۔ (امام شافعی کے تلمیذ) ربیع بن سلیمان کہتے ہیں کہ امام شافعی مصر تشریف لائے تو انہوں نے مجھ سے کہا : میرا یہ خط سلامتی سے ابو عبداﷲ احمد بن حنبل تک پہنچا دو اور مجھے جواب لا کر دو۔ ربیع کہتے ہیں کہ میں وہ خط لے کر بغداد پہنچا تو نمازِ فجر کے وقت امام احمد بن حنبل سے میری ملاقات ہوئی پس جب وہ حجرہ سے باہر تشریف لائے تو میں نے خط اُن کے سپرد کرتے ہوئے کہا کہ یہ خط آپ کے بھائی شافعی نے آپ کو مصر سے بھیجا ہے۔ امام احمد نے مجھ سے کہا : کیا تو نے اسے پڑھا ہے؟ میں نے کہا : نہیں! انہوں نے مہر توڑ کر اسے پڑھا تو ان کی آنکھیں بھر آئیں، میں نے پوچھا : ابو عبداﷲ کیا ہوا، اس میں کیا لکھا ہے؟ انہوں نے فرمایا : امام شافعی نے مجھے لکھا ہے کہ انہوں نے خواب میں حضور نبی اکرم صلی اللہ علیہ وآلہ وسلم کی زیارت کی ہے۔ آپ صلی اللہ علیہ وآلہ وسلم نے انہیں فرمایا ہے کہ ابو عبداﷲ کو خط لکھو، اسے سلام لکھ کر کہو کہ تمہیں عنقریب آزمایا جائے گا اور تمہیں خلقِ قرآن (کے باطل عقیدہ) کی دعوت دی جائے گی سو تم اسے قبول نہ کرنا، اﷲ تعالیٰ تمہیں قیامت کے روز باعزت عالم دین کے طور پر اٹھائے گا۔ اس کے بعد ربیع بیان کرتے ہیں :
فقلت له : البشارة يا أبا عبداﷲ، فخلع أحد قميصه الذي يلي جلده فأعطانيه، فأخذت الجواب، فخرجت إلي مصر وسلمته إلي الشافعي. فقال : أيش الذي أعطاک. فقلت : قميصه. فقال الشافعي : ليس نفجعک به، ولکن بلّه وادفع إلي الماء لأ تبرک به.
’’میں نے اُن سے کہا : ابو عبد اﷲ! آپ کو تو خوشخبری ملی ہے۔ انہوں نے اپنے جسم سے مَس کردہ قمیص اتار کر مجھے عنایت کی، میں اُن سے جواب لے کر مصر میں امام شافعی کے پاس حاضر ہوا تو آپ نے فرمایا : انہوں نے تمہیں کوئی چیز عطا کی ہے؟ میں نے کہا : اپنی قمیص، امام شافعی نے فرمایا : ہم تمہیں اس کے بارے زیادہ تکلیف میں مبتلا نہیں کرتے، مگر اتنا کردو کہ اسے گیلا کرکے ہمارے حوالے کرو تاکہ ہم اس سے برکت حاصل کریں۔‘‘
تاج الدين سبکي، طبقات الشافعية الکبري، 2 : 36
یہ تو جھوٹا واقعہ ہے۔ اس کی سند میں
(1) "محمد بن الحسین ابو عبد الرحمن السلمی راوی "متہم بالکذب" ھے۔
(2) گمراہ صوفی "ابوبکر محمد بن عبد الله بن عبد العزیزی بن شاذان رازی بھی "متہم" ہے۔
(3) علی بن عبد العزیز الطلحی کے حالات معلوم نہیں
الغرض یہ قصہ اپنی تمام تر سندوں سے جھوٹا ہی ہے۔
امام ذھبی ، ربیع بن سلیمان کے ترجمے میں لکھتے ہیں۔
ولم يكن صاحب رحله فاما ما يروي أن الشافعي بعثه إلى بغداد بكتابه إلى أحمد بن حنبل، فغير صحيح".
کہ ربیع بن سلیمان طلب علم کے لیئے زیادہ سفر کرنے والے نہیں تھے۔ لہذا یہ جوا واقعہ ذکر ہوا کہ امام شافعی نے اِن کو خط دے کر امام احمد بن حنبل کی طرف بغداد بھیجا۔ تو یہ صحیح نہیں"
[سير اعلام النبلاء: 587/12]
اس کی تائید اس بات سے بھی ہوتی ہے۔ کہ امام خطیب نے تاریخ بغداد میں ربیع بن سلیمان کا کوئی تذکرہ نہیں کیا۔ اگر وہ بغداد آتے تو تاریخ بغداد میں ضرور ان کا تذکرہ ہوتا۔ لہذا یہ واقعہ من گھڑت ہے
![محدث فورم [Mohaddis Forum]](/styles/default/xenforo/Forum.jpg)
