لقد كنت قبل اليوم أنكر صاحبي اِذ لم يكن ديني الا دينه داني
لقد صار قلبي كل صورة فمرعى لغزلان و دير لرهبان
و بيت الأوثان و كعبة طائف وألواح توراة و مصحف قران
ادين بدين الحب اني توجهت وكائبة فالدين ديني و ايماني
(ذخائر الاخلاق شرح ترجمان الاشواق ص 39 مصنف ابن عربی)
ترجمہ
آج سے پہلے میں اپنے دین کا انکار کرتا تھا، جب میرا دین اس کے دین کے مطابق نہ تھا
اب میرا دل ہر تصویر کا آئینہ بن گیا ہے، وہ ہرنوں کی چراگاہ بھی ہے اور راہبوں کا دیر بھی
وہی کعبہ ہے اور صنم خانہ بھی، وہی تورات بھی ہے وہی قران بھی
میں محبت کے دین کا تابعدار ہوں، خواہ وہ کہیں بھی ملے،محبت ہی میرا دین ہے اور ایمان ہے
اس وحدت ادیان کے عقیدہ کو مزید وہ اسطرح بیان کرتا ہے۔
" اس سے بچو کہ تم ایک مخصوص دین پر ہی قائم ہو اس کے علاوہ دوسروں کی تکفیر کرتے پھرو" (فصوص الحکم شرح البالی ص 191)
محترم عقیل صاحب آپ تو ابن عربی کو بہت اچھی طرح سمجھتے ہوں گے۔ براۓ مہربانی ذرا اس کے مندرجہ بالا خیالات تبصرہ فرما دیجیۓ۔
میرے حساب سے تو نتیجہ یہ برآمد ہوتا ہے اپنی اپنی نظر ہے آپ کی نظر کہیں اور پہنچی میری اس طرح پہنچی ملاحظہ فرمائیں:
(۱)آج سے پہلے میں اپنے دین کا انکار کرتا تھا، جب میرا دین اس کے دین کے مطابق نہ تھا
یعنی
الیوم اکملت لکم دینکم یعنی آج میرا دین مکمل ہوا اس طرح پر کہ کل تک میں اللہ تعالیٰ پر محض خیالی ایمان رکھتا تھا آج میرے سامنے حقیقت واضح ہوگئی یعنی تکمیل ایمان حاصل ہوگیا آج میرے ایمان کو وہ پختگی حاصل ہے جو پہلے نہیں تھی۔
(۲)اب میرا دل ہر تصویر کا آئینہ بن گیا ہے، وہ ہرنوں کی چراگاہ بھی ہے اور راہبوں کا دیر بھی
یعنی اب میرا دل آئینہ کی طرح صاف ہے اس میں کوئی عیب نہیں ایک کھلی کتاب کی طرح ہے اب یہ دل عبادت کی چرا گا ہ (روحانی غذا) جس طرح چرا گاہ میں ہرن ہریالی دیکھ کر چوکڑیاں بھرتی ہے ایسے ہی میرا دل اللہ کی یاد میں مگن رہتا ہے اور کوشی میں چوکڑیاں بھرتا ہے اور راہبوں کا دیر اس طرح ہے راہب کہتے ہیں جو دنیا سے یکسو ہوکر عبادت کریں جس کا مطلب یہ بنتا ہے کہ اب اس دل میں خرافات نہیں آتے بلکہ پر سکون ہے کوئی ڈسٹرب کرنے والا نہیں ہے۔
(۳) وہی کعبہ ہے اور صنم خانہ بھی، وہی تورات بھی ہے وہی قران بھی
کعبہ سے مراد جس طرف کو رخ کرکے نماز پڑھی جاتی ہے اور صنم خانہ سے مراد ہے جس جگہ پوجا پٹ یعنی عبادت کی جاتی ہے اور توریت و قرآن سے مراد کلام الٰہی ہے۔ مطلب یہ ہے کہ اللہ تعالیٰ میرا کعبہ ہے اور دل پوجا پاٹ یا عبادت کرنے کی جگہ ہے اور اسی دل میں کلام الٰہی ہوتا ہے۔
(۴)میں محبت کے دین کا تابعدار ہوں، خواہ وہ کہیں بھی ملے،محبت ہی میرا دین ہے اور ایمان ہے
یعنی اللہ تعالیٰ سے محبت ہی دین ہے یعنی ہر وہ عمل جس اللہ راضی ہوجائے وہ دین ہے علم کی بات کہیں سے بھی ملے اسے حاصل کرلینا چاہئےیہی اسلام اور ہمارے دین کا تقاضا ہے اللہ تعالیٰ سے محبت کرنا ہی دین وایمان ہے۔
بھائی میری سمجھ میں تو یہ بات آئی باقی کوئی اور اس کا دوسرا مطلب نکالتے ہوں تو وہ جانیں
فقط واللہ اعلم بالصواب
![محدث فورم [Mohaddis Forum]](/styles/default/xenforo/Forum.jpg)
