تفسیر احسن البیان (تفسیر مکی)

[محمد نعیم یونس]

يَسْأَلُ أَيَّانَ يَوْمُ الْقِيَامَةِ ﴿٦﴾
پوچھتا ہے کہ قیامت کا دن کب آئے گا (١)
٦۔١ یہ سوال اس لئے نہیں کرتا کہ گناہوں سے تائب ہو جائے، بلکہ قیامت کو ناممکن الو قوع سمجھتے ہوئے پوچھتا ہے۔ اسی لیے فسق وفجور سے باز نہیں آتا۔ تاہم اگلی ٓآیت میں اللہ تعالٰی قیامت کے آنے کا وقت بیان فرما رہے ہیں۔

 

[محمد نعیم یونس]

فَإِذَا بَرِ‌قَ الْبَصَرُ‌ ﴿٧﴾
پس جس وقت کہ نگاہ پتھرا جائے گی (١)۔
٧۔١ دہشت اور حیرانی سے جیسے موت کے وقت عام طور پر ہوتا ہے۔

 

[محمد نعیم یونس]

وَخَسَفَ الْقَمَرُ‌ ﴿٨﴾
اور چاند بےنور ہو جائے گا (١)
٨۔١ جب چاند کو گرہن لگ جاتا ہے تو اس وقت بھی وہ بےنور ہو جاتا ہے۔ لیکن جو علامات قیامت میں سے ہے، جب ہوگا تو اس کے بعد اس میں روشنی نہیں آئے گی۔

 

[محمد نعیم یونس]

وَجُمِعَ الشَّمْسُ وَالْقَمَرُ‌ ﴿٩﴾
اور سورج اور چاند جمع کر دیئے جائیں گے (١)۔
٩۔١ یعنی بےنوری میں۔ مطلب ہے کہ چاند کی طرح سورج کی روشنی بھی ختم ہو جائے گی۔

 

[محمد نعیم یونس]

يَقُولُ الْإِنسَانُ يَوْمَئِذٍ أَيْنَ الْمَفَرُّ‌ ﴿١٠﴾
اس دن انسان کہے گا کہ آج بھاگنے کی جگہ کہاں ہے (١)۔
١٠۔١ یعنی جب یہ واقعات ظہور پذیر ہونگے تو پھر اللہ سے یا جہنم کے عذاب سے راہ فرار ڈھونڈے گا، لیکن اس وقت راہ فرار کہاں ہوگی۔

 

[محمد نعیم یونس]

كَلَّا لَا وَزَرَ‌ ﴿١١﴾
نہیں نہیں کوئی پناہ گاہ نہیں (١)۔
١١۔١ وَزَرَ پہاڑ یا قعلے کو کہتے ہیں جہاں انسان پناہ حاصل کرلے۔ وہاں ایسی کوئی پناہ گاہ نہیں ہوگی۔

 

[محمد نعیم یونس]

إِلَىٰ رَ‌بِّكَ يَوْمَئِذٍ الْمُسْتَقَرُّ‌ ﴿١٢﴾
آج تیرے پروردگار کی طرف ہی قرار گاہ ہے (١)
١٢۔١ جہاں وہ بندوں کے درمیان فیصلے فرمائے گا۔ یہ ممکن نہیں ہوگا کہ کوئی اللہ کی اس عدالت سے چھپ جائے

 

[محمد نعیم یونس]

يُنَبَّأُ الْإِنسَانُ يَوْمَئِذٍ بِمَا قَدَّمَ وَأَخَّرَ‌ ﴿١٣﴾
آج انسان کو اس کے آگے بھیجے ہوئے اور پیچھے چھوڑے ہوئے سے آگاہ کیا جائے گا (١)
٣ ١۔١ یعنی اس کے تمام اعمال سے آگاہ کیا جائے گا قدیم ہو یا جدید، اول ہو یا آخر چھوٹا ہو یا بڑا

 

[محمد نعیم یونس]

بَلِ الْإِنسَانُ عَلَىٰ نَفْسِهِ بَصِيرَ‌ةٌ ﴿١٤﴾
بلکہ انسان خود اپنے اوپر حجت ہے (١)۔
١٤۔١ یعنی اس کے اپنے ہاتھ، پاؤں، زبان اور دیگر اعضاء گواہی دیں گے، یا یہ مطلب ہے کہ انسان اپنے عیوب خود جانتا ہے۔

 

[محمد نعیم یونس]

وَلَوْ أَلْقَىٰ مَعَاذِيرَ‌هُ ﴿١٥﴾
اگرچہ کتنے ہی بہانے پیش کرے (١)۔
١٥۔١ یعنی لڑے جھگڑے، ایک سے ایک بہانہ کرے، لیکن ایسا کرنا نہ اس کے لئے مفید ہے اور نہ وہ اپنے ضمیر کو مطمئن کر سکتا ہے۔