باب توبہ و نصیحت

[محمد عامر یونس]

رحمت عظیم

ابو ہریرہ‌رضی اللہ عنہ سے مرفوعا مروی ہے كہ اگر تم خطائیں كرتے رہو حتی كہ تمہاری خطائیں آسمان تك پہنچ جائیں پھر تم توبہ كرو تو اللہ تعالیٰ تمہاری توبہ قبول فرمائے گا۔

سلسلہ صحیحہ رقم 1370
باب توبہ و نصیحت

 

[محمد عامر یونس]

عیادت

ابو امامہ بن سہل بن حنیف اپنے والد سے مرفوعا بیان كرتے ہیں كہ آپ ‌صلی اللہ علیہ وسلم ‌كمزور مسلمانوں كے پاس آتے ،انہیں دیكھتے، ان كے مریضوں كی عیادت كرتے اور ان كے جنازوں میں شریك ہوتے۔

سلسلہ صحیحہ رقم 1365
باب توبہ و نصیحت

 

[محمد عامر یونس]

مال

*عبداللہ بن مسعود رضی اللہ عنہ كہتے ہیں كہ رسول اللہ ‌صلی اللہ علیہ وسلم* ‌نے فرمایا: تم میں سے کون ہے جو اپنے مال سے زیادہ اپنے وارث کا مال پسند كرتا ہے؟ لوگوں نے كہا: اے اللہ كے رسول ہم میں سے كوئی بھی اپنے مال سے زیادہ اپنے وارث كا مال پسند نہیں كرتا۔ آپ نے فرمایا: جان لو كہ تم میں سے كوئی بھی شخص ایسا نہیں جسے اپنے مال سے اپنے وارث کا مال زیادہ پسند نہ ہو۔ تمہارا مال وہ ہے جو تم نے آگے بھیج دیا، اور تمہارے وارث كا مال وہ ہے جوتم نے تركہ چھوڑا ۔

سلسلہ صحیحہ رقم 1354
باب توبہ و نصیحت

 

[محمد عامر یونس]

تین عادتیں

*آپ ‌صلی اللہ علیہ وسلم* ‌نے فرمایا: تین عادتیں ہلاك كرنے والی ہیں اور تین عادتیں نجات دلانے والی ہیں!
انتہائی بخل،
خواہش پرستی،
اور
خود پسندی
تین عادتیں ہلاک کرنے والی یہ ہیں۔
اور تین عادتین نجات دلانے والی یہ ہیں: ظاہر اور پوشیدہ میں اللہ كی
خشیت، محتاجی
اور غنی میں میانہ روی،
غصے اور خوشی میں انصاف کرنا۔

سلسلہ صحیحہ رقم 1355
باب توبہ و نصیحت

 

[محمد عامر یونس]

مدد

ثوبان‌رضی اللہ عنہ سے مرفوعا مروی ہے كہ: تم میں سے كوئی بھی شخص شكر گزار دل، ذكر كرنے والی زبان اور نیك بیوی جو آخرت كے معاملے میں اس كی مدد كرے، پسند كرے۔

سلسلہ صحیحہ رقم 1383
باب توبہ و نصیحت

 

[محمد عامر یونس]

روشنی

علی بن ابی طالب‌رضی اللہ عنہ سے مرفوعا مروی ہے كہ: ہر دل كے لئےچاندكے بادل كی طرح (گناہ کا) ایك بادل ہوتا ہے۔ چاند روشن ہوتا ہے كہ اچانك وہ بادل اسے ڈھانپ لیتا ہے اور اندھیرا ہو جاتا ہے۔ جب وہ بادل اس سے ہٹ جاتا ہے تو روشنی ہو جاتی ہے۔

سلسلہ صحیحہ رقم 1391
باب توبہ و نصیحت

 

[محمد عامر یونس]

آزمائش

عبداللہ بن عباس رضی اللہ عنہما سے مرفوعا مروی ہے : ہر مومن آدمی (بھی) کسی گناہ کا وقتا فوقتا ارتكاب كرتا رہتا ہے۔ یاایسا گناہ ہوتا ہے جس پر وہ دوام ركھتا ہے جب تك فوت نہ ہو جائے وہ گناہ نہیں چھوڑ تا ۔ مومن كو آزمائش میں مبتلا، توبہ كرنے والا، بھولنے والا،پیدا كیا گیا ہے۔ جب اسے یاد دہانی كرائی جائے تو نصیحت حاصل كرتا ہے۔

سلسلہ صحیحہ رقم 1390
باب توبہ و نصیحت

 

[محمد عامر یونس]

شہرت

ابو ہریرہ‌رضی اللہ عنہ سے مرفوعا مروی ہے كہ: ہر بندے كے لئے آسمان میں ایك شہرت ہے۔ جب آسمان میں شہرت اچھی ہو تو زمین میں بھی اچھی شہرت ہوتی ہےاور جب آسمان میں شہرت بری ہو تو زمین میں بھی بری ہو تی ہے۔

سلسلہ صحیحہ رقم 1389
باب توبہ و نصیحت

 

[محمد عامر یونس]

كفایت

انس‌رضی اللہ عنہ سے مرفوعا مروی ہے كہ: جو كم ہو اور كفایت كر جائے وہ بہتر ہے اس سے جو زیادہ تو ہو لیكن غفلت میں ڈال دے۔

سلسلہ صحیحہ رقم 1386
باب توبہ و نصیحت