دونوں اقتباسات میں ہائی لائٹ کردہ جملوں پر غور کریں
صحیح بخاری کی حدیث کے مطابق جب اس سائل سے رسول اللہ صلی اللہ علیہ وآلہ وسلم نے پوچھا کہ "تم نے قیامت کے لیے تیاری کیا کی ہے" تو اس سائل نے جواب دیا کہ " کچھ بھی نہیں، سوا اس کے کہ میں اللہ اور اس کے رسول سے محبت رکھتا ہوں "
اب اپنے اقتباس پر غور فرمائیں
اس حدیث میں اللہ اور اس کے رسول صلی اللہ علیہ وسلم سے محبت کی فضیلت بیان کی گئی ہے، لیکن اس کا مقصد یہ بالکل نہیں کہ دیگر احادیث اور قرآن کی صریح آیات کا انکار کر دیا جائے، تمام باتوں کو دیکھنا چاہئے ، یہی وجہ ہے کہ منکرین حدیث، ملحد اور بے دین لوگوں نے بھی قرآن کی آیت (
إِنَّ الَّذِينَ آمَنُوا وَالَّذِينَ هَادُوا وَالصَّابِئُونَ وَالنَّصَارَىٰ مَنْ آمَنَ بِاللَّـهِ وَالْيَوْمِ الْآخِرِ وَعَمِلَ صَالِحًا فَلَا خَوْفٌ عَلَيْهِمْ وَلَا هُمْ يَحْزَنُونَ ﴿٦٩﴾...سورة المائده) کو بنیاد بنا کر یہ شوشہ چھوڑا کہ بلا تفریق مذہب بس اللہ اور یوم آخرت پر ایمان والا نجات پائے گا، نعوذباللہ، یعنی اسلام کا انکار، رسالت کا انکار، ملائکہ و کتب آسمانی کا انکار،ذخیرہ احادیث کا انکار، لیکن اپنا من چاہا مفہوم صرف ایک آیت سے حاصل کرنے کی کوشش کی گئی۔ ایسے لوگ مسلمان نہیں ہو سکتے۔
بالکل اسی طرح آپ نے بھی دیگر قرآن اور احادیث مبارکہ سے قطع نظر ہو کر صرف ایک حدیث کو سامنے رکھا اور مفہوم بھی وہ نہیں ہے جو آپ لے رہے ہیں، یعنی صرف اللہ اور اس کے رسول صلی اللہ علیہ وسلم سے محبت کا نام نہاد دعویٰ کر کے پھر آزادی سے جو چاہیں کریں۔
ایک حدیث کا مفہوم ہے کہ ایک صحابی نے اللہ کے رسول صلی اللہ علیہ وسلم کے ساتھ جنت میں رفاقت کی خواہش ظاہر کی تو اللہ کے رسول صلی اللہ علیہ وسلم نے فرمایا: "کثرت سجود سے میری مدد کرو" (او کما قال النبی صلی اللہ علیہ وسلم) ، مطلب نوافل کا زیادہ سے زیادہ اہتمام کیا جائے، کیا جس صحابی نے اللہ کے رسول صلی اللہ علیہ وسلم کے ساتھ جنت میں رفاقت کی خواہش ظاہر کی تو ان کو نبی صلی اللہ علیہ وسلم سے محبت نہیں ہو گی؟ ضرور ہو گی بلکہ یہ محبت کا ہی تو تقاضا ہے، لیکن اس کے باوجود اللہ کے نبی صلی اللہ علیہ وسلم نے کیا فرمایا "کثرت سجود سے میری مدد کرو" یہ نہیں فرمایا کہ بس رفاقت ہو گئی بلکہ زیادہ سے زیادہ عبادت کرنے کی طرف توجہ دلائی تاکہ اللہ کو رضامند کرنے کی کوشش کو تیز کیا جا سکے، یہ ہے اہل ایمان کا طریقہ کار، قرآن و حدیث سے درست استدلال کرنے کے لئے۔
لیکن آپ کو شرک و بدعت کی وجہ سے شیطان نے دھوکے میں ڈال رکھا ہے کہ بس جھوٹی محبت کا دعویٰ کر لو، پھر چاہیں قبروں اور آستانوں پر ماتھے رگڑو، چاہو تو گھوڑے سے نیچے گزرنے کو سعادت سمجھو،چاہے تو غیراللہ کی نذرو نیاز یں دیتے رہو، چاہے تو متعہ کے نام پر لڑکیوں سے عیاشی کرتے رہو، نہیں نہیں، یہ سب شیطان کا دھوکہ ہے، مشرک کی سزا جہنم ہے، نا تو اس کو نبی صلی اللہ علیہ وسلم سے محبت کا دعویٰ کام آ سکتا ہے، نا ہی اس کے اعمال کسی کام کے ہو سکتے ہیں، لہذا اپنے عقیدے کی درستگی پر توجہ کریں، اللہ تعالیٰ آپ کو عقل سلیم عطا فرمائے آمین
![محدث فورم [Mohaddis Forum]](/styles/default/xenforo/Forum.jpg)
