![محدث فورم [Mohaddis Forum]](/styles/default/xenforo/Forum.jpg)
- شمولیت
- اپریل 14، 2011
- پیغامات
- 8,771
- ری ایکشن اسکور
- 8,497
- پوائنٹ
- 964
جناب جب آپ لوگوں کے بارے میں بتایا جاتا ہے کہ آپ وحدۃ الوجود ، تصور شیخ ۔۔۔۔ جیسے گمراہ کن عقائد کے حامل ہیں تو آپ کہتے ہیں کہ جناب ہماری طرف غلط بات منسوب کی گئی ہے اور یہ اہل حدیث ہمارے بارے میں غلط فہمیاں پھیلاتے ہیں لہذا سعودیہ والوں کے سامنے کشف حقیقت ہونا چاہیے ۔
اب المہند تو چونکہ آپ کے اپنوں کی لکھی ہوئی ہے آپ کو مشورہ دیا گیا کہ خود اسی کتاب کو پیش کردیں تاکہ آپ کے بارے میں حقیقت حال معلوم ہو جائے ۔ اس میں غلط بات کیا ہے ؟
رہی یہ بات کہ اہل حدیث کے اکابرین کے بارے میں آپ کو دریافت کرنے کے لیے اس وجہ سے کہا تھا چونکہ آپ کا دعوی تھا کہ ہم کچھ چیزیں چھپا لیتے ہیں ۔۔۔۔۔ ہم نے گزارش کی کہ آپ کے مطابق جو کچھ ہم چھپاتے ہیں آپ اس کو طشت از بام کر لیں ۔ کیا بات ہے غلط اس میں ؟
الطیور تقع علی أشکالہا کے مصداق اب آپ کو دوسرے بے اصول نظر آنا شروع ہوگئے ہیں ۔
میں نے لکھا تھا کہ ظاہریہ و اہل الرائے دونوں جادہ سے ہٹے ہوئے ہیں البتہ مؤخر الذکر گروہ پہلے سے زیادہ نقصان دہ ہے ۔۔۔۔۔۔۔۔۔۔۔۔ آپ نے مجھے لا علمی کا طعنہ دیا اور کہا کہ اعداد و شمار کے ذریعے ثابت کریں ۔
میں نے اپنی لا علمی کا اعتراف کرتے ہوئے آپ سے گزارش کی تھی کہ آپ اپنے علمی سمندر میں غوطہ زن ہو کر کچھ ارشاد فرما دیں تاکہ اس کو بھی دیکھا جاسکے کہ آپ کتنے پانی میں ہیں ؟
بہر صورت میں اب بھی یہ سمجھتا ہوں کہ ایک شخص ظاہر نصوص کو مضبوطی سے تھام لیتا اس کے برعکس دوسرا نصوص کا طرح طرح کے بہانوں سے رد کرتا ہے تو مؤخر الذکر ہی زیادہ نقصان دہ ہے ۔ ایک آدمی کا منہج ہے نص پرستی جبکہ دوسرے کا منہج ہے نص سے جان چھڑانا ۔۔۔۔۔۔۔۔ کسی سے پوچھ لیں کہ دونوں کے درمیان کیافرق ہے ؟
منہج صحیح کیا قرآن وسنت کے مطابق عمل کرنا ۔
جو شخص اس منہج کو صحیح سمجھتا ہے وہ اس منہج پر چلنے والوں سے بھی محبت رکھے گا
جو اس منہج کو درست نہیں سمجھتا وہ اس منہج پر چلنے والون سے بغض رکھے گا ۔
اب یہ باتیں علماء کے پیش نظر تھیں اور اپنے تجربات کی بنیاد پر انہوں نے یہ باتیں کہی ہیں اور اہل سنت اور اہل بدعت کی نشانیاں بتادی ہیں جس سے اہل بدعت کا پول کھلتا ہے تو وہ چیختے ہیں ۔
اس میں قرآن وسنت سے یا قول صحابہ سے دلیل مانگنے کا کیا تک بنتا ہے ؟ البتہ آپ جیسے کہنہ مشق مقلدین جن کے اجتہادات پر خود امام صاحب بھی زندہ ہوں تو سر پیٹ کر رہ جائیں ان سے کوئی بعید نہیں کہ وہ امام ابو حنیفہ کے فضائل اور احناف کے فضائل قرآن وسنت سے نکال لیں ۔
اہل حدیث جب چاہتے ہیں عمرو بن شعیب کو حجت سمجھتے ہیں جب چاہتے اس کو رد کردیتے ہیں ۔۔۔۔ یہ بات کچھ گہری ہے اس کو فن حدیث سے تعلق رکھنے والے اہل حدیث ہی جان سکتے ہیں مقلدین جن کو حدیث سے خدا واسطے کا بیر ہے وہ قواعد مصطلح کی باریکیوں تک پہنچنا نہیں چاہتے ۔۔۔۔ اس کو سمجھنے کے لیے ایک اور قاعدہ ذہن میں رکھیں صحیحین میں مدلسین کی معنعن روایات مقبول ہیں جبکہ غیر صحیحین میں مقبول نہیں ہیں ۔
عام مثال ہے کہ سونار جس سونے کو چاہے رکھ لیتا ہے جس کو چاہے رد کردیتا ہے اب آپ اس سے قبول و رد کی دلیلیں پوچھیں گے تو جواب وہاں سے ملے گا وہی جواب یہاں سمجھیں ۔
بہر صورت کچھ قواعد و ضوابط اور قرائن ہوتے ہیں جن کو مد نظر رکھتے ہوئے محدثین ایسے فیصلے کرتے ہیں اگر آپ اس حوالے سے تسلی کرنا چاہتے ہیں تو الگ دھاگہ شروع کرلیں تاکہ آپ کی تشفی کا سامان مہیا کیا جاسکے ۔
آپ نے جو قول پیش کیا ہے اس میں ’’ اہل حدیث ‘‘ کا لفظ استعمال ہوا ہے اور یہ قول امام احمد بن حنبل کا ہے لہذا اس سے مراد اس زمانے کے اہل حدیث ہیں آپ مجھے یہ بتائیں اگر اس زمانے کے اہل حدیث آپ کے نزدیک من مانیاں کرنے کی وجہ سے ناقابل حجت ہیں تو آپ جن احادیث سے امام صاحب کے مذہب کو تقویت دینے کے لیے استدلال کرتے ہیں وہ کن کی روایات ہیں ؟ امام احمد بن حنبل نے جن لوگوں کو اہل حدیث کہا ہے ان کو ایک طرف کرکے آپ ذرا ایک حدیث بھی ثابت کرکے دکھائیں ؟
محدثین سے برہمی اپنی جگہ پر لیکن جناب اپنے پاؤں پر کلہاڑی نہ ماریں ۔
حضور کے معجزات اور پشین گوئیاں یہ حضور صلی اللہ علیہ وسلم کا خاصا تھا حضور کے پاس وحی بھی آتی تھی ان کے پاس جتنی بصیرت تھی وہ تو کسی مجتہد کے پاس نہیں ہوسکتی چہ جائیکہ مقلد اس بات کا دعوی شروع کردے ۔
حضور کے متعلق اللہ نے فرمایا و ما ینطق عن الھوی إن ھو إلا وحی یوحی
اور آپ اپنے متعلق کیا عقیدہ رکھتے ہیں جناب ؟ ہندوستان میں کوئی نیا فتنہ پھر اٹھنے والا تو نہیں ؟
کیا پدی اور کیا پدی کا شوربہ
بہر صورت ہم کسی صاحب بصیرت شخص کی پیشین گوئی کا انکار نہیں کرتے لیکن ہر ایک کی بات آنکھیں بند کرکے مانتے بھی نہیں ۔
جس طرح سعودیہ سے پہلے علم کے یہ دریا رواں دوراں تھے اس کے بعد بھی یونہی ٹھاٹھیں مارتے رہیں گے ۔ ان شاء اللہ لاتزال طائفۃ من أمتی ظاہر ین علی الحق ۔۔۔۔۔۔۔ علی رغم أنوف المبتدعۃ
سبحان اللہ ۔ اسی بحر میں اگر ہم کہیں کہ وہی لوگ جن پر کفر کے فتوی لگتے تھے آج ان کو منصف مان کر ان کے پاس عرضیاں تیار کرکے کیوں بھیجی جارہی ہیں ۔ مہند میں اسی طرح انور شاہ کشمیری رحمہ اللہ وغیرہ نے محمد بن عبد الوہاب پر طعن و تشنیع کے پل باندھے اور ان کو گمراہ قرار دیا ہے لیکن آج کے دیوبندی ان کو منصف مانے بیٹھے ہیں ۔ کیوں ؟
اور ایک گروہ ہمیشہ سے اس حسرت میں رہا ہے کہ کاش ہمیں بھی کوئی کھینچے ۔۔۔۔۔۔۔۔۔۔۔ تاحال کوششیں جاری ہیں اور اب تو مزید یہ فیصلہ کیا گیا ہے کہ شاید ہندوستان میں یہ کشش کام نہیں کرتی سعودیہ جا کر قسمت آزما کر دیکھتے ہیں ۔
زیر بحث دو باتیں تھیں :
ان میں سےایک کہ اہل حدیث کا آپس میں اختلاف اور مقلدین کا آپس میں اختلاف پہلا جائز اور دوسرا قابل مذمت کیوں ہے ؟
اس پر تو آپ کی تسلی ہوگئی ہوگی شاید ۔
دوسری بات تھی : پٹرول پر کون مرتا ہے ؟ اس پر بھی کافی حد تک بات قارئین کے لیے تو واضح ہوگئی ہوگی البتہ آپ ابھی تک بات کو دھکا لگانے کی کوشش کرر ہے ہیں ۔۔۔۔ ہم بھی ان شاء اللہ مستعد ہیں ۔
موضوع سے ہٹنے کا نہ کوئی ارادہ تھا اور نہ ہی ہے ۔
ضمنی باتیں نکل آتی ہیں اصل موضوع کے ساتھ ساتھ اگر ان پر بات کر لی جائے تو اس کا مطلب یہ نہیں کہ موضوع سے ہٹنے کی کوشش کی جارہی ہے ۔
پہلی بات تو یہ ہے اگر ان بزرگوں نے فقہ حنفی سے اختلاف کیا ہے تو اس میں فقہ حنفی کا کیا کمال ہے بلکہ یہ تو اللہ کا ان پر احسان ہے کہ اللہ نے ان کو حق بات کی طرف رجوع کرنے کی توفیق عطا فرمائی ۔۔ ورنہ اگر وہ فقہ حنفی کے اصول و ضوابط پر پابند رہتے تو یقینا اس سعادت سے محروم رہتے ۔
چونکہ اس طرح کی جرأت فقہ حنفی میں جسارت سمجھی جاتی ہے اس لیے یہ بزرگ حنفیوں کے زیر عتاب رہے ہیں علامہ عبد الحیی لکھنوی کےبارے مین حنفیوں کی کیا رائے ہے؟ آپ سے مخفی نہیں ہوگی ۔
ظاہر ہے ہر مسئلہ میں مختلف اقوال میں سے کسی ایک کی بات راحج ہو سکتی ہے ۔ لیکن خرابی یہ ہے مقلد ’’ کسی بھی ایک سلف ‘‘ کی رائے کو اختیار نہیں کرتا کہ یہ تو تحقیق ہے بلکہ ہر دفعہ ’’ ایک ہی سلف ‘‘ کی رائے کو ترجیح دے کر اپنے مقلد جامد ہونے کی لاج رکھتا ہے ۔
کاش کہ مقلدین اس حقیقت کوسمجھ کر اس پر علم پیرا ہو جائیں ۔
تحقیق کا ضابطہ و اصول اتباع قرآن وسنت ہے ۔ اس کے علاوہ سب کچھ بے اصولیاں اور بے ضابطگیاں ہی ہیں ۔ چاہے کوئی مانے یا نہ مانے ۔
