جامعہ اسلامیہ مدینہ منورہ کا مختصر تعارف اور داخلے کے متعلق تفصیلی معلومات

[خضر حیات]

سر جی ۔آپ مجھے کوئی نمونہ ہے عربی ترجمہ کا تو وہ بھیج دیں ۔بہت شکریہ ہو گا۔۔۔۔اگر آپ اجازت دیں تو میں کوئی کاغذ سینڈ کرتا ہوں تو آپ مہربانی کرکے عربی ترجمہ کر دیں ۔تاکہ میں جامعہ والوں کو دیکھا سکو۔۔۔۔

معذرت۔ فی الوقت میں یہ تعاون کرنے کی پوزیشن میں نہیں ہوں۔
کسی بھی ترجمہ سینٹر میں جائیں، وہ جو بھی ترجمہ کرکے دیں گے، مہر کے ساتھ قابل اعتماد ہوگا۔ إن شاءاللہ

 

[خضر حیات]

جامعہ اسلامیہ مدینہ منورہ، داخلہ سے متعلق کثرت سے پوچھے جانے والے سوالات اور ان کے جوابات
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوال نمبر1
داخلہ بھیجنے کی آخری تاریخ کیاہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جامعہ اسلامیہ میں داخلہ کے متعلق سب سے زیادہ پوچھا جانے والا سوال یہی ہے کہ:
داخلہ بھیجنے کی آخری تاریخ کیاہے؟
جواب:
میری معلومات کے مطابق جامعہ اسلامیہ میں 24 گھنٹے، ہفتے کے سات مہینے کے تیس دن اور سال کے بارہ مہینے داخلے اوپن رہتے ہیں۔
آپ کسی بھي وقت آن لائن داخلہ بھیج سکتے ہیں۔
لیکن:
آپ کی درخواست کس سال کے لیے ہوگی؟
اس کا جواب آپ کو تبھی ملے گا، جب آپ درخواست بھیجنے کے لیے جامعہ کی سائٹ پر پہنچیں گے، ’تقدیم طلب‘ یا ’ نئی درخواست پیش کریں‘ وغیرہ بٹن دبانے کے فورا بعد آپ کو بتادیا جائے گا کہ آپ کی درخواست کس سال کے لیے وصول کی جارہی ہے، مثلا:
عربی میں:
طلب التحاق بالدراسة لطلاب المنح لبرامج البكالوريوس للعام الدراسي 1440-1441
اردو میں:
وظیفہ یاب (غیر سعودی) طلبہ کے لیے گریجویشن کے مرحلے میں داخلے کی درخواست تعلیمی سال 1440-1441 کے لیے۔
انگلش میں:​

Application for scholarship enrolment in the bachelor’s degree, for the academic year 2018-2019.

بعض بھائی سمجھتے ہیں کہ ادھر اپلائی کیا، ادھر اگلے مہینے داخلے کا لیٹر وصول ہوجائے گا، یہ کام اتنی جلدی نہیں ہوتا۔ درخواست بھیجنے کے بعد جلد ازجلد بھی داخلہ ہو تو ایک سال لگ جاتا ہے۔
لہذا داخلہ بھیجنا چاہتے ہیں تو جلد ازجلد کاغذات مکمل کرکے بھیجیں، اور آخری تاریخ معلوم کرنے کے چکر میں وقت ضائع نہ کریں۔ کسی بھی سال کے لیےمطلوبہ درخواستیں پوری ہونے کے بعد داخلہ رکتا تو نہیں، لیکن درخواستیں اس سے بعد والے سال کی طرف منتقل ہونا شروع ہوجاتی ہیں۔
اب عین ممکن ہے کہ کوئی یہ سوال پوچھے کہ:
درخواستوں کی مطلوبہ مقدار کب مکمل ہوتی ہے؟ یا سال کے کس مہینے کے بعد اگلے سال کی طرف درخواستیں منتقل ہونا شروع ہوجاتی ہیں؟
تواس کا جواب بھی وہی ہے کہ اس کی کوئی حتمی تاریخ نہیں ہے۔
نوٹ: بعض دفعہ ویب سائٹ کی اپ گریڈنگ وغیرہ کی وجہ سے وقتی طور پر درخواستیں روک دی جاتی ہیں۔ اور اس کا باقاعدہ اعلان دے دیا جاتا ہے۔ ایسی صورت حال میں کچھ عرصے بعد دوبارہ کوشش کریں۔
نوٹ نمبر2۔ ہم جس داخلے کی بات کر رہے ہیں، یہ وظیفہ یاب بیرونی طلبہ کے لیے ہے (یعنی:منحة خارجية )۔ سعودیہ میں مقیم طلبہ کے لیے الگ نظام ہے(يعني: منحة داخلية)، بعض دفعہ اس کے متعلق اعلانات اور ہدایات بیرونی طلبہ میں مشہور کردی جاتی ہیں۔
نوٹ نمبر3۔ یہ معلومات جامعہ اسلامیہ مدینہ منورہ سے متعلق ہیں، بعض دفعہ دیگر جامعات کے اعلانات بھی آتے ہیں، بعض لوگ غلطی سے انہیں جامعہ اسلامیہ کے متعلق سمجھ لیتے ہیں۔
اہم لنکس:
عمادۃ القبول والتسجیل(جامعہ اسلامیہ مدینہ منورہ) ٹویٹر اکاؤنٹ:​

https://twitter.com/AdmissDeanship

جامعہ اسلامیہ داخلہ ، شرائط ،قواعد وضوابط اور طریقہ کار:​

https://www.facebook.com/HkhizarH/posts/1889872877700301

داخلہ کے متعلق رہنما ویڈیوز​

https://www.youtube.com/playlist?list=PLAId7oR6_OHjpSClOT1trFMd9gdQcYFuZ

داخلہ بھیجنے کے لیے لنک :​

https://admission.iu.edu.sa/WelcomePortal.aspx​

 

[zahra]

JAZAK Allah nice sharing thanks

 

[خضر حیات]

جامعہ اسلامیہ مدینہ میں داخلہ کے بعد کرنے والے ضروری کام

(بہ شکریہ حافظ عبد المجید حفظہ اللہ)
(1)جامعہ کی ویب سائٹ (www.iu.edu.sa)
داخلہ ہونے کے بعد جامعہ کی ویب سائٹ سے آپ نے تین چیزیں حاصل کرنی ہیں:
1۔ اشعار القبول( ورقۃ القبول) 2۔ ویزہ نمبر 3۔ جہاز کے سفر کے لیے ٹکٹ نمبر۔
داخلہ کی خبر ملتے یہ چیزیں فورا میسر نہیں ہوتیں، کچھ عرصہ لگ جاتا ہے، لہذا وقتا فوقتا دیکھتے رہیں۔​

(2)اسانید وغیرہ کی تصدیق

ا۔میڑک ،ایف اے یا جس بھی سند کی بنیاد پر آپ کا داخلہ ہوا ہے، اسے R&D اور IBCC سے تصدیق کروانا ہے۔
2۔ اسی سند کو بعد میں سعودی سفارت خانے سے بھی تصدیق کرواناہے۔
3۔برتھ سرٹیفکیٹ کا عربی ترجمہ اور اصل دونوں کی وزارت خارجہ سے تصدیق ۔
4.پولیس سرٹیفکیٹ (جس کا ذکر آگے آرہا ہے) بھی وزارت خارجہ سے تصدیق کروانا ضروری ہے۔​

(3)پولیس سرٹیفکیٹ

یہ وزارت داخلہ سے ملنے والی این او سی کا متبادل ہے۔ اس کے لیے ضلع میں ڈی پی او کے دفتر میں درخواست دینی ہے،پھر وہ تھانے کو اطلاع دیں گے، اور پولیس انکوائری کے بعد یہ سرٹیفکیٹ جاری ہوگا۔​

(4)میڈیکل

بیرون ملک جانے کے لیے خاص نوعیت کا میڈیکل ہوتا ہے، او راس کے لیے خاص ادارے بھی مشہور ہیں، ان سے یہ میڈیکل کروانا ہے۔​

(5) ویزہ

ویزہ آپ جامعہ کی ویب سائٹ سے حاصل کریں گے، جبکہ اس کو لگوانے کے لیے اعتماد آفس سے رجوع کرنا ہوگا۔
تمام کاغذات مکمل کرکے آپ نے اعتماد آفس جانا ہے ۔
1۔ اعتماد کی ویب سائٹ سے اس حوالے سے معلومات حاصل کرلیں، وہاں جانے کے لیے آن لائن اپوائنٹمٹ بھی لینا پڑتی ہے۔
2۔ اعتماد والے میڈیکل آن لائن کروانے کے لیے آپ کو میڈیکل سنٹر بھیجیں گے۔
3۔ ویزہ کے لیے پاسپورٹ و اسانید وغیرہ وصول کریں گے۔
4۔ ان کی بھاری بھر کم فیس بھی ادا کرنا ہوگی۔
5۔ ویزہ کے بعد پاسپورٹ آپ کو ان کے دفتر سے وصول کرنا پڑے گا، یا پھر ڈاک فیس ادا کرکے گھر بھی منگوا سکتے ۔​

(6) ٹکٹ کنفرمیشن

مدینہ منورہ سفر کے لیے ٹکٹ آپ جامعہ کی ویب سائٹ سے حاصل کریں گے، جبکہ اس کی کنفرمیشن کے لیے آپ کو متعلقہ ایئر لائن کے دفتر سے رجوع کرنا ہوگا۔
ياد ركھیں! جو کاغذات آپ نے داخلہ بھیجتے ہوئے لگائے تھے، اردو، عربی، انگلش تمام کاغذات آپ کے پاس ہونے اصلی ہونا ضروری ہیں۔​

مزید تفصیلات:

ان تمام امور کی تفصیلات کے لیے یوٹیوب پر درج ذیل پلے لسٹ ملاحظہ کیجیے:​

https://www.youtube.com/playlist?list=PLAId7oR6_OHjpSClOT1trFMd9gdQcYFuZ

یا یہ لنک:​

 

[؟بلال علی]

اسلام و علیکم ۔
شیخ محترم امید ہے آپ خیریت سے ہونگے ۔
شیخ صاحب میرا داخلہ کا مسلہ ہے ۔۔کہ میں نے تین سال کا ڈپلومہ کیا جو کہ پاکستان میں نے وہ ایف ایس سی کے برابر ہی ہے تو کیا میں اس کی بنا پر اپنا داخلہ بھیج سکتا ہوں کوئی مسلہ تو نہیں بنے گا ۔

 

[؟بلال علی]

میڈیکل

کی

 

[؟بلال علی]

اسلام و علیکم ۔
شیخ محترم امید ہے آپ خیریت سے ہونگے ۔
شیخ صاحب میرا داخلہ کا مسلہ ہے ۔۔کہ میں نے تین سال کا ڈپلومہ کیا جو کہ پاکستان میں نے وہ ایف ایس سی کے برابر ہی ہے تو کیا میں اس کی بنا پر اپنا داخلہ بھیج سکتا ہوں کوئی مسلہ تو نہیں بنے گا ۔

مہربانی فرما کر میری رہنمائی فرما دیں

 

[؟بلال علی]

شیخ محترم جواب دیں دے