سیاسی جھگڑے

[عابدالرحمٰن]

السلام علیکم
میری تمام ارباب ومنتظمین فورم سے التماس ہے کی اس فورم کا تعارف صرف مذہبی فورم کے نقطہ نظر سے کرایا گیا ہے ہمیں یہ نہیں معلوم تھا کہ اس فورم کا تعلق کسی مسلک اہل حدیث کے علاوہ کسی سیاسی تنظیم یا دھڑے سے بھی ہے جیسا کی اس’’ کیا جماعۃ الدعوۃ نےعرب مجاہدین امریکہ کے حوالے کیےہیں؟‘‘ عنوان سے ظاہر ہورہا ہے میرے ہاس بھی یہ لنک شیییر کرنے کے لئے گیا تھا ۔ منتظمین حضرات میں عرض کردوں ہم سیاسی لوگ نہیں ہیں صرف اور صرف مذہبی لوگ ہیں وہ اچھے ہیں یا برے یا دیگر بات ہے لیکن ہمارا ذہن اس طرح کا نہیں ہے
محترم اس وقت پوری دنیا کی نگاہیں مسلمانوں کی طرف لگی ہوئی ہیں اور مسلمانوں کو ذرا ذرا سے بہانے سے معتوب کیا جارہاہے ان کے خاندان کے خاندان کو تباہ وبرباد کیا جا رہا ہے،
یہ بات ذہن نشیں رہے کہ اس فورم کو مسلمان ہی نہیں بلکہ مسلم مخالف بھی پڑھتے ہیں خدا را اس طرح کے کام یا اس فورم سے یہ تاثر نہیں ملنا چاہیئے کہ اس کا تعلق بھی کسی سیاسی جماعت یا تنظیم سے ہے
فقط والسلام
عابدالرحمٰن بجنوری

 

[شاکر]

وعلیکم السلام ورحمتہ اللہ وبرکاتہ،
عابد الرحمٰن بھائی،
فورم پر یوزرز کا کسی سیاسی مراسلے کو شائع کرنا، انتظامیہ کی کسی سیاسی دھڑے سے وابستگی کی نمائندگی نہیں کرتا ہے۔ ہر شخص کی دلچسپی کے مضامین مختلف ہوتے ہیں۔ جن لوگوں کو سیاست پر گفتگو کرنی ہے، ان کے لئے بھی زمرہ جات قائم ہیں۔ انہی موضوعات پر پرنٹ اور کمرشل میڈیا میں دن رات بات چیت چلتی رہتی ہے۔ انٹرنیٹ پر ہمارے علم کے مطابق ایسی کوئی پابندی بھی نہیں ہے۔ لہٰذا اگر آپ سیاسی گفتگو سے دور رہنا چاہتے ہیں، تو فقط سیاست والے زمرے سے کنارہ کش ہو جائیں، کافی ہے۔