کچھ تصاویر ۔۔۔آپ کی کیا رائے ہے ؟

[خضر حیات]

یہ غیراخلاقی تبصرہ ہے کہ آپ کسی کے جاب اور نوکری کواپنے طنز کا نشانہ بنائیں۔ یہ بعینہ ویسے ہی غیراخلاقی ہے جس طرح کچھ لوگ سعودی عربیہ حکومت سے وابستہ افراد پر ریال اورشاہ کی خوشامد کی باتیں کرتے ہیں۔

اس طرح کی قیاس اگر ہم جیسا اناڑی کرتا تو شاید حیرت نہ ہوتی ۔ لیکن قیاس کو اوڑنا بچھونا سمجھنےوالوں کی طرف سے اس طرح کی بات واقعتا قابل استعجاب ہے۔
قیاس کےارکان اربعہ طوطےکی طرح رٹنےکے لیے نہیں ہیں بلکہ قیاس کا موقعہ و محل متعین کرنےکے لیے بنائے گئے ہیں ۔
ویسے مجھے حسن ظن ہے کہ سعودی حکومت یا اہل حدیث سے ناراضی اس مشارکت کا سبب ہو گا کیونکہ ایک مسلمان ہونے کے ناطے امریکہ و مرعوبین کے اس طرح کے دفاع و تائید کی توقع نہیں کی جا سکتی ۔

 

[جمشید]

بھائی میری بات سمجھنے کی کوشش کریں۔

جس طرح کوئی شخص سعودی حکومت کے کارہائے نمایاں کے بیان اوردفاع پر اس کو تنقید کانشانہ بناتاہے کہ وہ سعودی حکومت کا وظیفہ خوار ہے اور یہ الفاظ اس کے منہ جو نکل رہے ہیں۔ سب کے سب ریال کے مرہون منت ہیں۔


جس طرح یہ کمنٹ اوتبصرہ غیراخلاقی ہے۔


اسی طرح امریکی حکومت کے کسی پروپیگنڈہ یانشرواشاعت کے محکمہ سے تعلق رکھنے والے کسی شخص کو جاب اورنوکری کی بناء پر طنز کرنا غیراخلاقی ہے۔

شاید کہ اس بار میری بات آپ کے سمجھ میں آجائے۔

ویسے اگرآپ کا نظریہ یہ ہو کہ ہر چیز جو سعودی سے وابستہ وہ مقدس گائے اورجوامریکہ سے ملحق وہ شیطانی اثرات کاحامل اورہرقسم کے خیر سے محروم
تویہ لینے اوردینے کے الگ الگ پیمانے آپ کو ہی مبارک ہو۔

ہمیں تو خوہے کہ جوکچھ کہئے بجاکہئے

 

[جمشید]

اس فورم پر زہر میں بجھے طنزیہ جملوں کا کوئی مقابلہ منعقد کیا جائے تو غالباً جمشید صاحب اول انعام کے حقدار آپ ہی رہیں گے۔ کسی اور کے تبصرہ کو "غیر اخلاقی" کا ٹیگ لگانے سے قبل اگر کچھ دیر اپنا محاسبہ کر لیں تو شاید اپنی بالا پوسٹ میں ترمیم کی ضرورت پڑ جائے گی۔

شاکر صاحب کا شکریہ کہ انہوں نے مجھے اول انعام کا حقدار ٹھہرانے کی کوشش کی ہے۔ ویسے ملون جملے ان کی دلی کیفیات کا آئینہ ہیں۔ اور’’آئینہ بتادے ہے کس نے کیاسوچاہے‘‘

میں نے ہمیشہ کوشش کی ہے کہ ابتداء نہ کروں اورالبادی اظلم کا مصداق نہ بنوں۔ جہاں بھی زہر میں بجھے طنزیہ جملوں کا استعمال کیاہے تویقین رکھئے کہ اس سے پہلے کہ مراسلوں میں ضرور کچھ سائنائڈ کے زہر میں بجھے جملوں سے ائمہ احناف کویاد کیاگیاہوگایاکوئی اوربات ہوگی

اس میں شک نہیں کہ کچھ مواقع پر میری ہی خطاہوگی بندہ بشر ہے غلطیوں کا پتلاہے۔ غلطیاں نہ ہوتویقین کیسے آئے کہ ہم فرشتے نہیں انسان ہیں؟لیکن اس میں بھی کوشش کی ہے کہ کسی کے جاب اورپیشہ کو طنز وتحقیر کاشکار نہ بنایاجائے اورنہ کسی کے پیشہ کی وجہ سے کسی کو عاردلایاجائے۔
ویس شاکر صاحب نے خود یہ وضاحت کرنے کی زحمت گوارانہیں کی کسی کو کسی کے پیشہ اورجاب کی بنیاد پر تبصرہ کرنا کیساہے؟
والسلام

 

[شاکر]

لیکن اس میں بھی کوشش کی ہے کہ کسی کے جاب اورپیشہ کو طنز وتحقیر کاشکار نہ بنایاجائے اورنہ کسی کے پیشہ کی وجہ سے کسی کو عاردلایاجائے۔
ویس شاکر صاحب نے خود یہ وضاحت کرنے کی زحمت گوارہانہیں کی کسی کو کسی کے پیشہ اورجاب کی بنیاد پر تبصرہ کرنا کیساہے؟

محترم، یہاں بات عمومی جاب اور پیشہ پر طنز و تحقیر کی نہیں ہے۔ کہ آپ کو اخلاقیات پر لیکچر دینے کی ضرورت پڑتی۔
یہاں ایسے جاب اور پیشہ پر تنقید کی گئی ہے کہ جو ٹکوں کی خاطر مالکان کے ہر جائز ناجائز فعل کے دفاع پر مبنی ہو۔ اگر ایسی جاب سعودی عرب کے ناجائز دفاع کی ہو، تب بھی اتنی ہی قابل مذمت ہے جتنی امریکہ کے ناجائز دفاع کی۔
ہمارے لینے اور دینے کے باٹ ہرگز الگ نہیں، اس فن کو کمال و مہارت کی جن بلندیوں تک آپ حضرات پہنچا چکے ہیں، ہم سر اٹھا کر دیکھتے ہیں تو گردن دکھتی ہے۔

 

[عابدالرحمٰن]

[اس طرح کی قیاس اگر ہم جیسا اناڑی کرتا تو شاید حیرت نہ ہوتی ۔ لیکن قیاس کو اوڑنا بچھونا سمجھنےوالوں کی طرف سے اس طرح کی بات واقعتا قابل استعجاب ہے۔
قیاس کےارکان اربعہ طوطےکی طرح رٹنےکے لیے نہیں ہیں بلکہ قیاس کا موقعہ و محل متعین کرنےکے لیے بنائے گئے ہیں]
السلام علیکم
ابھی کیونکہ میں نیا یوزر ہوں ،یہ ٹیگ وغیرہ کس طرح لگتاہے اور فارمیٹنگ کس طرح ہے کوئی صاحب اس میں میری راہ نمائی فرمائیں
بہر حال عرض گذار ہوں۔ طعن تشنیع بیشک ایک اسلامی عمل نہیں ہے لیکن اس کے پابند کوئی خاص فرقہ یا کوئی خاص فرد نہیں ہے۔ لیکن دیکھنے میں یہ آرہا ہے اگریہ طعن تشنیع امام ابو حنیفہ پریا حضرت تھانوی پر یا علماء دیوبند پر کی جائے تو سبحان اللہ الحمد للہ کی صدائیں بلند ہوں اور ان پر کفر کا فتویٰ لگایا جائے تو ایسے لوگوں کو پسند کی نگا ہ سے دیکھا جائے اور کوئی حنفی یا بقول ان کے کوئی دیوبندی (ان کے عقیدے کے مطابق جب کہ دیوبند کوئی فرقہ یا جماعت نہیں ایک علمی درسگاہ ہے جن لوگوں کاعلم اتنا محدود ہو کہ ایک درسگاہ اور فرقہ میں تمیز نہ ہو ان سے کیا بحث کی جائے، بھینس کے سامنے بین بجانا ہے)عبد الوہاب نجدی کی تاریخ بیان کریں( جن کے بارے میں ،،ھم فرے کی ڈائری ،،کا مطالعہ فرمائیں )،تو یہ حضرات اہل سنت والجماعت کو نصیحت کرنا شروع کردیتے ہیں ،امریکہ کیا ظلم ڈھارہا ہے کس طرح اسلامی تعلیمات اور ہمارے پیغمبروں علیہم الصلواۃوالسلام پر بہتان تراشی اور ان کی توہین کررہا ہے تو خاموشی اختیار کی جاتی جیسے ،امریکہ کھا جائیگا بھائی جب تک ملالہ کی حیثیت واضح نہ ہو جائے اس وقت تک کسی کے بارے کچھ کہنا ایک فضول کام ہے وقت برباد کرنا ہے ہاں یہ معاملہ ہے مشکوک کیوںکہ ذرا توجہ فرمائی پاکستان حنا ربانی کے ریمارکس جس کو راشٹریہ سہارا نے مین ھیدنگ بنا یا ملاحظہ فرمائیں ،، اس واقعہ نے وہ کا م کیا جو ایک بڑے سے بڑا فوجی آپریشن بھی نہیں کرسکتا تھا،، یہ بات چغلی کرر ہی ہے کہ کہیں نہ کہیں کوئی گڑبڑ گھوٹالہ ہے۔ اور یہ کھلی بات جب کوئی کسی ظالم کی حمایت کرتا ہے وہ ویسے ہی نہیں کرتا کوئی نہ کوئی لالچ کوئی نہ کوئی مجبوری ضرور ھوتی ہے یہی کام جاسوس مخبر بھی کرتے ہیں جو غدار قوم و ملک ہوتے ہیں ۔ آپ سب کو معلوم ہے کہ امریکی یہ فرماتے ہیں ہماری اسکیم جب سمجھ میں آتی ہے جب ہم آگے نکل جاتے ہیں اور امریکیوں کا ایمان ہے کی جھوٹ کو اتنی بار جھوٹ کہو کی وہ سچ معلوم دینے لگے ، اور اس کی تازہ مثال عراق ہمارے سامنے ہے ۔کہ کس طرح مسلم ممالک نے امریکہ کا ساتھ دیا اور ساتھ دیا اور انہونے بھی امریکہ کی طرح وہی الاپنا شروع کردیا جو امریکہ کہہ رہا تھا اور وہ ممالک ہیں جو رات دن اپنا سارا پیسہ اور امام ابوحنیفہ کے خلاف بے دریغ بہا رھے ھیں ، اور حال یہ ہے کہ حرمیں شریفین کے ارد گرد ان ناپاک امریکیوں کی فوجیں اپنے اڈے قائم کئے ہوئے ہیں ۔ اب بتائیں ایسے افراد یا ممالک کی تعریف کی جائے؟ اس لئے میری تمام مسلم بھائیوں سے گزارش ہے کی ان مسلکی دھندوں میں نہ پڑیں بس لکم دینکم ولی دین والا عمل ہونا چاہیے کیونکہ آج کی تاریخ میں ہر آدمی اچھے برے کو سمجھتا ہے سورج کو روشنی مت دکھاو۔فقط ولسلام
عابد الرحمٰن بجنوری

 

[خضر حیات]

شیخ عابد بجنوری صاحب !

بڑی خوشی ہوئی تھی جب یہ بات معلوم ہوئی کہ آپ تفسیربیضاوی کی شرح لکھ رہے ہیں ۔ ہم گزارش کریں گے کہ زیادہ وقت اسی میں صرف کیا کریں ۔
ویسے بھی فورمز کی دنیا میں آپ نئے نئے ہیں اس لیے زیادہ لکھنے کی بجائے پڑھنے اور سمجھنے پر زور دیں اور پھر بعد میں کچھ لکھا کریں تاکہ آپ کی بات سمجھ آسکے ۔
یہ بھی تاکید کر لیا کریں کہ جو کچھ آپ نے ذہن میں سوچ رکھا ہے وہ سب کچھ آپ لکھ چکیں ہیں کیونکہ آپ کی مشارکات سے اندازہ ہوتا ہے کہ آپ بہت ساری باتیں قاری کے فہم پر چھوڑ دیتے ہیں ۔ اور آپ حق بجانب ہیں کہ کیونکہ ماشاء اللہ بیضاوی کی مشکلات حل کرتے کرتے آپ کا مزاج ہی ایسا بن گیا ہوگا کہ بہت ساری مشکل باتوں کو بھی آسان سمجھ لیتے ہیں ۔
ایک اور مشورہ ہے کہ آپ کی سابقہ مشارکات سے معلوم ہوتا ہے کہ آپ فریق مخالف کے بارے میں کا فی وسعت ظرفی سے کام لیتے ہیں یہ ایک مستحسن امر ہے اس کو برقرار رہنا چاہیے ۔ اللہ آپ کو توفیق سے نوازے ۔

اگر کوئی گستاخی ہو گئی ہو تومعذرت ۔

 

[جمشید]

محترم، یہاں بات عمومی جاب اور پیشہ پر طنز و تحقیر کی نہیں ہے۔ کہ آپ کو اخلاقیات پر لیکچر دینے کی ضرورت پڑتی۔
یہاں ایسے جاب اور پیشہ پر تنقید کی گئی ہے کہ جو ٹکوں کی خاطر مالکان کے ہر جائز ناجائز فعل کے دفاع پر مبنی ہو۔ اگر ایسی جاب سعودی عرب کے ناجائز دفاع کی ہو، تب بھی اتنی ہی قابل مذمت ہے جتنی امریکہ کے ناجائز دفاع کی۔
ہمارے لینے اور دینے کے باٹ ہرگز الگ نہیں، اس فن کو کمال و مہارت کی جن بلندیوں تک آپ حضرات پہنچا چکے ہیں، ہم سر اٹھا کر دیکھتے ہیں تو گردن دکھتی ہے۔

ویسے فورمز کی دنیا میں گھومنے پھرنے سے ایسے بہت سے مراسلے مل جاتے ہیں جس میں بادشاہت کے جواز میں قرآن وحدیث پیش کیاجاتاہے۔ سعودی عرب کے دیگر اقدامات کی مدلل تائید کی جاتی ہے۔ فرق یہ ہے کہ وہ لوگ اپنے نام کے ساتھ ڈیجیٹیل ریچ آئوٹ ٹیم نہیں لکھتے۔ یاشاید دیگچہ سے زیادہ چمچہ گرم ہونے کی مثال صادق آتی ہو۔بہرحال اس بحث میں مزید کچھ رکھانہیں ہے
آپ کسی کے جاب اورپیشہ پر طنز صحیح سمجھتے ہیں توآپ کا نقطہ نظر ہے۔
ہم توہرکسی کے جاب اورپیشہ پر تنقید کو براسمجھتے ہیں بالخصوص کسی کو یہ کہناکہ اس کیلئے آپ کو موٹی رقم ملتی ہے یااس جیسی بات ۔
ویسے نفس مراسلہ میں دیکھاجائے توکوئی غلط بات نہیں تھی وہ سازشی نظریات کے حاملین کی تضادبیان کی جانب اشارہ تھا۔
اس کے علاوہ سرفراز فیضی صاحب امریکہ پر تنقید کرتے، اس کے دوغلے کردار کو نمایاں کرتے کہ ملالہ کے حملہ پر اتناملال اورڈرون حملوں میں بے گناہ اورمعصوم بچے مرتے ہیں اس پر سکوت مرگ،ملالہ کیلئے دیدہ ودل واکرنے والے لبنان اسرائیل کی جنگ میں بچوں پر اسرائیل کے ذریعہ فضائی حملہ اوراس میں پچاس سے زائد لبنانی بچوں کی شہادت پر منہ میں گھنگیاں ڈالے کیوں بیٹھے تھے۔
اگرسرفراز فیضی صاحب اس طرح کی باتیں کرتے تویقین رکھئے کہ راقم الحروف اس میں کچھ مزید اضافہ کرتا جس سے امریکہ کے دوہرے کردار اورمنافقت کو عیاں کیاجاتا۔
لیکن ان سب کو چھوڑ کر کہناکہ آپ کوایساکہنے کیلئے موٹی تنخواہ ملتی ہے۔؟میرے نزدیک غلط اورغیردرست ہے۔
بہرحال اس بحث کو یہیں ختم کردیتے ہیں کہ آپ کی رائے آپ کے ساتھ میری رائے میرے ساتھ

وہ افسانہ جسے انجام تک لانانہ ہوممکن
اسے ایک خوبصورت موڑ دے کر چھوڑنااچھا​

مارے لینے اور دینے کے باٹ ہرگز الگ نہیں، اس فن کو کمال و مہارت کی جن بلندیوں تک آپ حضرات پہنچا چکے ہیں، ہم سر اٹھا کر دیکھتے ہیں تو گردن دکھتی ہے

آپ کو دیکھنے کی ضرورت ہی کیوں پڑتی ہے؟ مت دیکھاجائے دوسروں کی جانب دیکھیں گے تویوں ہی گردن دکھے گی

ویسے بھی جوچیز آپ کے اپنے یہاں بافراط اورارزانی کے ساتھ موجود ہے اس میں دوسروں کو دیکھنے کی ضرورت کیاہے جس کیلئے گردن دکھنے کی نوبت آجاتی ہے۔
اس کیلئے توسراٹھانے کی نہیں بلکہ سرجھکانے کی ضرورت ہے

شاعر نے کہاہے نا

جب ذراگردن جھکائی دیکھ لی​

توجوں ہی آپ گردن جھکاکر اردگردپر نظرڈالیں گے توایسے ایسے شہکار نظرآئیں گے کہ آپ کو اپنی جماعت پر فخر بغیر الفاء ہوگا۔

 

[عابدالرحمٰن]

اظہار تشکر

السلام علیکم
خضر بھائی اگر آپ نے واقعی مجھے یہ نیک مشورہ دیا ہے تو میں آپ کا انتہائی مشکور ہوں اللہ آپ کو فلاح دارین عطا فرمائے،میں اس مشورے پر عمل کروں گا انشاءاللہ تعالیٰ ۔ آپ جب فرمائیں گے تبھی کچھ عرض کروں گا ۔اللہ حافظ
آپ کا دینی بھائی
عابدالرحمٰن بجنوری

 

[شاکر]

ویسے نفس مراسلہ میں دیکھاجائے توکوئی غلط بات نہیں تھی وہ سازشی نظریات کے حاملین کی تضادبیان کی جانب اشارہ تھا۔
اس کے علاوہ سرفراز فیضی صاحب امریکہ پر تنقید کرتے، اس کے دوغلے کردار کو نمایاں کرتے کہ ملالہ کے حملہ پر اتناملال اورڈرون حملوں میں بے گناہ اورمعصوم بچے مرتے ہیں اس پر سکوت مرگ،ملالہ کیلئے دیدہ ودل واکرنے والے لبنان اسرائیل کی جنگ میں بچوں پر اسرائیل کے ذریعہ فضائی حملہ اوراس میں پچاس سے زائد لبنانی بچوں کی شہادت پر منہ میں گھنگیاں ڈالے کیوں بیٹھے تھے۔
اگرسرفراز فیضی صاحب اس طرح کی باتیں کرتے تویقین رکھئے کہ راقم الحروف اس میں کچھ مزید اضافہ کرتا جس سے امریکہ کے دوہرے کردار اورمنافقت کو عیاں کیاجاتا۔
لیکن ان سب کو چھوڑ کر کہناکہ آپ کوایساکہنے کیلئے موٹی تنخواہ ملتی ہے۔؟میرے نزدیک غلط اورغیردرست ہے۔

تعجب ہے۔ امریکہ پر تنقید کے لئے بھی آپ کو سرفراز فیضی صاحب کا مراسلہ چاہئے جو آپ کے خیال میں "جائز تنقید" پر مشتمل ہو تب ہی آپ اس میں کچھ "مزید اضافہ" فرمائیں گے۔ ورنہ آپ ایسے معصوم ہیں کہ موضوع کچھ بھی ہو، اور غیر مقلد اور امریکہ پراپیگنڈا مہم کے رکن میں سے کسی ایک کو تنقید کے لئے چننا ہو تو آپ کی نگاہ انتخاب غیر مقلد ہی پر پڑتی ہے۔

آپ نے پھر سے اصل بات پر تبصرہ نہیں کیا۔ واضح بتائیے کہ آپ کے نزدیک ایک ایسے شخص کی جاب درست ہے جو مالکان کے ہر جائز ناجائز فعل کے قلمی دفاع کی ذمہ داری پر مشتمل ہو؟
یا آپ کے نزدیک جاب اور پیشہ کوئی ایسی مقدس گائے ہے کہ طوائف کی جاب ہو، یا بار ٹینڈر کی۔ اس پر ہرگز تنقید نہیں ہونی چاہئے۔

ان امریکیوں کے مظالم دیکھئے اور پھر اس کا دفاع کرنے والی پروپیگنڈا ٹیم کے ممبر تاشفین صاحب وغیرہم کی تحریریں ملاحظہ کریں تو سرفراز فیضی صاحب کی بات بالکل سولہ آنے درست ہے۔ موٹی رقم کی خاطر ہی کوئی شخص اتنا گر سکتا ہے کہ ڈرون میں مارے جانے والے سینکڑوں مظلوموں پر ایک لفظ نہ کہے اور طالبان کا نشانہ بننے والی ایک بچی کے ایشو کو لے کر ہر فورم پر اچھالتے پھریں۔ پاکستان میں امریکی سفارت خانے میں ہونے والی ہم جنس پرستوں کی تقریب پر کوئی اعتراض کرے تو اس کو بھی قلمی موشگافیوں سے بالکل درست اور عین قانون کے مطابق ثابت کر دیں۔ یہ حضرات کوئی دیانتدارانہ صحافتی ذمہ داری نہیں نبھا رہے ہیں، آپ کو ان کی تحریر سے کبھی بھی امریکی پالیسیوں پر تنقید کا حرف تک نہیں ملے گا۔ ایسے لوگوں کے ناجائز دفاع میں آپ ان پر تنقید کرنے والوں پر غلط اعتراضات اور وہ بھی موضوع سے قطعی غیر متعلق اعتراضات اٹھائیں تو یہ بہرحال غلط ہے۔

 

[tashfin28]

طالبان کی ملالہ کو قتل کرنے کی ناکام کوشش


طالبان کی ملالہ کو قتل کرنے کی ناکام کوشش

معزز ممبران
السلام عليکم

ميں يہ واضح کرنا چاہتا ہوں کہ ميں فورم پر کسی قسم کے پروپيگنڈہ ميں ملوث نہيں ہوں جس کيطرف بعض تبصرے غلط اشارہ دے رہے ہيں۔ ہماری ٹیم کا مقصد پاکستان اور خطے کے متعلق اہم مسائل کے بارے ميں امریکی حکومت کی پوزیشن واضح کرنا ہے۔

اراکين کے معلومات کيلۓ، ہماری ٹیم کئ سالوں سے واضح طور پر مختلف پاکستانی اردو فورم اور ویب سائٹ پر اس کوششں میں رہی ہے کہ غلط خبروں کا جواب دے سکے اور قابل احترام ممبران کو ان زير بحث ايشوز پر امریکی حکومت کے واضح پوزیشن سے روشناس کراسکے-
ميں قابل احترام ممبران سے درخواست کرتا ہوں کہ غير ضروری بحث مباحثہ سے گريز کريں جو ہميں ملالہ يوسفزئ پر حملہ جيسے اہم ايشو سے دور لے جاتا ہے جس نے عوام کے سامنے ٹی ٹی پی کے حقيقی سياہ چہرے کو بے نقاب کيا ہے۔

يہ کوئ تعجب کی بات نہيں ہے کہ طالبان اور ان کے حامی ايک تند وتيز مہم کے ذريعے ملالہ کے کردار اور اس کے نظريات پر بھی سوال اٹھارہے ہيں جس کی بدولت اس بچی نے اپنے اور اپنے جيسے دوسرے بچوں پر ہونے والے ظلم کی بپتا عوام تک پہنچائ۔ تاہم، پاکستان ميں تمام لوگوں نے مذہب اور فرضی علاقائی روايات کی جھوٹی آڑ ميں کم سن بچوں پر بھی حملوں کو جائز سمجھنے کے اس پرتشدد سوچ اور نظريہ کو برملا مسترد کيا ہے۔

قابل احترام دوستوں، يہ غیر انسانی انتہا پسند پاکستان کے معصوم لوگوں کے خلاف اس طرح کے سنگین جرائم کا ارتکاب کرنے سے کبھی بھی باز نہيں آئينگے۔

جیسا کہ ذرائع ابلاغ میں رپورٹ کيا گيا ہے کہ ملالہ یوسف زئی کو قتل کرنے کی ناکام کوشش کے بعد عسکریت پسندوں نے دوسری طالبہ، حنا خان ،جو اپنی اور لڑکیوں کی تعلیم حاصل کرنے کے حق کا مطالبہ کر رہی تھی کو دھمکی دی ہے۔

تاشفين – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
U.S. Department of State
https://twitter.com/#!/USDOSDOT_Urdu