اس کے علاوہ ہمارے دیگر علماء کا بھی اپنا اپنا زبردست انداز ہے تقریر کرنے کا، جیسے ڈاکٹر زاکر نائیک حفظہ اللہ، شیخ توصیف الرحمٰن راشدی حفظہ اللہ، شیخ عبداللہ ناصر رحمانی حفظہ اللہ، شیخ صہیب میر محمدی حفظہ اللہ وغیرہ۔ اللہ ان سب علماء کرام کو دنیا و آخرت میں اجر عظیم سے نوازے آمین۔
السلام علیکم ،
بھائی محمد عامر یونس اور
محمد ارسلان!
کیا آپ بتا سکتے ہیں کہ یہ انداز بیان نبی کریم ﷺ سے ثابت ہے؟
معذرت کے ساتھ بھائی شاید آپ کو برا لگے مگر سچ ہے ،بریلوی ، دیوبندی اور بالخصوص پاکستان کی جمیعت اہل حدیث کے علماء سامعین کو متوجہ کرنے کے لیے یہی انداز اپناتے ہیں۔۔۔حتی کہ اہل حدیث مساجد میں جمعہ کی مبارک ساعت میں یہ "انداز بیان" سنایا جا رہا ہوتا ہے اور دوسری جانب سنی مساجد سے درود شریف کو "اسی طرز" پر پڑھا جا رہا ہوتا ہے اور یہ کیفیت بڑی عجیب معلوم ہوتی ہے۔
جبکہ ڈاکٹر ذاکر نائیک اور شیخ توصیف الرحمن راشدی سے لے کر سعودی جتنے بھی عالم ہیں ،یہاں تک کہ حرمین کے امام بھی ان کا ایک بھی وعظ ایسا نہیں ہوتا۔۔۔اور نہ وہ دروس میں اس طریقے سے جملے ادا کرتے ہیں۔ مسلم انگلش سکولرز کو ملاحظہ کر لیں ،وہ بھی یہ انداز بیان اختیار نہیں کرتے۔
الدین النصیحۃ
شیخ توصیف الرحمن راشدی کی طرح میں بھی کہوں گی "یہ صرف میڈ ان پاکستان اور انڈیا ہے"۔