کہہ دو کہ میں نے معاف کر دیا ---

[محمد عامر یونس]

کہہ دو کہ میں نے معاف کر دیا

السلام علیکم ورحمتہ اللہ وبرکاتہ !

، جیسا کہ ہم جانتے ہیں کہ انسان ہونےکے ناطے ہم سب سے کچھ نہ کچھ گناہ سرزد ہوتے رہتے ہیں ، زیادہ خطرناک گناہ حقوق العباد کے معاملہ میں ہیں ، انسانوں پر رحم کرنے کی تاکید میں یہ بات بھی شامل ہے کہ ہم ان کو معاف کر دیں تاکہ اللہ بھی ہمیں معاف کر دے ، سوشل میڈیا یعنی فیس بک وغیرہ ، زندگی سے متعلقہ و غیر متعلقہ لوگوں ، رویوں ، حرکتوں ، برائیوں ،جن جن کو آپ یاد رکھے ہوئے ہیں یا بھول چکے ہیں، آئیے، ان سب کو ابھی آج ہی معاف کر دیتے ہیں ، یہ رحم کا سب سے بڑا درجہ ہوگا اللہ سے مکمل امید ہے کہ جیسے ہم تمام لوگوں کو معاف کر رہے ہیں اللہ بھی ہمارے گناہ معاف فرما دے گا ، ان شاء اللہ تعالی، تو آؤ کہہ دو کہ میں نے ان سب لوگوں کو معاف کر دیا جنہوں نے کبھی میرا دل دکھایا ہو ، تنگ کیا ہو ، اذیت دی ہو ، ظلم کیا ہو ، برائی کی ہو ، دھوکہ دیا ہو ، آنکھوں میں آنسو لانے کا سبب بنے ہوں ، کہہ دو کہ میں نے سب کو معاف کر دیا ، ان شاء اللہ آپ کے معاف کرنے کی وجہ سے بہت سارے لوگ دوزخ کے عذاب سے بچ جائیں گے -