تفسیر احسن البیان (تفسیر مکی)

[محمد نعیم یونس]

كَلَّا ۖ إِنَّهُ كَانَ لِآيَاتِنَا عَنِيدًا ﴿١٦﴾
نہیں نہیں، (١) وہ ہماری آیتوں کا مخالف ہے۔ (٢)
١٦۔١ یعنی میں اسے زیادہ نہیں دوں گا۔
١٦۔٢ یہ کلا کی علت ہے۔ عنید اس شخص کو کہتے ہیں جو جاننے کے باوجود حق کی مخالفت کرے اور اس کو رد کرے۔

 

[محمد نعیم یونس]

سَأُرْ‌هِقُهُ صَعُودًا ﴿١٧﴾
عنقریب میں اسے ایک سخت چڑھائی چڑھاؤں گا۔ (١)
١٧۔١ یعنی ایسے عذاب میں مبتلا کروں گا جس کا برداشت کرنا نہایت سخت ہو گا، بعض کہتے ہیں، جہنم میں آگ کا پہاڑ ہو گا جس پر اس کو چڑھایا جائے گا۔ ارھاق کے معنی ہیں۔ انسان پر بھاری چیز لاد دینا۔ (فتح القدیر)

 

[محمد نعیم یونس]

إِنَّهُ فَكَّرَ‌ وَقَدَّرَ‌ ﴿١٨﴾
اس نے غور کرکے تجویز کی۔ (١)
١٨۔١ یعنی قرآن اور نبی ﷺ کا پیغام سن کر، اس نے اس امر پر غور کیا کہ میں اس کا کیا جواب دوں؟ اور اپنے جی میں اس نے وہ تیار کیا۔

 

[محمد نعیم یونس]

فَقُتِلَ كَيْفَ قَدَّرَ‌ ﴿١٩﴾
اسے ہلاکت ہو کیسی (تجویز) سوچی؟

ثُمَّ قُتِلَ كَيْفَ قَدَّرَ‌ ﴿٢٠﴾
وہ پھر غارت ہو کس طرح اندازہ کیا۔ (١)
٢٠۔١ یہ اس کے حق میں بد دعائیہ کلمے ہیں، کہ ہلاک ہو، مارا جائے، کیا بات اس نے سوچی ہے؟

 

[محمد نعیم یونس]

ثُمَّ نَظَرَ‌ ﴿٢١﴾
اس نے پھر دیکھا۔ (١)
٢١۔١ یعنی پھر غور کیا کہ قرآن کا رد کس طرح ممکن ہے۔

 

[محمد نعیم یونس]

ثُمَّ عَبَسَ وَبَسَرَ‌ ﴿٢٢﴾
پھر تیوری چڑھائی اور منہ بنایا۔ (١)
٢٢۔١ یعنی جواب سوچتے وقت چہرے کی سلوٹیں بدلیں، اور منہ بسورا، جیسا کہ عمومًا کسی مشکل بات پر غور کرتے وقت آدمی ایسا کرتا ہے۔

 

[محمد نعیم یونس]

ثُمَّ أَدْبَرَ‌ وَاسْتَكْبَرَ‌ ﴿٢٣﴾
پھر پیچھے ہٹ گیا اور غرور کیا۔ (١)
٢٣۔١ یعنی حق سے اعراض کیا اور ایمان لانے سے تکبر کیا۔

 

[محمد نعیم یونس]

فَقَالَ إِنْ هَـٰذَا إِلَّا سِحْرٌ‌ يُؤْثَرُ‌ ﴿٢٤﴾
اور کہنے لگا یہ تو صرف جادو ہے جو نقل کیا جاتا ہے۔ (١)
٢٤۔١ یعنی کسی سے یہ سیکھ آیا ہے اور وہاں سے نقل کر لایا ہے اور دعویٰ کر دیا کہ اللہ کا نازل کردہ ہے۔

 

[محمد نعیم یونس]

إِنْ هَـٰذَا إِلَّا قَوْلُ الْبَشَرِ‌ ﴿٢٥﴾
سوائے انسانی کلام کے کچھ بھی نہیں۔

سَأُصْلِيهِ سَقَرَ‌ ﴿٢٦﴾
میں عنقریب اسے دوزخ میں ڈالوں گا۔

وَمَا أَدْرَ‌اكَ مَا سَقَرُ‌ ﴿٢٧﴾
اور تجھے کیا خبر کہ دوزخ کیا چیز ہے؟ (١)
٢٧۔١ دوزخ کے ناموں یا درجات ایک کا نام سَقَرُ بھی ہے۔

 

[محمد نعیم یونس]

لَا تُبْقِي وَلَا تَذَرُ‌ ﴿٢٨﴾
نہ وہ باقی رکھتی ہے نہ چھوڑتی ہے۔ (١)
٢٨۔١ ان کے جسموں پر گوشت چھوڑے گی نہ ہڈی۔ یا مطلب ہے جہنمیوں کو زندہ چھوڑے گی نہ مردہ، لَا يَمُوتُ فِيهَا وَلَا يَحْيَى