تفسیر احسن البیان (تفسیر مکی)

[محمد نعیم یونس]

وَالَّذِي أَخْرَ‌جَ الْمَرْ‌عَىٰ ﴿٤﴾
اور جس نے تازہ گھاس پیدا کیا۔ (۱)
٤۔۱جسے جانور چرتے ہیں۔

فَجَعَلَهُ غُثَاءً أَحْوَىٰ ﴿٥﴾
پھر اس نے اس کو (سکھا کر) سیاہ کوڑا کر دیا۔ (۱)
۵۔۱گھاس خشک ہو جائے تو اسے غثاء کہتے ہیں، احوی سیاہ کر دیا۔

 

[محمد نعیم یونس]

سَنُقْرِ‌ئُكَ فَلَا تَنسَىٰ ﴿٦﴾
ہم تجھے پڑھائیں گے پھر تو نہ بولے گا (١)
٦۔١ حضرت جبرائیل علیہ السلام وحی لے کر آتے تو آپ جلدی جلدی پڑھتے تاکہ بھول نہ جائے اللہ تعالٰی نے فرمایا اس طرح جلدی نہ کریں، نازل شدہ وحی ہم آپ کو پڑھوائیں گے، یعنی آپ کی زبان پر جاری کر دیں گے۔ پس آپ بھولیں گے نہیں۔ مگر جسے اللہ چاہے گا لیکن اللہ نے ایسا نہیں چاہا، اس لیے آپ کو سب کچھ یاد ہی رہا بعض نے کہا کہ اس کا مفہوم ہے کہ جن کو اللہ منسوخ کرنا چاہے گا وہ آپ کو بھلوا دے گا (فتح القدیر)


إِلَّا مَا شَاءَ اللَّـهُ ۚ إِنَّهُ يَعْلَمُ الْجَهْرَ‌ وَمَا يَخْفَىٰ ﴿٧﴾
مگر جو کچھ اللہ چاہے، وہ ظاہر اور پوشیدہ کو جانتا ہے۔ (۱)
۷۔۱یہ بھی عام ہے جہر قرآن کا وہ حصہ ہے جسے رسول اللہ یاد کرلیں اور جو آپ کے سینے سے محو کر دیا جائے وہ مخفی ہے۔ خفی چھپ کر عمل کرے اور جہر ظاہر ان سب کو اللہ جانتا ہے۔

 

[محمد نعیم یونس]

وَنُيَسِّرُ‌كَ لِلْيُسْرَ‌ىٰ ﴿٨﴾
ہم آپ کیلئے آسانی پیدا کر دیں گے (١)
٨۔١ یہ بھی عام ہے۔ ہم آپ پر وحی آسان کر دیں گے تاکہ اس کو یاد کرنا اور اس پر عمل کرنا آسان ہو جائے ہم آپ کے اس طریقے سے رہنمائی کریں گے جو آسان ہوگا، ہم جنت والا عمل آپ کے لئے آسان کر دیں گے۔ ہم آپ کے لیے ایسے اقوال وافعال آسان کر دیں گے جن میں خیر ہو اور ہم آپ کے لیے ایسی شریعت مقرر کریں گے جو سہل، مستقیم، اور معتدل ہوگی جس میں کوئی کجی، عسر اور تنگی نہیں ہوگی۔

فَذَكِّرْ‌ إِن نَّفَعَتِ الذِّكْرَ‌ىٰ ﴿٩﴾
تو آپ نصیحت کرتے رہیں اگر نصیحت کچھ فائدہ دے۔ (۱)
۹۔۱یعنی وعظ ونصیحت وہاں کریں جہاں محسوس ہو کہ فائدہ مند ہوگی، یہ وعظ ونصیحت اور تعلیم کے لیے ایک اصول اور ادب بیان فرمایا۔ امام شوکانی کے نزدیک مفہوم یہ ہے کہ آپ نصیحت کرتے رہیں،چاہے فائدہ دے یا نہ دے، کیونکہ انداز و تبلیغ دونوں صورتوں میں آپ کے لیے ضروری تھی۔

 

[محمد نعیم یونس]

سَيَذَّكَّرُ‌ مَن يَخْشَىٰ ﴿١٠﴾
ڈرنے والا تو نصیحت لے گا۔ (۱)
یعنی آپ کی نصیحت سے وہ یقینا عبرت حاصل کریں گے جن کے دلوں میں اللہ کا خوف ہوگا، ان میں خشیت الہی اور اپنی اصلاح کا جذبہ مزید قوی ہوگا۔

وَيَتَجَنَّبُهَا الْأَشْقَى ﴿١١﴾
(ہاں) بد بخت اس سے گریز کرے گا۔ (۱)
۱۱۔۱یعنی اس نصیحت سے فائدہ نہیں اٹھا سکیں گے کیونکہ ان کا کفر پر اصرار اللہ کی معصیتوں میں انہماک جاری رہتا ہے۔

 

[محمد نعیم یونس]

الَّذِي يَصْلَى النَّارَ‌ الْكُبْرَ‌ىٰ ﴿١٢﴾
جو بڑی آگ میں جائے گا۔

ثُمَّ لَا يَمُوتُ فِيهَا وَلَا يَحْيَىٰ ﴿١٣﴾
جہاں پھر نہ مرے گا نہ جئے گا (بلکہ حالت نزع میں پڑا رہے گا۔ (۱)
۱۳۔۱ان کے برعکس جو لوگ صرف اپنے گناہوں کی سزا بھگتنے کے لیے عارضی طور پر جہنم میں رہ گئے ہوں گے انہیں اللہ تعالٰی ایک طرح کی موت دے دے گا حتی کہ وہ آگ میں جل کر کوئلہ ہو جائیں گے پھیر اللہ تعالٰی انبیاء وغیرہ کی سفارش سے ان کو گروہوں کی شکل میں نکالے گا، ان کو جنت کی نہر میں ڈالا جائے گا، جنتی بھی ان پر پانی ڈالیں گے جس سے وہ اس طرح اٹھیں گے جیسے سیلاب کے کورے سے دانہ اگ آتا ہے۔ (صحیح مسلم، کتاب الایمان)

 

[محمد نعیم یونس]

قَدْ أَفْلَحَ مَن تَزَكَّىٰ ﴿١٤﴾
بیشک اس نے فلاح پائی جو پاک ہوگیا (١)
١٤۔١ جنہوں نے اپنے نفس کو اخلاق رذیلہ سے اور دلوں کو شرک کی آلودگی سے پاک کر لیا۔

 

[محمد نعیم یونس]

وَذَكَرَ‌ اسْمَ رَ‌بِّهِ فَصَلَّىٰ ﴿١٥﴾
اور جس نے اپنے رب کا نام یاد رکھا اور نماز پرھتا رہا۔
بَلْ تُؤْثِرُ‌ونَ الْحَيَاةَ الدُّنْيَا ﴿١٦﴾
لیکن تم تو دنیا کی زندگی کو ترجیح دیتے ہو۔
وَالْآخِرَ‌ةُ خَيْرٌ‌ وَأَبْقَىٰ ﴿١٧﴾
اور آخرت بہت بہتر اور بہت بقا والی ہے (١)
١٧۔١ کیونکہ دنیا اور اس کی ہرچیز فانی ہے، جبکہ آخرت کی زندگی دائمی اور ابدی ہے، اس لئے عاقل فانی چیز کو باقی رہنے والی پر ترجیح نہیں دیتا۔

 

[محمد نعیم یونس]

إِنَّ هَـٰذَا لَفِي الصُّحُفِ الْأُولَىٰ ﴿١٨﴾
یہ باتیں پہلی کتابوں میں بھی ہیں۔
صُحُفِ إِبْرَ‌اهِيمَ وَمُوسَىٰ ﴿١٩﴾
(یعنی) ابراہیم اور موسیٰ کی کتابوں میں۔

 

[محمد نعیم یونس]

سورة الغاشیة

(سورة الغاشیة ۔ سورہ نمبر ۸۸ ۔ تعداد آیات ۲٦)​

بِسْمِ اللّٰهِ الرَّحْمٰنِ الرَّحِيْمِ
شروع کرتا ہوں میں اللہ تعالٰی کے نام سے جو بڑا مہربان نہایت رحم والا ہے
هَلْ أَتَاكَ حَدِيثُ الْغَاشِيَةِ ﴿١﴾
کیا تجھے بھی چھپا لینے والی (قیامت) کی خبر پہنچی ہے (١)۔
١۔١غاشیہ سے مراد قیامت ہے، اس لئے کہ اس کی ہولناکیاں تمام مخلوق کو ڈھانک لیں گی۔

 

[محمد نعیم یونس]

وُجُوهٌ يَوْمَئِذٍ خَاشِعَةٌ ﴿٢﴾
اس دن بہت سے چہرے ذلیل ہونگے۔ (۱)
٤۔۱یعنی کافروں کے چہرے، خاشعۃ جھکے ہوئے، پست اور ذلیل، جیسے نمازی، نماز کی حالت میں عاجزی سے جھکا ہوتا ہے۔