کلیم بھائی بن گئے ماموںںںںںںںںںںںں۔

[نسرین فاطمہ]

السلام علیکم ورحمتہ اللہ و برکاتہ
سب ساتھیوں کے لئے ایک خوش خبری کہ ہمارے کلیم بھائی کو ایک ننھے منے نے ماموں بنادیا ۔۔۔۔۔۔۔۔۔۔؛؛؛؛؛؛؛؛؛؛ وہ والا ماموں نہیں جو آپ سوچ رہے ہیں ۔۔۔۔۔۔۔۔۔ بلکہ سچ مچ کا ماموںںںںں۔۔؛؛؛ اللہ تعالی کلیم بھائی کو ایسی ہی اور ہزاروں خوشیاں دکھائے اور ننھے منے کو اچھی صحت لمبی زندگی عطا فرمائے اور پوری فیملی کے لئے صدقہ جاریہ بناتے ہوئے والدین کے لئے جنت میں دخول کا سبب بنائے۔ آمین
اب کلیم بھائی تمام اراکین فورم کو مٹھائی بھی کھلائیں گے ۔

 

[ابن خلیل]

وعلیکم السلام ورحمتہ اللہ و برکاتہ
بہت مبارک ہو کلیم بھائی

 

[شاکر]

وعلیکم السلام ورحمتہ اللہ وبرکاتہ،
مبارک ہو کلیم بھائی۔
مٹھائی ذرا روک کر رکھنا ، اگلے ہفتے آپ سے بنفس نفیس کھانے آؤں گا۔ ورنہ تو آپ نے مٹھائی کی تصویر پر ہی ٹرخا دینا ہے۔

 

[یوسف ثانی]

وعلیکم السلام ورحمتہ اللہ و برکاتہ
ماموں کلیم ۔ ۔ ۔ میرا مطلب ہے کہ نومولود کے ماموں کلیم کو بہت ساری مبارک باد
سسٹر نسرین ۔۔۔ ذرا دعا دیتے ہوئے ہاتھ ہولا رکھا کریں۔ :( اللہ تعالی کلیم بھائی کو ایسی ہی اور ہزاروں خوشیاں دکھائے ۔۔۔ اس کا مطلب تو یہ بھی ہوسکتا ہے کہ کلیم بھائی ہزاروں بھانجے بھانجیوں کی فوج کی کمانڈ کریں پھر وہ کسی اور جوگے کہاں رہیں گے ):

 

[Aamir]

وعلیکم السلام ورحمتہ اللہ و برکاتہ
بہت مبارک ہو کلیم بھائی

کلیم بھائی ای-مٹھائی کھلانے میں ایکسپرٹ ہے، جب بھی ان سے کچھ کھانے کا مطالبہ کرو تو کلیم بھائی جھٹ سے مٹھائیوں کی تصویریں پوسٹ کرنا شروع کر دیتے ہیں، یہاں زیادہ تر ممبرز پاکستانی ہے اس لئے میں کہنا چاہونگا کہ وہ اس بار تصویروں سے پیٹ بھرنے کی بجائے کلیم بھائی کے گھر پر ڈیرہ ڈال دے.

 

[abuhanzala]

"Abu Hanzala"
Kitna piyara naam hai, Mene socha tha apne bete ka rakhon ga, chalein aap b rakh lein :)

 

[کلیم حیدر]

نیک اور صالح اولاد اللہ تعالی کی نعمت ہوتی ہے ان کی پیدائش پر خوشی کا اظہار کیا جاتا ہے اللہ تعالی کا شکر ادا کیا جاتا ہے اور بچے کی صحت اور درازی عمر کی دعائیں مانگی جاتی ہیں۔ اولاد ایسی نعمت ہے کہ انبیاء اور رسولوں نے بھی اس کے حصول کے لیے اللہ تعالی کی بارگاہ اقدس میں دعائیں کی ہیں۔
اولاد چاہے لڑکا ہو یا لڑکی یہ اللہ تعالی کی نعمت ہوتی ہے لڑکی کی پیدائش پر مغموم ہونا اس کی اسلام میں سختی سے ممانعت ہے اولاد کی پیدائش پر خوشی اور مسرت کا اظہار کرنا چاہیے اور اللہ تعالی سے دعا مانگنی چاہیے کہ وہ نومولود کو صحت اور ایمان کی دولت سے سرفراز کرے۔ لڑکیوں کو زحمت نہيں بلکہ رحمت سمجھنا چاہیے اس لیے کہ شریعت اسلامیہ کے مطالعے سے پتہ چلتا ہے کہ لڑکیوں کے ساتھ حسن سلوک کرنے والے کے لیے جنت کی بشارت دی گئی ہے۔

اکثر یہ بات مشاہدے میں آئی ہے کہ جب کسی کے ہاں بچہ یا بچی پیدا ہوتی ہے تو پھر اس کے نام رکھنے کا مرحلہ پیش آتا ہے بہت سے نام تجویز کیے جاتے ہيں اور پھر اپنی مرضی کے مطابق کوئی اچھا سا نام رکھ لیا جاتا ہے۔ بعض اوقات کوئی ایسا نام تجویز کیا جاتا ہے جس کے معنی معلوم نہیں ہوتے اور پھر یہ بھی علم نہیں ہوتا کہ جو نام تجویز کیا گیا ہے وہ شرعی اعتبار سے درست ہے یا نہیں بعض نام ایسے ہيں جو معنی کے لحاظ سے کسی طرح بھی انسانوں پر صادق نہيں آتے اس طرح کے نام رکھنے سے بعد میں بہت سی قباحتیں پیدا ہو جاتی ہیں اور کئی دفعہ شرمندگی کا سامنا بھی کرنا پڑتا ہے۔ اس لیے ضروری ہے کہ بچوں کا نام رکھتے ہوئے ناموں کے معنی و مطالب خوب اچھی طرح معلوم ہوں۔

بغیر سوچے سمجھے بچے کا نام رکھ لینا بعض اوقات بچے کی شخصیت پر اچھا اثر نہيں ڈالتا نام اچھا اور اسلامی ہونا چاہیے تاکہ بچہ جب بڑا ہو جائے تو اسے اپنے نام پر فخر محسوس ہو۔ کوشش کرنی چاہیے کہ اپنے بچوں کے نام نبی کریمﷺ کے اسمائے مبارکہ صحابہ کرام﷢ اور اسلامی تاریخ کے نامور ہیروز کے نام پر رکھے جائیں۔ اسی طرح اللہ تعالی کے اسمائے حسنی کے ساتھ عبد کا لفظ لگا کر یعنی عبداللہ، عبدالرحمن، عبدالرحیم، وغیرہ جیسے نام رکھنا رسول اللہﷺ کو پسند ہے۔ بلکہ آپﷺنے اس بات کی ترغیب دلائی ہے کہ اپنے بچوں کے نام عبداللہ اور عبدالرحمن وغیرہ رکھو۔ بچیوں کے نام بھی عظیم اسلام خواتین کے نام پر رکھنے چاہیئں تاکہ بچوں کو اپنے اسلاف کی تاریخ اور کارناموں سے کماحقہ طور پر آگاہی ہو سکے۔

بھانجے کا نام عبداللہ رکھا ہے۔​

 

[کلیم حیدر]

السلام علیکم ورحمتہ اللہ و برکاتہ

وعلیکم السلام ورحمۃ اللہ وبرکاتہ عزیز بہنا

سب ساتھیوں کے لئے ایک خوش خبری کہ ہمارے کلیم بھائی کو ایک ننھے منے نے ماموں بنادیا ۔۔۔۔۔۔۔۔۔۔؛؛؛؛؛؛؛؛؛؛

اللہ تعالیٰ ہر مسلمان کو ایسی خوش خبریاں دکھائے۔اور ان کی نیک خواہشات کو پورا کرے۔آمین ثم آمین۔
جی بھائیوں اور بہنو آپ کے بھائی کلیم کو ماموں ماموں کہہ کر بلانے والا ایک اور جگنو آ گیا ہے۔کیونکہ کلیم صاحب پہلی بار ماموں نہیں بن رہے بلکہ فضل رب جلیل سے پہلے بھی ماموں ماموں پکارنے والی 9 کی تعداد پر مشتمل فوج ہے۔اس فوج میں ایک اور کمانڈر اب شریک ہوا تو یہ فوج اب 9 سے دس کی تعداد کو پہنچ چکی ہے۔(تلک عشرۃ کاملۃ) ماشاءاللہ۔

وہ والا ماموں نہیں جو آپ سوچ رہے ہیں ۔۔۔۔۔۔۔۔۔

ابتسامہ

اللہ تعالی کلیم بھائی کو ایسی ہی اور ہزاروں خوشیاں دکھائے اور ننھے منے کو اچھی صحت لمبی زندگی عطا فرمائے اور پوری فیملی کے لئے صدقہ جاریہ بناتے ہوئے والدین کے لئے جنت میں دخول کا سبب بنائے۔ آمین

ان الفاظ ’’ایسی ہی اور ہزاروں خوشیاں دکھائے‘‘ پر مشتمل دعا کو ایک لیمیٹ میں رکھ کر (ابتسامہ) آمین ثم آمین یا رب العالمین۔اور بہنا اللہ تعالیٰ آپ کو بھی ایسی ہزاروں خوشیاں دکھائے۔اور آپ کواینڈ آپ کی اولاد کو اور آپ کی پوری فیملی کو اچھی، صحت مند، ہر طرح کے مصائب ومشکلات سے دور صراط مستقیم پر چلنے والی زندگی عطا فرماتےہوئے جنت الفردوس میں اعلیٰ مقام دے۔آمین ثم آمین یا رب العالمین

اب کلیم بھائی تمام اراکین فورم کو مٹھائی بھی کھلائیں گے ۔

جی جی ضروربہنا کلیم صاحب تو سخی دل ہیں۔ کلیم صاحب کی سخاوت کاسب کو اندازہ اس وقت ہی ہوگیاتھا جب کلیم صاحب نکاح کی رسم سے گزر رے تھے۔دیکھیں سخاوت کلیم اس تھریڈ میں۔کلیم حیدر زندگی کے نئے موڑ پر
سب بہن بھائیوں کےلیے کلیم صاحب موسمی نعمت کےمطابق ہی کھلانے پلانے کا بندوبست کریں گے۔ان شاءاللہ

 

[کلیم حیدر]

وعلیکم السلام ورحمتہ اللہ و برکاتہ
بہت مبارک ہو کلیم بھائی

جزاک اللہ خیرا واحسن الجزاء

 

[کلیم حیدر]

وعلیکم السلام ورحمتہ اللہ وبرکاتہ،
مبارک ہو کلیم بھائی۔

جزاک اللہ واحسن الجزاء شاکر بھائی

مٹھائی ذرا روک کر رکھنا ، اگلے ہفتے آپ سے بنفس نفیس کھانے آؤں گا۔ ورنہ تو آپ نے مٹھائی کی تصویر پر ہی ٹرخا دینا ہے۔

ویلکم شاکر بھائی
جوبھی میرے تک آسکتے ہیں وہ بے دھڑک آجائیں۔لاہور نہیں بلکہ میرے گھر ۔تو ان شاءاللہ اچھی خاطر تواضع کی جائے گی۔باقی جو بھائی اور بہنیں نہیں آسکتیں لیکن مٹھائی کھانا چاہتے ہیں تو ان کےلیے ان شاءاللہ بندوبست کرتا ہوں۔
گھر آنے کی کھلے عام دعوت پر آپن کو نو ٹینشن ۔کیونکہ خرچہ آپن کانہیں عبداللہ کے ابو کا ہوگا۔ابتسامہ