چند بہترین اشعار

[خضر حیات]

شرافت سوز تصویروں کی عریانی نہیں جاتی
ادب کی آڑ میں ترغیب رومانی نہیں جاتی
خدا معلوم کیا انجام ہوگا نسل آدم کا
وطن سے فحش نغموں کی فراوانی نہیں جاتی
عذاب آئے تو اس میں سینکڑوں کی جان جاتی ہے
نہیں جاتی تو شیطانوں کی شیطانی نہیں جاتی
کہیں بستی کی بستی بوند پانی کو ترستی ہے
کہیں بارش برستی ہے تو طغیانی نہیں جاتی
جہاں کے ذرے ذرے سے نمایاں ہے جلال اس کا
مگر ہم سے خدا کی ذات پہچانی نہیں جاتی
اہل زمانہ اس قدر قائل ہوا ہے جھوٹ کا ثانی
جو سچ کہتا ہے اس کی ایک بھی مانی نہیں جاتی

 

[ابوسفیان]

بہت زبردست اور اعلی شیئرننگ کے لیئے شکریہ

 

[محمد شاہد]

ﻧﺲ ﻧﺲ ﺳﮯ ﻭﺍﻗﻒ ﮨﮯ ﺭﮒ ﺭﮒ ﺟﺎﻧﺘﺎ ﮨﮯ
ﻣﺠﮭﮯ ﻣﺠﮫ ﺳﮯ ﺯﯾﺎﺩﮦ ﻣﯿﺮﺍ ﺭﺏ ﺟﺎﻧﺘﺎ ﮨﮯ

 

[محمد زاہد بن فیض]

گرشرم وحیا پہ کوئی دیوان لکھے گا
مجھ کو ہے یقین سیرت عثمان لکھے گا
(رضی اللہ عنہ)

 

[محمد زاہد بن فیض]

اُٹھا لے زر کی رنگینی فقیری کا ہنر دےدے
عطا کر جان لفظوں کودعاؤں میں اثر دےدے
ملائک ہم نے کیا کرنے ہمیں کوئی بشر دےدے
ترستی ہے یہ دنیا اے خدا کوئی عمر دے دے
(رضی اللہ عنہ)

 

[محمد شاہد]

صرف "لا الہ" کہنا درست نہیں، یہ الحادی سوچ و فکر ہے، پورا لکھنا چاہئے
لا الہ الا اللہ
کیونکہ "لا الہ" ردِ شرک ہے اور "الا اللہ" اثباتِ توحید ہے۔

جزاک اللہ خیرا

 

[عمر السلفی۔]

‏زمین کے سبھی خداؤں سے یہی ہے دشمنی میری
‏انہیں سجدوں کی ضرورت ہے اور مجھے جھکنا نہیں آتا

 

[عمر السلفی۔]

اپنے مرکز سے اگر دور نکل جاؤ گے
خواب ہو جاؤ گے، افسانوں میں ڈھل جاؤ گے

اپنی مٹی ہی پہ چلنے کا سلیقہ سیکھو
سنگ مرمر پہ چلو گے تو پھسل جاؤ گے

خواب گاہوں سے نکلتے ہوئے ڈرتے کیوں ہو
دھوپ اتنی تو نہیں ہے کہ پگھل جاؤ گے

تیز قدموں سے چلو اور تصادم سے بچو
بھیڑ میں سست چلو گے تو کچل جاؤ گے

ہم سفر ڈھونڈو نہ رہبر کا سہارا چاہو
ٹھوکریں کھاؤ گے تو خود ہی سنبھل جاؤ گے!

 

[عمر السلفی۔]

یہ چمن یونہی رہے گا اور ہزاروں بلبلیں

اپنی اپنی بولیاں سب بول کر اڑ جائیں گی

 

[عمر السلفی۔]

اتنی سی خطا پر رہبری چھینی گئی ہم سے
کہ ہم سے قافلے منزل پر لٹوائے نہیں جاتے