ان پوائنٹ میں اگر درج ذیل پوائنٹ پر بھی کچھ ارشاد فرمادیتے تو بات واضح ہوجاتی
فقال أبو بكر إن رسول الله صلى الله عليه وسلم قال " لا نورث، ما تركنا فهو صدقة، إنما يأكل آل محمد من هذا المال
ابوبکر نے کہا کہ رسول اللہ صلی اللہ علیہ وسلم خود فرماگئے ہیں کہ ہماری میراث نہیں ہوتی۔ ہم (انبیاء ) جو کچھ چھوڑ جاتے ہیں وہ صدقہ ہوتا ہے
اور یہ کہ آل محمد کو ایسی صدقہ کے مال سے کھلایا جائے گا ۔
مکمل حدیث پڑھیں تو یہ نکتہ بھی سمجھ آجائے گا :
عن عائشه۔ أن فاطمة والعباس علیهما السلام أتیا أبابکر یلتمسان میراثھا من رسول اللہ صلی اللہ علیه وآله وسلم وھما یطلبان أرضیھما من فدک و سھمھما من خیبر فقال لھما ابوبکر سمعت رسو لاللہ صلی اللہ علیه وسلم یقول لا نورث ماترکنا صدقة انما یأکل آل محمد من ھذا المال قال ابوبکر واللہ لا أدع أمرا رأیت رسول اللہ صلی اللہ علیه وسلم يصنعه فیه إلا صنعته» (صحیح بخاری کتاب الفرائض بابقول النبی لا نورث ماترکنا صدقه)
''اُم المؤمنین عائشہ صدیقہؓ فرماتی ہیں کہ حضرت فاطمہؓ اور حضرت عباسؓ دونوں ( رسول اللہﷺ کی وفات کے بعد) ابوبکر صدیقؓ کے پاس آئے آپؐ کا ترکہ مانگتے تھے یعنی جو زمین آپؐ کی فدک میں تھی او رجوحصہ خیبر کی اراضی میں تھا طلب کررہے تھے۔ حضرت ابوبکرؓ نے جواب دیا کہ میں نے رسول اللہ ﷺ سے سنا ہے آپؐ نے فرمایا ہم (انبیاء) جو کچھ چھوڑ جائیں وہ صدقہ ہے البتہ بات یہ ہے کہ محمد کی آل اس میں سے کھاتی پیتی رہے گی۔ ابوبکرؓ نے یہ فرمایاکہ اللہ کی قسم جس نے رسول اللہ ﷺ کوجو کام کرتے دیکھا میں اسے ضرور کروں گا اسے کبھی چھوڑنے کا نہیں۔''
مزید تفصیل کے لیے یہاں دیکھ لیں :
http://www.urdufatwa.com/index.php?/Knowledgebase/Article/View/1108/227/
درست ترجمہ کیا ہوگا یہ بھی بیان فرمادیتے تو مجھ ناقص علم کے علم میں اضافہ ہوجاتا میں نے یہ ترجمہ المستدرک الحاکم کے اردو ترجمہ سے نقل کیا ہے کیونکہ اس حدیث کو امام حاکم نے بھی بیان کیا ہے
ویسے
سنن الترمذی کا جو اردو ترجمہ محدث فورم پر یونی کوڈ میں موجود ہے اس میں اس کا ترجمہ کچھ یوں کیا گیا ہے
میرے کنبہ میں سے اللہ کی محرمات کو حلال سمجھنے والا
اگر اس ترجمہ کی تھوڑی وضاحت فرمادیں تو نوازش ہوگی
یہ مترجم سنن ترمذی والا ترجمہ بھی ٹھیک ہے ۔ میرے نزدیک جو درست ترجمہ تھا کی طرف اشارہ نتائج کے اندر ہی موجود تھا میں نےلکھا تھا :
آپ کے اہل بیت کو تکلیف دینا یا ان کی شان میں گستاخی کرنا حرام ہے ۔
لیکن یہ بہر صورت ایک مفہوم تھا جو اپنے الفاظ میں بیان کیاگیا ۔ اگر ترجمہ مقصود ہو تو اوپر والا یہ جملہ :
میرے کنبہ میں سے اللہ کی محرمات کو حلال سمجھنے والا
بہترین ترجمہ ہے ۔
بہت معذرت کے شارحین حدیث کا موقف جانے کے لئے جب میں سنن الترمذی کا اردو ترجمہ تلاش کیا تو مجھ پر حیرت کے پہاڑ ٹوٹ پڑے کیونکہ محدث لائبریری میں دستیاب سنن الترمذی کا اردو ترجمہ جوکہ آپ کے یگانہ زمانہ علامہ دوراں بدیع الزمان صاحب نے کیا ہے اور ساتھ میں مختصر تشریح بھی پیش کی ہے اس میں سنن الترمذی کی مذکورہ با لا حدیث کو غائب کردیا ہے یعنی تحریف کی ایک بہت ہی بھونڈی مثال قائم کی ہے
ایک ہی فورم پر آپ نے ایک جگہ حدیث تلاش کی نہیں ملی دوسری جگہ مل گئی ۔ دریں صورت اتنا تکلف کرنے کی ضرورت نہیں تھی کہ کسی جگہ تحریف ہوئی ہے کہ نہیں ؟
نسخ میں اختلاف ہونا کوئی اچھنبے کی بات نہیں ۔ ہاں البتہ ایسی جگہوں پر جہالت کا علاج ( سوال ) کرنےکی بجائے تحریف کا حکم لگادینا یقینا ایک نیا حادثہ ہے ۔
المستدرک علی الصحیحین کا اردو ترجمہ جو کہ محدث لائبریری سے لیا گیا جس کے بارے محدث لائبریری کی انتظامیہ فرماتی ہے کہ اس لائبریری میں کتابوں کو مجلس التحقیق السلامی کے علماء کی باقاعدہ تصدیق وہ اجازت سے اپ لوڈ کیا جاتا ہے
اگر یہ ترجمہ صحیح نہیں تو اس کی ذمہ داری مجلس التحقیق السلامی کے علماء پر عائد ہوتی ہے
ًمذکورہ حدیث کے ترجمہ کے صفحے کا عکس
جو بھی ہےمجھے تو یہ ترجمہ درست محسوس نہیں ہوتا ۔
اتنے وسیع پیمانے پر کام ہو تو یہ چھوٹی موٹی خامیاں تو نظر انداز ہوہی جاتی ہیں یا کرنا پڑتی ہیں ۔
یہ بھی عین ممکن ہے کہ ان کے نزدیک یہ ترجمہ ہی درست ہو ۔
![محدث فورم [Mohaddis Forum]](/styles/default/xenforo/Forum.jpg)
