ سے محروم ہوگا۔​

 

[سیّد لبید غزنوی]

جو ایمان تحقیق کی وادی سے نہیں گزرتا وہ اکثر گمراہی کی منزل کو جا نکلتا ہے ۔جو اعتقاد عمل کی وادی سے نہیں گزرتا وہ اکثر جہنم کی منزل کو جانکلتاہے ۔​

 

[سیّد لبید غزنوی]

اسلام کے دشمن وہ ہیں جن کی دعوت سے اسلام کو نقصان پہنچے اس سے فرق نہیں پڑتا کہ وہ مسلمان ہوں یا غیر مسلم۔​

 

[سیّد لبید غزنوی]

امیر ہویا غریب ،بادشاہ ہو یا فقیر، میں ہوں یا آپ ، والدین ہوں یا اولاد۔۔۔۔۔سب کو چھوڑ کر جاناہے ۔۔۔سب کو چھوڑ کر جانا ہے ۔​