ہمسائیوں کا خیال رکھنے کا ایک طریقہ

[ماریہ انعام]

السلام علیکم ورحمۃ اللہ وبرکاتہ

باب البر والصلۃ کی گیارہویں حدیث یہ ہے
وعنہ رضی اللہ عنہ قال:
قال رسول اللہ ﷺ :
اذا طبخت مرقۃ فاکثر ماءھا وتعاھد جیرانک (اخرجھما مسلم)

ابوذر رضی اللہ عنہ سے روایت ہے کہ رسول اللہ ﷺ نے فرمایا:
جب تو شوربا پکائے تو اس کا پانی زیادہ کر لے اور اپنے ہمسائیوں کا خیال رکھ
مسلم

 

[ماریہ انعام]

اس حدیث میں اس بات کی طرف توجہ دلائی ہے کہ اپنی لذت کا ہی دھیان نہ رکھو بلکہ اپنے ہمسایے کا بھی خیال رکھو ۔۔۔اگر گوشت یا سبزی کم ہے اور تم اپنے ہمسایے کو اس میں سے نہیں دے سکتے تو شوربا زیادہ کر لو تاکہ ہمسایے کو بھی دے سکو۔۔۔۔ابن عباس سے روایت ہے کہ رسول اللہ ﷺ نے فرمایا
لیس المومن بالذی یشبع وجارہ جائع الی جنبہ (البیہقی)
مومن وہ نہیں ہوتا جو پیٹ بھر کر کھائے اور اس کے پہلو میں اس کا ہمسایہ بھوکا ہو

 

[ماریہ انعام]

ہمسایے کو تحفہ دیتے ہوئے یہ خیال نہیں کرنا چاہیے کہ میں پتلا شوربا یا معمولی چیزبطور تحفہ کیوں دوں۔۔۔رسول اللہ ﷺ نے فرمایا
کوئی ہمسائی اپنی پڑوسن کے لیے کسی چیز کو حقیر نہ جانے خواہ وہ بکری کی کھری کیوں نہ ہو( بخاری)