![محدث فورم [Mohaddis Forum]](/styles/default/xenforo/Forum.jpg)
۔۔۔۔۔۔۔۔۔۔۔۔۔۔۔۔۔۔۔۔۔۔۔اصل مراسلہ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایک غلطی کا ازالہ :
برادر یاسر! اپ نے ایک علمی بات کرنے کی کوشش کی ہے ، لیکن حق یہ تھا کہ اپ حوالہ پیش کرنے سے پہلے دیکھ لیتے ۔ حقیقت یہ ہے کہ امام طبری کی عبارت جس مقام سے "اچکی" گئی ہے وہ کچھ یوں ہے:
"" فإذ كان ذلك كذلك فـالصواب أن يُحْكم لظاهر التنزيـل بـالعموم علـى ما عمّ، ويجوز ما قاله أهل التأويـل فـيه۔۔۔۔۔ غرہ أنہ لا شک أن الآیة نزلت فی منافق کان یوالی یھودا أو نصاری خوفا علی نفسہ۔۔۔۔۔ الخ ""
""درست بات یہی ہے کہ اس آیت میں مسلمانوں کو جو عام حکم دیا گیا اس کو عام ہی سمجھا جائے ․․․․․․․․اگرچہ یہ بات اپنی جگہ بجاہے کہ یہ آیت ایک منافق کے بارے میں نازل ہوئی تھی ۔وہ منافق یہودیوں اور عیسائیوں سے دوستیاں کرتا تھا۔اس کے دل میں یہ خوف سوار تھا کہ کہیں یہودیوں وعیسائیوں کی طرف سے مجھے ناگفتہ بہ اور ناساز گار حالات کا سامنا نہ کرنا پڑجائے۔یہی وجہ ہے کہ سورۃ المائدہ کی آیت :۵کے بعد والی جو اگلی آیت ہے اس میں اللہ تعالیٰ نے اس خوف کی وضاحت بھی فرمائی ہے ۔""
اب پہلا جملہ علوی صاحب نے چھوڑ کر باقی عبارت لے لی!اور یہ بھی دیکھ لیں کہ ایک ایک جملے کو کاٹ پھینکنا کلام کا مفہوم کیا سے کیا کر سکتا ہے۔اب یہ تصویر سامنے اتی ہےکہ امام صاحب اس آیت کو سب مسلمانوں کے لیے جانتے ہیں اور قیامت تک اسے حکم عام بتلاتے ہیں ۔
امام طبری رحمہ اللہ مزید فرماتے ہیں :
""والصواب من القول فـي ذلك عندنا أن يقال: إن الله تعالـى ذكره
نهى الـمؤمنـين جميعاً
أن يتـخذوا الـيهود والنصارى أنصاراً وحلفـاء علـى أهل الإيـمان بـالله ورسوله، وأخبر أنه من اتـخذهم نصيراً وحلـيفـاً وولـياً من دون الله ورسوله والـمؤمنـين، فإنَّه منهم فـي التـحزّب علـى الله وعلـى رسوله والـمؤمنـين، وأن الله ورسوله منه بريئان. وقد يجوز أن تكون الآية نزلت فـي شأن عُبـادة بن الصامت وعبد الله بن أبـيّ ابن سلول وحلفـائهما من الـيهود، ويجوز أن تكون نزلت فـي أبـي لُبـابة بسبب فعله فـي بنـي قريظة، ويجوز أن تكون نزلت فـي شأن الرجلـين اللذين ذكر السدّيّ أن أحدهما همّ بـاللـحاق بدهلك الـيهودي والآخر بنصرانـي بـالشأم، ولـم يصحّ بواحد من هذه الأقوال الثلاثة خبر يثبت بـمثله حجة فـيسلـم لصحته القول بأنه كما قـيـل.’’ہمارے نزدیک یوں کہنا درست ہے کہ اللہ رب العزت نے تمام مسلمانوں کومنع کیا ہے ۔اس بات سے کہ وہ یہودیوں اور عیسائیوں کو اللہ تعالیٰ پر اور اس کے آخری رسول جناب محمد ﷺپر ایمان رکھنے والے مومنوں کے خلاف اپنے حمایتی ،مددگار اور حلیف بنائیں ۔اللہ تعالیٰ نے اس بات سے بھی خبردار کیا ہے کہ جو مسلمان ۔اللہ تعالیٰ ،اس کے رسول ﷺکو اور مومنوں کو چھوڑ کر ان کافروں کو اپنا حمایتی ،مددگار اور دوست بنائے گا پھر وہ ان یہودیوں اور عیسائی کافروں کی پارٹی کا ہی فرد گردانا جائے گا ۔گویایہ شخص اللہ رب العالمین ،رسول اللہﷺاور مومنوں کے مدمقابل کافروں کی پارٹی اور جماعت کا ایک کارکن اور ورکر (worker)ہوگا۔اللہ تعالیٰ اور اس کا رسول ﷺاس سے کلیتاً بیزار اور لاتعلق ہوں گے۔""
Altafsir.com - The Tafsirs - التفاسير
اب حضرات خود دیکھ سکتے ہیں کہ امام طبری رحمہ اللہ تویہ کہیں کہ اس آیت کے مخاطب سارے ہی مسلمان ہیں اور اس کا حکم قیامت تک ہے اور ہمارے امام علوی صاحب ان کی تفسیر سے کیا دکھا رہے ہیں !
مزید یہ کہ جو ترجمہ ابو الحسن علوی صاحب نے "قلبی دوستی" کیا ہے وہ بھی محل نظر ہے! امام طبری فرماتے ہیں کہ:
یعنی وہ منافق زمانے کی گردشوں کے ڈر کر یہودیوں یا عیسائیوں سے دوستی رکھتا تھا۔
اب کیا حآلات سے ڈر کر قائم کی جانے والی دوستی "قلبی دوستی" ہوتی ہے؟؟
یہی بات اگلی آیت بھی کہہ رہی ہے کہ اصل بات کیاتھی ::
یُّسَارِعُوْنَ فِیْھِمْ یَقُوْلُوْنَ نَخْشٰی اَنْ تُصِیْبَنَا دَائِرَة
ان میں گھسے جاتے ہیں کہتے ہیں ہم پر کوئی گردش دوراں نہ آ جائے۔
امام ابن تیمیہ رحمہ اﷲ اس آیت کی تفسیر میں فرماتے ہیں:
قََالَ اللّٰہُ تَعَالٰی ﴿وَ مَنْ یَّتَوَلَّہُمْ مِّنْکُمْ﴾ فَیُوَافِقْھُمْ وَ یُعِینُھُمْ ﴿فَاِنَّہٗ مِنْہُمْ﴾ وَ قَالَ أَیْضًا فِی تَفْسِیر ھٰذِہِ الْآیۃ: وَالْمُفَسِّرُوْنَ مُتَّفِقُوْنَ عَلٰی أَنَّھَا نَزَلَتْ بِسَبَبِ قَوْمٍ مِمَّنْ کَانَ یُظْھِرُ الْاِسْلَامَ وَ فِیْ قَلْبِہٖ مَرَضٌ خَاف أَنْ یَغْلِبَ أَھْلُ الاِسْلَام فَیُوَالِی الْکُفَّارَ مِنَ الْیَھُودِ وَالنَّصَارٰی وَ غَیْرِھِمْ لِلْخَوفِ الَّذِیْ فِیْ قُلُوْبِھِمْ لَا لاِعْتِقَادِھِمْ أَنَّ مُحَِمَّدًا صَلَّی اللّٰہُ عَلَیْہِ وَسَلَّمَ کَاذِبٌ وَأَنَّ الْیَھُودَ وَالنَّصَارٰی صَادِقُوْنَ‘‘
’’اﷲ تعالیٰ کے زیر تفسیر فرمان ﴿وَ مَنْ یَّتَوَلَّہُمْ مِّنْکُمْ﴾کامعنی ہے کہ ’’فَیُوَافِقْھُمْ وَ یُعِینُھُم‘‘۔
ترجمہ: یعنی جو یہودیوں اور عیسائیوں کی موافقت کرتا ہے اور ان کی مدد اور تعاون کرتا ہے تو ﴿فَاِنَّہٗ مِنْہُمْ﴾وہ ان میں سے ہی شمار ہوگا۔‘‘امام ابن تیمیہ رحمہ اللہ مزید فرماتے ہیں: تمام مفسرین کرام اس بات پر متفق ومتحد ہیں کہ :
مذکورہ بالا آیت کا شانِ نزول ایک ایسی قوم کے افراد سے متعلق ہے جو بظاہر اسلام کا دعوٰی اور اظہار کرتے تھے مگر ان کے دلوں میں یہ خوف جاگزیں تھاکہ اگر بالفرض اہل اسلام کافروں کے ہاتھوں شکست کھاگئے توپھر ہمارا کیا بنے گا ،ہم کدھر جائیں گے ۔بس اس خوف سے ہی وہ کلمہ پڑھنے کے باجوود یہودیوں ،عیسائیوں اور دیگر کافروں کے ساتھ بنارکھتے تھے ۔ان کے دوستانہ تعلقات کی بنیاد فقط وہ خوف تھا جو ان کے دل ودماغ پر بُری طرح سوار تھا۔کافروں سے دوستیاں کرنے والے اور ان سے بناکر رکھنے والوں کے دلوں میں یہ اعتقاد ونظریہ بالکل نہ تھا کہ (نعوذ باﷲ من ذلک)محمد صلی اﷲ علیہ و سلمجھوٹے پیغمبر ہیں اور یہود ونصارٰی سچے ہیں ۔‘‘
(مجموع الفتاوی:۱۹۳/۷،۱۹۴)
برادر یاسر ! آپ اپ کا بجا طور پر حق بنتا ہے کہ آپ اس "تحریر" اور صاحب تحریر دونوں پر "ایمان بالغیب" ترک کر دیں اور خود سے تحقیق کریں ۔
باقی اسی مضمون " ظالم فاسق حکمرانوں کی تکفیر" کے آخر میں کفار کی جو "شاندار" تقسیم کی گئی ہے اور اس کی بنیاد پر انہیں دوست بنانے یا نہ بنانے کا جو "مجتہدانہ" موقف قائم کیا گیا ہے ، اس بارے بھی قابل احترام محترم عبدالغفار مدنی حفظہ اللہ، عبد الرحمان مکی یا عبد السلام بھٹوی حفظھم اللہ سے پوچھ لیجئے گا ۔
مجھے لگتا ہے کہ اس سارے مضمون پر ہی کوئی ماری موٹی نظر ثانی کرنی پڑے مجھے کسی دن ، آپ لوگ تو مانو "بلائنڈ ٹرسٹ" کرتے جا رہے ہو ان ایک دو تحریروں پر!!
ویسے بھی ساری تحقیقات اور "ارشادات" صرف اہل تقلید کے لیے ہی مخصوص نہیں رہنی چاہییں ، اس فورم پر اہل علم موجود رہتے ہیں ۔ انہیں ہی کچھ کرنا چاہیے !!
والسلام
