کتاب سے رجوع کرنا !اصول وضوابط!

[ابن بشیر الحسینوی]

مصنف کتاب لکھنے کے بعد بعض دفعہ اپنی کتاب سے رجوع کرلیتا ہے ۔اس میں مختلف اسباب پیش نظر ہوتے ہیں ۔جن کی تفصیل میں جائے بغیر چند ایک گزارشات پیش خدمت ہیں
۱:جس کتاب سے رجوع کرلیا جائے تو اس کے خلاف قانونی کاروائی کی جانے چاہئے تاکہ وہ شایع نہ ہو اور لوگ غلطی میں واقع نہ ہوں اور نہ ہی مصنف کی طرف وہ کتاب منسوب ہو !
۲:کتاب میں چند غلطیوں کی وجہ سے مکمل کتاب سے رجوع کی بجائے اس میں موجود غلطیوں کی اصلاح کر کے عام کر دی جائیں تاکہ کتاب سے فائدہ بھی اٹھایا جایئے اور غلطیوں کی اصلاح بھی ہو جائے ۔
۳:مکتبے کیوں ایسی کتاب شایع کرتے ہیں جس سے مصنف رجوع کرچکا ہوتا ہے کیا مکتبے رقم کثیر مصنف کو دے کر اس لئے کتاب لکھواتے ہیں کہ کل کو وہ رجوع کر لے !!
کیا رجوع کے علاوہ کوئی اور حل بھی ہے ؟؟؟
ان چند گزارشات پر غور کی گزارش ہے !

 

[ابوالحسن عزیز]

قانونی نقطئہ نظر سے یہ دیکھنا ہوگا کہ مصنف کا ناشر کے ساتھ کس نوعیت کا معاہدہ ہوا تھا۔ عموما ایسے معاہدوں میں کام کے مکمل ہونے کے بعد تیسرے فریق سے اس پر تنقیدی ریویو کی شق شامل ہوتی ہے۔ میں اس بات سے اتفاق کرتا ہوں کہ مصنف اگر ناشر سے مطمئن نہیں ہے تو اسے یا تو اجرت واپس کرکے کسی دوسرے ناشر سے بات کرنی چاہیے یا بھر قانونی چارہ جوئی کا راستہ اختیار کرنا ہوگا۔

 

[ابن بشیر الحسینوی]

ایک مثال سے بات مزید واضح ہو جاتی ہے کہ دارالسلام بین الاقوامی ادارہ ہے جس کی کتب تمام دنیا میں جاتی ہیں ۔
اب انھوں نے سنن اربعہ اردو ،عربی اور انگلش میں شایع کی ہیں اور مسلسل کر بھی رہے ہیں ان تمام میں استاد محترم شیخ زبیر علی زئی حفظہ اللہ کی تحقیق شایع شدہ ہے ،اور استاد محترم فرما رہے ہیں کہ میں ان تحقیقات سے بری ہوں ،اب اس رجوع کا کتنے لوگوں کو علم ہے کہ وہ دارلسلام کی مذکورہ کتب کی تحقیق کو منسوخ سمجھیں !
بلکہ بعض علمائ استاد محترم پر دوران تنقید مذکورہ کتب کی تحقیق کو مد نظر رکھتے ہیں !!!
ان تمام ۔۔۔۔۔۔کی موجودگی میں کیا کیا جائے ؟؟
آخر کوئی تو حل نکالا جائے !

 

[کفایت اللہ]

بھائی صاحب جب مؤلف کی مرضی کے بغیر ان کی تصنیفات میں تصرف کیا جائے گا تو ہر مؤلف یہی کرے گا ، مجھے یاد پڑتا ہے علامہ البانی رحمہ اللہ نے بھی ریاض الصالحین کی تحقیق سے برات کا اظہار کیا تھا اسی سبب ۔واللہ اعلم۔

 

[خضر حیات]

زبیر علی زئی صاحب اور دار السلام کا معاملہ ایک دو دون کا نہیں ہے یا ایک دو کتابوں کا نہیں ہے ۔
اتنی ساری کتب مسلسل شائع ہورہی ہیں اور ان کی موجودگی میں شائع ہورہی ہیں ان کے نام کے ساتھ شائع ہور ہی ہیں اگر وہ ان سب سے بری ہیں تو ان کے نام سے کیوں چھاپی جارہی ہیں ؟
شیخ سمجھتے ہیں کہ ان کی کتب کسی ادارے سے ان کی مرضی کے مطابق نہیں چھپتیں تو دوبارہ ان کو کام کیوں کرکے دیتے ہیں ؟
اور دار السلام وغیرہ کو بھی سوچنا چاہیے کہ اگر شیخ راضی نہیں ہیں تو ان کا نام لکھنے کا کیا تک بنتا ہے ؟

واللہ لا ندری أیہما یظلم صاحبہ ؟

 

[Muhammad Waqas]

خضر بھائی یہ سارا کام شیخ صاحب نے بہت عرصہ قبل کیا تھا دارالسلام کے لئے غالبا دس سال قبل یا اس سے بھی زیادہ۔۔۔ لیکن جب کتب ان کی مراجعت کے بغیر چھپنے لگیں تو ان کو پھر مجبورا اپنے رسالے اور کتب میں برات کا اظہار کرنا پڑا۔
بہر حال جو بھی ہو مسئلہ بہت نازک ہے !!!
حل اس کا ہونا ہی چاہیے۔

 

[ابن بشیر الحسینوی]

اس کا حل یہ ذہن میں آتا ہے کہ شیخ صاحب ان کا مطالعہ کریں جہاں کہیں غلطی کمپوزنگ وغیرہ کی اس کی اصلاح کی فہرست رسالے میں شایع کردیں اور دارلسلام کو بھی دے دیں اس سے برات بھی نہ ہوگی اور کام بھی حل ہو جائے گا