کیا اللہ تعالیٰ کو رب الارباب کہنا درست ہے؟

[محمد ارسلان]

کیا اللہ تعالیٰ کو رب الارباب کہنا درست ہے؟

 

[محمد ارسلان]

یاد دہانی

 

[ابوالحسن علوی]

اگر تو رب سے مراد اس کا مجازی معنی ہے یعنی پرورش یا کفالت کرنے والا یا آقا و مالک وغیرہ تو اس معنی میں درست ہے۔ قرآن مجید میں رب کا لفظ مجازی معنی میں مخلوق کے بھی استعمال ہوا ہے۔

 

[محمد ارسلان]

رب الارباب کا کیا معنی ہے؟

 

[ابوالحسن علوی]

رب الارباب کا معنی ہو گا مالکوں کا مالک۔ رب کا لفظ الف لام کے ساتھ یعنی الرب صرف اللہ کے لیے ہی استعمال ہوتا ہے۔ اسی طرح جب مخلوق کے لیے یہ لفظ استعمال ہو گا تو مضاف استعمال ہو گا جیسا کہ رب الدار یا رب المال وغیرہ۔ یعنی دو صورتوں میں اس لفظ کا استعمال مخلوق کے لیے جائز نہیں ہے۔
الف لام کے ساتھ
اور بغیر اضافت کے۔
مزید تفصیل کے لیے یہ لنک دیکھیں:
الدرر السنية - المبحث الثاني: معنى كلمة الرب من حيث هي اسم لله تعالى

 

[محمد ارسلان]

شیخ صاحب! آپ میری بات سمجھے نہیں،میں یہ کہنا چاہتا ہوں جس طرح اللہ تعالیٰ کو ملک الملوک یعنی بادشاہوں کا بادشاہ کہا جاتا ہے تو یہ سمجھ آتا ہوں کیونکہ دھرتی پر ایسے لوگ ہیں جنہیں اللہ نے حکمران بنایا ہے اور سب بادشاہوں کا بادشاہ اللہ تعالیٰ ہے یعنی شہنشاہ۔لیکن جب اللہ کو رب الارباب کہیں گے تو ربوں کا رب اس کا معنی بنتا ہے تو زمین میں تو اللہ کے سوا کوئی رب نہیں نا۔دراصل یہ الفاظ میں نے احمد بن علی عجمی صاحب کی ایک دعا میں سنے تھے۔

 

[ابوالحسن علوی]

لیکن جب اللہ کو رب الارباب کہیں گے تو ربوں کا رب اس کا معنی بنتا ہے تو زمین میں تو اللہ کے سوا کوئی رب نہیں نا۔

اگر رب سے مراد اس کائنات کا خالق و مالک اور مدبر و منتظم لیں تو اس معنی میں واقعتا اللہ کے علاوہ کوئی رب نہیں ہے اور توحید ربوبیت پر ایمان کا تقاضا یہ ہے کہ اللہ کے علاوہ اس معنی میں کسی کو رب نہ مانا جائے۔ لیکن رب الارباب میں ارباب مجازی معنی میں استعمال ہوا ہے۔ یہاں ارباب سے مراد اس کائنات کے خالق و مالک یا مدبر و منتظم مراد نہیں ہیں بلکہ اپنے خدام و غلاموں کے آقا و مالک مراد ہیں۔ ملک الملوک میں ملوک بھی مجازی معنی میں ہے ورنہ تو حقیقی معنی میں ملک صرف ایک ہی ہے اور وہ رب کی ذات ہے۔

 

[محمد ارسلان]

جزاک اللہ خیرا