ایک بہت بڑا شبہہ ہے تصویر کے حوالے سے اسکا حل بھی سمجھ لیں. شیخ محترم رفیق طاہر صاحب

[ابو حمزہ]

یہ ساری باتیں پڑہ کر مجھے جو بات سمجھ آئی وہ یہ ہے کہ تصویر بنانا بذات خود ممنوع ہے جہاں اس کے بہت سے فوائد ہیں وہاں اس سے زیادہ اس کے نقصانات ہیں ہیں خاص طور پر پیروں وغیرہ کی تصاویر تو بتوں کا متبادل بن جاتیں ہیں اس لئے ان کو سختی سے منع کیا گیا ہے البتہ آج کل کے علماء بہت بڑی تعداد تصویر و وڈیو کی ضرورت کے مطابق جائز قرار دیتی ہے لیکن بطور شوقیہ تصویر یا وڈیو بنانے کی وہ بھی انکار ہی کرتے ہیں جس سے شیخ طاہر رفیق کا موقف اور مضبوط ہوتاہے ۔
ہمارے ہاں مولانا عبدالکریم قریشی بیر والے بڑے عالم گزرے ہیں انہوں نے قرآن کریم کا ترجمہ اور بہت سی کتب لکھی ہیں وہ بھی تصویر اور وڈیو کا حرام سجھتے تھے اس کے علاوہ وہ کسی کو اپنا خؤن دینے کو بھی ناجائز کہتے تھے حالانکہ وہ حنفی تھے اور احناف کے بڑے مفتیان تصویر کے جواز کے قائل تھے۔

 

[ابن حسیم]

اللہ شیخ محترم رفیق طاہر صاحب کے علم میں اضافہ فرمائے اور انہیں دین حینف پر مزید استقامت عطا فرمائے اور ہمیں ان کے علم و عمل سے سیکھنے کی توفیق عطا فرمائے۔
میری اشکال تصویر کی مطلقا حرمت یا مخصوص اباحت پر نہیں بلکہ ڈیجیٹل تصویر کو عکس کہنے پر ہیں،
شیخ محترم کے مدلل فتوی میں ایک صورت اسے عکس کہنے کی ہے۔ اور اسی بنا پر دلائیل ہیں۔
ڈیجیٹل فارمیٹ میں تصویر صرف ایک آن آف کی صورت میں ہوتی ہے، اردو میں شائید میں اس طریقہ کار کو نہ لکھ پاؤں مگر انگلش میں اسے بٹس کے نام سے جانا جاتا ہے، جب ہم میموری میں ڈیٹا (تصویر وغیرہ) محفوظ کرتے ہیں تو وہ کسی عکس شبیہ کو صورت نہیں ہوتا، بلکہ اس ڈیٹا کو میموری کے مختلف جگہوں سے اکٹھا کے ایک شبیہ دی جاتی ہے جو انسان کو ایک سکرین پر نظر آتی ہے اور یہ عکس بنا نے کا کام اس وقت تک ہوتا رہتا ہے جب تک اسے وولٹیج یعنی کرنٹ ملتا رہتا ہے،
انسان ہی کمپیوٹر کو ہدایات دیتا ہے کہ ان بٹس کو اکٹھا کر کے انسان کو سمجھ آنے والی شبیہ کیسے دینی ہے ان پروگرامز (کمپیوٹر کو دی جانے ہدایات) کو لکھنے والے کا مقصود تصویر یا کوئ خاص قسم کا ڈیٹا نہیں ہوتا بلکہ ہر قسم کا ڈیٹا ہوتا ہے جو ان الیکٹرانز کو اکٹھا کر کے گرافکس کی صورت میں انسان کو سمجھ آنے والی صورت میں اکٹھا کرنا ہوتا ہے۔
یہی بات میں نے اپنے کمپیوٹر سائینس کو پڑھانے والے مختلف دوستوں سے کی تو انہوں نے بھی میموری میں موجود ڈیٹا کو شبیہ کہنے سے انکار کیا، کیونکہ شبیہ ایک خاص شکل و صورت میں ہوتی ہے اور اسکے لیے ان تمام نقاط کا اکٹھا ہونا ضروری ہوتا ہے۔ جیسا کہ اگر ایک لائین کے مختلف نقاط کو الگ الگ کر دیا جائے تو وہ لائین نہیں کہلاتی۔
شیخ محترم آپ ان اشکال پر کچھ راہنمائ فرمادیں؟ جزاکم اللہ خیرا

 

[رفیق طاھر]

محترم ابن حسیم صاحب! علمک اللہ
یہ بٹس والی بات میں نے اس لیے نہیں چھیڑی کہ اکثر لوگ اس سے نہ آشنا ہیں.
مجھے خوشی ہوئی کہ آپ اس قضیہ کو سمجھتے ہیں.
اور امید ہے کہ آپکو یہ بات بآسانی سمجھ آجائے گی کہ

" ان جدید تصاویر کو اپنے سسٹم یا موبائل پر جب بھی کوئی دیکھنے کے لیے سکرین پر لاتا ہے، وہ اسوقت مصور ہی ہوتا ہے. خواہ یہ تصاویر اس نے کھینچی یا کسی اور نے"

اس موضوع پر میری آڈیوز تو موجود ہیں. ان شاء اللہ وقت نکال کر تحریر میں بھی اس قضیہ کی وضاحت کروں گا.

 

[کنعان]

السلام علیکم

معذرت کے ساتھ اسے "مصور" نہیں کہتے "فوٹو گرافر" کہتے ہیں اور فوٹو گرافر کا مطلب ھے "عکسی تصویر اتارنے والا"

فوٹو (Photo): عکسی تصور، روشنی کے متعلق، روشنی کے معنوں میں استعمال ہوتا ھے۔

فوٹو گرافر (Photographer): عکاسی، عکسی تصویر اتارنے والا ،عکسی تصوری اتارنے کا ماہر، عکسی تصوری کشی کرنے والا

آرٹسٹ (Artist) : فنون لطیفہ/ مُصَوَر/ مجسمہ سازی/ کند کاری، یہ لفظ زیادہ تر مُصَوَر کے لئے استعمال ہوتا ھے۔

ڈیزائنر (Designer): نمونہ ساز، وہ شخص جو جو فنکارانہ نقش احتراع کرتا ہو

پینٹر (Painter): مصور، نقاش، رنگ ساز، رنگ آمیز، تصور کشی کرنے والا


والسلام

 

[کنعان]

عیسائی اور یہودی عبادت گاہوں کے اندرونی مناظر
مصوری، کندکاری، مجسمہ سازی،

اسپائلر: عیسائی اور یہودی عبادت گاہوں کے اندرونی مناظر

وقت ملنے پر عکسی تصویر پر بھی تھوڑی رائے پیش کروں گا، ایک بات کا خیال رکھا جائے کہ میں کسی کا رد نہیں کر رہا بلکہ جو میں جانتا ہوں اس پر اپنی رائے پیش کر رہا ہوں۔

والسلام

 

[کنعان]

عکاسی

اسپائلر: عکاسی

​

 

[ابن حسیم]

" ان جدید تصاویر کو اپنے سسٹم یا موبائل پر جب بھی کوئی دیکھنے کے لیے سکرین پر لاتا ہے، وہ اسوقت مصور ہی ہوتا ہے. خواہ یہ تصاویر اس نے کھینچی یا کسی اور نے"

اس موضوع پر میری آڈیوز تو موجود ہیں. ان شاء اللہ وقت نکال کر تحریر میں بھی اس قضیہ کی وضاحت کروں گا.

بارک اللہ فیکم، اگر ہو سکے تو وہ آڈیوز یہاں شئیر کر دیں۔۔

اگر آئینہ یا کسی چمکدار چیز میں اپنی تصویر دیکھنے والا مصور نہیں تو سکرین پر تصویر دیکھنے والا مصور کیوں
جبکہ دونوں میں نظر آنے والی تصویر وقتی ہوتی ہے۔

 

[محمد فیض الابرار]

شیخ محترم مجھے آپ کی اس جواب پر شیخ محترم عبداللہ ناصر رحمانی حفظہ اللہ یاد آ گئے کیونکہ ان کا بھی موقف تصویر اور ویڈیو کے بارے میں بالکل آپ کی طرح ہے -

شاید ایسا نہیں ہے؟

 

[محمد عامر یونس]

شاید ایسا نہیں ہے؟

بھائی میں نے انکی ایک آڈیو سنی تھی اس موضوع پر بہت پہلے کیا آپ شیخ کا اب اس بارے میں کیا موقف ہے بتا سکتے ہے -

 

[محمد فیض الابرار]

مجھے ان کا موقف کا علم تو نہیں ہے لیکن ان کے لیکچرز اور دروس کی ویڈیوز تو اس میں یہ ظاہر کر رہی ہے کہ ان کا موقف شیخ رفیق طاہر سے الگ ہے کیونکہ جتنا میں نے اس تحریر سے سمجھا ہے اس کے مطابق شیخ رفیق طاہر تصویر یا ویڈیوز کے حق میں نہیں ہیں اور بہتر ہے کہ دروس بھی آڈیو کی صورت میں مرتب کیے جائیں جبکہ شیخ عبداللہ ناصر رحمانی کی ویڈیوز تو اس سے ہٹ کر موقف بتا رہی ہیں کہ شیخ تبلیغ و دعوت دین میں اس کے قائل ہیں
اور معذرت کے ساتھ شیخ کا تبحر علمی اور منزلت و مقام کے باوجود ذاتی طور پر شیخ رفیق طاہر حفظہ اللہ کے موقف پر دل زیادہ مائل ہو رہا ہے اللہ انہیں جزائے خیر دے (آمین) اور اس جملے سے یہ قطعی نہیں سمجھا جائے کہ میں شیخ عبداللہ ناصر کی توہین کر رہا ہوں