اقوال سلف

[عمر السلفی۔]

"اِدھر کی باتیں اُدھر لگانے والے، محبت کرنے والوں میں جدائی ڈالنے والے اور نیک لوگوں کے عیوب پر گھات لگا کر بیٹھ جانے والے اللہ کے غصے کے سب سے زیادہ مستحق، اور نبیﷺ سے سب سے زیادہ دوری اختیار کرنے والے ہیں۔"
(الكافي في فقه أهل المدينة لابن عبد البر : 1144/2)

 

[عمر السلفی۔]

امام ابن قیم رحمہ اللہ فرماتے ہیں:
" گناہ سرزد ہوتے ہی توبہ کی طرف جلدی کرنا فرض ہے، اور اس میں تاخیر جائز نہیں، پس جب گناہ گار توبہ میں تاخیر کرے گا تو اُسے تاخیر کا بھی گناہ ملے گا۔"
|[ مدارج السالکین : ١/ ٢٠٥ ]

 

[عمر السلفی۔]

امام ابن تیمیہ رحمہ اللہ فرماتے ہیں:
جب بندہ یہ دیکھے کہ اس سے رشتہ داروں ، بیویوں ، اولاد ہمسائے اور بھائیوں کے حقوق ادا کرنے میں کمی ہو گئی ہے تو اسے چاہیے کہ ان کے لیے دعا اور استغفار کرے ۔
(الفتاوى #٦٩٧/١١)

 

[عمر السلفی۔]

سیدنا ابو بکر صدیق رضى الله عنه فرماتے ہیں :
"اور جب کسی قوم میں بدکاری عام ہو جائے تو اللہ پوری قوم کو مصیبت میں مبتلا کر دیتا ہے۔"
(الزهد لأبي داود : 41 ، إسناده صحيح)

 

[عمر السلفی۔]

شیخ الاسلام امام ابن تیمیہ رحمه اللہ فرماتے ہیں :
اہل سنت کا اس بات پر ایمان ہے کہ رسول اللہﷺ کے بعد آپ ﷺ کے خلیفہ ابوبکر ہیں۔ پھر عمر ہیں۔ پھر عثمان۔ پھر علی رضی اللہ عنہم ہیں۔
جو شخص ان چاروں خلفائے راشدین میں سے کسی کی خلافت میں بھی طعن و تشنیع کرے وہ اپنے گھریلو گدھے سے بھی زیادہ گمراہ ہے۔

شرح عقیدہ واسطیه /268۔ مع حاشئہ فضیلة الشیخ عبدالعزیز بن باز رحمه اللہ
دو سرانسخہ شرح فضیلة الشیخ العثیمین رحمه اللہ /493۔
یہی بات شیخ الاسلام امام ابن تیمیہ رحمہ اللہ نے منھاج السنة میں بیان فرمائی ہے ۔

 

[عمر السلفی۔]

امام بشر بن الحارث الحافی رحمہ اللہ فرماتے ہیں :
’’ میرے نزدیک میرا سب سے پختہ عمل محمدﷺ کے صحابہ کرام رضی اللہ عنہم سے محبت ہے ۔“
(الحلیۃ: 388/8)

 

[عمر السلفی۔]

امام ابن شوذب رحمہ اللہ فرماتے ہیں :
کچھ لوگ اکٹھے ہو کر آپس میں تذکرہ کررہے تھے کہ سب سے افضل نعمت کون سی ہے؟ایک آدمی کہنے لگا اللہ تعالی نے همارے عیوب پہ ایک دوسرے سے جو پردہ پوشی کی ہے یہ سب سے بڑی نعمت ہے۔
[ حلية الأولياء ۱٣۱/٦ ]

 

[عمر السلفی۔]

فقیہِ زمانہ شیخ ابن عثیمین رحمہ اللہ اپنے تمام سفروں کے دوران زمین پر سویا کرتے تھے۔ کسی گدے اور بستر کا تکلف نہیں کرتے تھے!
(رحلتي إلى النور : 122)

 

[عمر السلفی۔]

امام سفیان ثوری سے پوچھا گیا: نیکی کیا ہے؟
فرمایا: جس عمل پر تم کسی سے اپنی تعریف کے خواہش مند نہ ہو۔‏
ابهجة المجالس (3/344)

 

[عمر السلفی۔]

جاہل کی طرف سے تکلیف اور اذیت کا پہنچنا ایک لازمی امر ہے، اس لیے اللہ تعالیٰ نے حکم دیا کہ جاہل سے اعراض اور درگزر سےکام لیا جائے اور اس کی جہالت کا مقابلہ نہ کیا جائے۔ پس جو کوئی آپ کو اپنے قول و فعل سے اذیت دیتا ہے آپ اس کو اذیت نہ دیں۔
(تفسیر السعدی - الأعراف ١٩٩)