راولپنڈی:ممتاز قادری کو پھانسی دے دی گئی - انالله وانا اليه راجعون

[عبدہ]

السلام علیکم
نہ سلام نہ دعا کیا آپ بھی؟
تو آپ یہ بھی جانتے ہیں کہ میں نہ سوال پوچھنے کا عادی ہوں اور نہ جواب دینے کا، اب آپ بڑے ہو گئے ہیں سوال ہاں یا نہ۔۔۔۔ پرائمری والی گیم سے بہتر ہے کنورسیشن ، میرے لکھے پر آپ جواب دیں چاہیں تو ان دونوں کو شامل کر لیں۔
موضوع قادری غازی و شہید ہے اگر آپ اس سے اتفاق کرتے ہیں تو اس پر اپنے دلائل مکمل کریں شکریہ، سٹارٹ!
والسلام

وعلیکم السلام انتہائی معذرت جلدی میں اسوقت بہت سی فیس بک پوسٹوں کے جواب دینے میں مصروف تھا ساتھ فورم پہ جواب لکھتے ہوئے جلدی کی

جہاں تک مختصر جواب دینے کی بات کی ہے اسکی وجہ یہ ہے کہ یہ میری کم علمی سمجھیں کہ آپ کی باتیں سمجھنا بہت مشکل ہوتا ہے جیسا کہ اوپر جس پوسٹ کا اقتباس لیا ہے اس کی ابھی تک مجھے سمجھ نہیں آئی کہ آپ کیا کہنا چاہتے ہیں

میں نے صرف آپ کے ایک جملے پہ اعتراض کیا تھا آپ نے کہا تھا کہ

کوئی بھی کلمہ گو مسلمان گناہ گار تو ہو سکتا ھے مگر توہین رسالت نہیں،

تو اس پہ میں نے کہا تھا کہ کیا آپ کے نزدیک کلمہ گو تسلیمہ نسرین اور سلمان رشدی بھی گستاخی نہیں کر سکتے
اس کا انکار تو کوے کو سفید کہنے کے مترادف ہو گا میرے نزدیک کیونکہ انہوں نے تو واضح گستاخی کی ہے اور وہ کلمہ گو بھی ہیں پس ثابت ہوا کہ کلمہ گو بھی گستاخی کر سکتا ہے

 

[عبدہ]

عدالت میں تو بیان حلفی داخل کروایا تھا ، کہ میرا ممتاز قادری سے کوئی تعلق نہیں ، اور اب مال بٹورنے کے لئے ان کے سب سے بڑے وارث یہی مفتی صاحب بنے ہوئے ہیں ، اور ممتاز قادری صاحب کی میت کے سرھانے بھی کھڑے ہیں۔
(سید بلال قطب)

​

میرے خیال میں اس بیان میں یہ نہیں کہا کہ میری سلمان تاثیر سے کوئی دینی دشمنی نہیں تھی بلکہ کہا کہ کوئی ذاتی دشمنی نہیں تھی اور اس میں یہ بھی نہیں کہا گیا کہ یہ قتل اسنے غلط کیا ہے بلکہ دوسری دہشت گردی کو غلط کہا گیا ہے اصل میں اس بیان میں دھوکہ دینے کی کوشش کی گئی ہے

 

[عبدہ]

اس امر میں علمی طور پر علما کے مابین شدید اختلاف ہے کہ یہ سزا کون دے گا حکومت وقت جو اگر اسلامی ہو تو مسئلہ حل لیکن اگر کافر حکومت ہو تو علم دین شہید ان شاء اللہ کی مثال کافی ہے لیکن ایسی حکومت جس کے بارے میں صراحت کے ساتھ کوئی فیصلہ نہیں کیا جا سکتا تو ایسے میں ملکی قوانین تو ایف آئی آر کی طرف اشارہ کرتے ہیں یعنی فرد واحد خود کوئی قدم نہیں اٹھا سکتا اور اگر اٹھا لے تو یہی مسئلہ ہے جس میں اختلاف ہے جس پر کوئی واضح حل نہیں نکالا گیا لہذا اس پر توجہ دی جائے

لیکن محترم شیخ اگر ایف آئی آر ہی نہ کاٹی جائے اور کہا جائے کہ جب تک کوئی گورنر ہے اسکے خلاف آئین کے تحت کوئی کیس نہیں کیا جا سکتا جیسا کہ سلمان تاثیر کے خلاف اسلام آباد میں کیس کروانے کی کوشش پہ یہ جواب ملا تھا اب ایسی صورت میں کیا یہ کیس علم دین کے کیس سے مماثلت نہیں رکھتا کہ اس وقت بھی عدالت نے انکار کر دیا تھا اور اب بھی عدالت نے انکار کر دیا تھا اس پوانٹ کے بعد اسکی غازی علم دین کے ساتھ مماثلت نہ ہونے کی وجہ کیا ہو سکتی ہے

 

[akramali1436ram]

اسلام آباد: سلمان تاثیر کا قتل درست نہیں تھا، حنفی مسلک میں گستاخی کی سزا قتل نہیں‌بلکہ حاکم وقت اپنی مرضی کے مطابق فیصلہ کر سکتا ہے۔مفتی تقی عثمانی
ہفتہ 5 مارچ 2016 | 12:01
اسلام آباد(اُردو پوائنٹ تازہ ترین اخبار۔ 05 مارچ 2016ء): وفاقی شرعی عدالت کے سابق جج اور معروف عالم دین مفتی تقی عثمانے نے سابق گورنر پنجاب سلمان تاثیر کے قتل کو غلط قرار دے دیا۔ مفتی تقی نے کہا کہ سلمان تاثیر کا قتل درست نہیں ، درس کی ایک تقریب میں توہین رسالت اور اس کی سزا سے متعلق ایک طالبعلم نے دریافت کیا تو تقی عثمانی نے بتایا کہ حنفی مسلک میں گستاخی کی سزا قتل نہیں بلکہ کوئی بھی حاکم وقت اپنی مرضی کے مطابق فیصلہ کر سکتا ہے۔

 

[خضر حیات]

اسلام آباد: سلمان تاثیر کا قتل درست نہیں تھا، حنفی مسلک میں گستاخی کی سزا قتل نہیں‌بلکہ حاکم وقت اپنی مرضی کے مطابق فیصلہ کر سکتا ہے۔مفتی تقی عثمانی
ہفتہ 5 مارچ 2016 | 12:01
اسلام آباد(اُردو پوائنٹ تازہ ترین اخبار۔ 05 مارچ 2016ء): وفاقی شرعی عدالت کے سابق جج اور معروف عالم دین مفتی تقی عثمانے نے سابق گورنر پنجاب سلمان تاثیر کے قتل کو غلط قرار دے دیا۔ مفتی تقی نے کہا کہ سلمان تاثیر کا قتل درست نہیں ، درس کی ایک تقریب میں توہین رسالت اور اس کی سزا سے متعلق ایک طالبعلم نے دریافت کیا تو تقی عثمانی نے بتایا کہ حنفی مسلک میں گستاخی کی سزا قتل نہیں بلکہ کوئی بھی حاکم وقت اپنی مرضی کے مطابق فیصلہ کر سکتا ہے۔

یہ وضاحت بھی ضروری ہے کہ ممتاز قادری کو قتل کی جو سزا دی گئی ہے وہ بھی غلط ہے ۔ شریعت میں ہر قتل کی سزا قصاص نہیں ہوتی ۔ جیساکہ شیخ فیض صاحب نے وضاحت کی ، اس کیس کو عام قتل سمجھ کر عدالتی کاروائی کرنا ہی غلط ہے ، اسے توہین رسالت کے اعتبار سے لینا چاہیے تھا ، اس طرح اگر سلمان تاثیر کی گستاخی نہ بھی ثابت ہوتی تو سزا کے طور پر قادری کو پھانسی کا فیصلہ نہیں ہوسکتا تھا ۔
سلمان تاثیر کے حمایتی یا قادری کے مخالفین کا سارا زور سلمان تاثیر کو بے گناہ ثابت کرنے پر ہے ، حالانکہ جو اعذار وہ تاثیر کے لیے تلاش رہے ہیں ، اسی طرح کی گنجائش اور شبہات ممتاز قادری کے لیے بھی نکالے جاسکتے ہیں ۔
اس معاملے کو جہاں تک میں نے دیکھا ہے ، اس کے متعلق سنا اور پڑھا ہے ، قرائن یہ بتاتے ہیں کہ سلمان تاثیر کے بیانات میں جس کی صراحت ہے ، اصل معاملہ اس سے کہیں بڑھ کر ہو گا ، سلمان تاثیر کے بارے میں ہماری جو آراء ہیں وہ اس کے اخباری یا میڈیائی بیانات کے اوپر ہے ، جبکہ ممتاز قادری اس کا گارڈ اور اس کے ساتھ رہنے والاتھا ، ہم خود کو تو میڈیا کے پابند کرسکتے ہیں ، لیکن یہ بات بعید از قیاس ہے کہ تاثیر کے گارڈز کو بھی اس کے متعلق وہی معلومات ہوں جو ہمارے جیسے لوگوں کو ہیں ۔

 

[محمد فیض الابرار]

لیکن محترم شیخ اگر ایف آئی آر ہی نہ کاٹی جائے اور کہا جائے کہ جب تک کوئی گورنر ہے اسکے خلاف آئین کے تحت کوئی کیس نہیں کیا جا سکتا جیسا کہ سلمان تاثیر کے خلاف اسلام آباد میں کیس کروانے کی کوشش پہ یہ جواب ملا تھا اب ایسی صورت میں کیا یہ کیس علم دین کے کیس سے مماثلت نہیں رکھتا کہ اس وقت بھی عدالت نے انکار کر دیا تھا اور اب بھی عدالت نے انکار کر دیا تھا اس پوانٹ کے بعد اسکی غازی علم دین کے ساتھ مماثلت نہ ہونے کی وجہ کیا ہو سکتی ہے

عبدہ بھائی میری معلومات کے مطابق سلمان تاثیر کے خلاف ایف آئی آر اسلام آباد میں درج کی گئی تھی
ایف آئی آر درج نہ ہونے کے باوجود اس امر کی اجازت نہیں دی جا سکتی کہ کوئی شخص اس طرح ذاتی طور پر اٹھ کر قانون کو اپنے ہاتھ میں لے لے وگرنہ فتنہ اور فساد اور قتل کا دور دورہ ہونے کے امکانات بڑھ جاتے ہیں ۔
غازی علم دین کے وقت صراحت کے ساتھ غیر مسلم حکومت اور غیر مسلم جج تھے وہ صورت حال بالکل یکسر الگ تھی جبکہ ابھی ایسی صورت حال نہیں ہے اگر غازی علم دین کیس کی بنیاد پر اس عمل کو درست کہنے کا مطلب یہ ہو گا کہ ہم اس حکومت کو بھی غیر مسلم اور قاضی کو بھی غیر مسلم گردانتے ہیں جبکہ ایسا بالکل بھی نہیں ہے

 

[عبدہ]

عبدہ بھائی میری معلومات کے مطابق سلمان تاثیر کے خلاف ایف آئی آر اسلام آباد میں درج کی گئی تھی

محترم بھائی اآپ کی معلومات کس طرح کی ہیں میں نہیں جانتا لیکن مجھے معلومات اسی تھریڈ میں لگائی گئی ایک ویڈیو سے ملی ہیں جو ٹی وی کا ایک پروگرام تھا جو اس پھانسی سے پہلے کا تھا اور اس میں یہی بحث ہو رہی تھی کہ میزبان کے پوچھنے پہ کہا گیا کہ سلمان تاثیر کے خلاف تاہین رسالت کا کیس اس لئے ریجکٹ کر دیا گیا کہ قانون اسکو تحفظ دیتا ہے محترم @محمد عامر یونس بھائی اآپ نے وہ لگائی تھی ویڈیو اسکے کلپ سے وہ ورڈنگ اگر مل جائے تو دوباری یہاں لگا دیں جزاکم اللہ خیرا تاکہ پتا چل جائے کہ میں نے کس معلومات کی بنیاد پہ یہ کہا تھا

ایف آئی آر درج نہ ہونے کے باوجود اس امر کی اجازت نہیں دی جا سکتی کہ کوئی شخص اس طرح ذاتی طور پر اٹھ کر قانون کو اپنے ہاتھ میں لے لے وگرنہ فتنہ اور فساد اور قتل کا دور دورہ ہونے کے امکانات بڑھ جاتے ہیں ۔
غازی علم دین کے وقت صراحت کے ساتھ غیر مسلم حکومت اور غیر مسلم جج تھے وہ صورت حال بالکل یکسر الگ تھی جبکہ ابھی ایسی صورت حال نہیں ہے اگر غازی علم دین کیس کی بنیاد پر اس عمل کو درست کہنے کا مطلب یہ ہو گا کہ ہم اس حکومت کو بھی غیر مسلم اور قاضی کو بھی غیر مسلم گردانتے ہیں جبکہ ایسا بالکل بھی نہیں ہے

محترم بھائی آپ کا اپنا ایک علم اور تجربہ ہے کہ جسکی بنیاد پہ آپکی فقہ تک میں نہیں پہنچ سکتا
البتہ میری معلومات اور تجربے میں تو سمجھ آتا ہے اسکے لئے پہلے کچھ فرض کرنا ہو گا
1۔سلمان تاثیر نے واضح گستاخی رسول کی اور براہ راست گستاخی رسول کی ہو یہ ثابت ہو
2۔حکومت نے اسکے خلاف کیس درج کرنے سے انکار کیا ہو جیسا کہ اوپر حوالہ دیا ہے اگر واقعی ایسا ہوا ہو

اس صورت میں میرے علم کے مطابق اگر کوئی قنون ہاتھ میں لیتا ہے تو اس کو علم دین سے ہٹ کر تصور نہیں کیا جا سکتا اور اس سے حکومت پہ یہ الزام نہیں آتا کہ وہ یا اسکے عدالتیں اسلامی نہیں (ویسے تو اس پہ بھی علماء میں اختلاف ہے کہ یہ عدالتیں اسلامی ہیں کہ نہیں لیکن ہم اسکو اسلامی ہی سمجھتے ہیں)
وہ ایسے کہ آپ یہ بتائیں کہ کیا غازی علم دین نے حد کو اپنے ہاتھ میں لیا تھا
دیکھیں گستاخ رسول کی سزا قتل ہے اب آپ کے نزدیک اگر یہ سزا صرف اسلامی حکومت ہی دے سکتی ہے تو پھر غازی علم دین نے غلطی کی تھی اسکا فرض تو نہیں بنتا تھا پھر تو چارلی کو مارنے والوں نے بھی غلطی کی تھی انکا تو فرض ہی نہیں تھا کہ اپنی جان کو ہلاکت میں ڈالتے
لہاذا آپ کو مجبورا یہ ماننا پڑے گا کہ اسلامی حکومت کے علاوہ بھی یہ حد کوئی قائم کر سکتا ہے
البتہ زیادہ سے زیادہ آپ یہ کہ سکتے ہیں کہ کوئی دوسرا صرف تب یہ حد قائم کر سکتا ہے جب اسلامی حکومت وہ قائم نہ کر سکتی ہو یا نہ کر رہی ہو جیسا کہ چارلی یا راج پال یا اس سلمان کے کیس میں ہوا باقی بہت سی باتوں میں ہم حکومت کے خلاف کرتے ہیں بلکہ اسکو واضح غلطی پہ سمجھتے ہیں اور اسکی اطاعت نہیں کرتے لیکن اس سے وہ کافر ریاست نہیں بن جاتی مثلا وہ لوگوں کے قانون بنانے کو جائز کہتی ہے یعنی حکومت یہ اپنے آئین میں کہتی ہے کہ لوگوں کا قوانین بنانا جائز ہے ہم اسکو نہیں مانتے مگر اس سے وہ کافر نہیں ہو جاتی کفر دون کفر والا معاملہ ہم بتاتے ہیں تو اس طرح کوئی اگر گستاخ رسول کو عالی العلان گستاخی پہ قتل کرتا ہے تو اس پہ قصاص نہیں ہو سکتا جیسا کہ محترم احتشام الہی ظہیر حفظہ اللہ کا بیان اسی تھریڈ میں لگا ہوا ہے

 

[محمد فیض الابرار]

اس طرح اگر سلمان تاثیر کی گستاخی نہ بھی ثابت ہوتی تو سزا کے طور پر قادری کو پھانسی کا فیصلہ نہیں ہوسکتا تھا ۔

ویسے کچھ ذرائع تو یہ بتا رہے ہیں کہ سلمان تاثیر نے حکومتی ایویسٹی گیشن کے بعد

محترم بھائی اآپ کی معلومات کس طرح کی ہیں میں نہیں جانتا

میری ذاتی معلومات نہیں بلکہ ایک ویڈیو پروگرام تھا کسی صحافی کا اس میں اسلام آباد کے وکلا کی ااپس میں گفتگو تھی جس سے یہ معلوم ہوا کہ ایف آئی آر درج ہوئی تھی لیکن کاروائی اس لیے نہیں ہوئی کہ اسے بطور گورنر استثنا حاصل تھا

 

[محمد فیض الابرار]

سلمان تاثیر نے واضح گستاخی رسول کی اور براہ راست گستاخی رسول کی ہو یہ ثابت ہو

اس میں کوئی اختلاف نہیں ہے اور نہ ہی اس موضوع پر کوئی بات کی گئی ہے

کیا غازی علم دین نے حد کو اپنے ہاتھ میں لیا تھا

غازی علم دین نے جب یہ کام کیا تھا اس وقت حکومت کافر تھی اور جج بھی کافر تھے سو فیصد لہذا اس کا حکم الگ ہے اور ممتاز قادری کے کیس کو اس سے ملانا ہی غلط ہے صرف اس بنیاد پر کہ دونوں نے پھانسی دی لہذا ایک ہی معاملہ ہے یہ محل نظر ہے اس پر غور کریں

گستاخ رسول کی سزا قتل ہے اب آپ کے نزدیک اگر یہ سزا صرف اسلامی حکومت ہی دے سکتی ہے

میں نے یہ نہیں کہا کہ اسلامی حکومت ہی سزا دے سکتی ہے وگرنہ سزا والا عمل ہی معطل ہو جائے گا کیونکہ ہمارا عدالتی نظام جیسا ہے اسے آپ بھی بہتر جانتے ہیں لیکن یہ بھی نہیں کہا کہ ہر کوئی اپنے ہاتھ میں اس امر کو لے لے اگر ایسا ہی ہے تو پھر شیخ مبشر ربانی حفظہ اللہ کے خلاف توہین رسالت کا کیس درج کروایا گیا تھا بریلویوں کی طرف سے اگر کیس کروانے والا براہ راست کوئی عملہ قدم اٹھا لیتا تو پھر آپ کیا کہتے ؟

تو پھر غازی علم دین نے غلطی کی تھی اسکا فرض تو نہیں بنتا

بات صرف یہ ہے کہ غازی علم دین نے جب یہ کام کیا اس وقت برطانوی حکومت تھی جج بھی عیسائی تھے لہذا اس حوالے سے مجھے یہ بتائیں کہ کیا کسی عالم دین نے یہ کہا ہو کہ غازی علم دین نے غلط کیا اسے یہ معاملہ حکومت کے سپرد کرنا چاہیے تھا مجھے کسی ایک عالم دین کا قول بتائیں جس نے اس طرح سوالات اٹھائے ہوں جس طرح ممتاز قادری پر اٹھائے جا رہے ہیں دونوں کیسز میں زمین آسمان کا فرق ہے میرے بھائی ہیں تو دونوں توہین رسالت کے لیکن حالات اور نوعیت میں فرق ہے یہ فرق نہیں ملحوط خاطر رکھے جائیں گے تو یہ ابہام باقی رہے گا

اس سلمان کے کیس میں ہوا باقی بہت سی باتوں میں ہم حکومت کے خلاف کرتے ہیں بلکہ اسکو واضح غلطی پہ سمجھتے ہیں اور اسکی اطاعت نہیں کرتے لیکن اس سے وہ کافر ریاست نہیں بن جاتی مثلا وہ لوگوں کے قانون بنانے کو جائز کہتی ہے یعنی حکومت یہ اپنے آئین میں کہتی ہے کہ لوگوں کا قوانین بنانا جائز ہے ہم اسکو نہیں مانتے مگر اس سے وہ کافر نہیں ہو جاتی کفر دون کفر والا معاملہ ہم بتاتے ہیں تو اس طرح کوئی اگر گستاخ رسول کو عالی العلان گستاخی پہ قتل کرتا ہے تو اس پہ قصاص نہیں ہو سکتا جیسا کہ محترم احتشام الہی ظہیر حفظہ اللہ کا بیان اسی تھریڈ میں لگا ہوا ہے

اللہ جزائے خیر عطا فرمائے آپ نے تو خود ہی معاملہ حل کر دیا ذرا غور کریں اپنے کلمات پر اور پھر دوبارہ جائزہ لیں اپنے سوالات کا کہ موجودہ حکومت کافر نہیں برطانوی حکومت کافر تھی اور ابھی ممتاز قادری کے اس فعل پر کیا اہل حدیث کیا دیو بندی اور کیا بریلوی خود کوئی متفق علمی اختیار نہیں کر سکے اور میں پھر کہوں گا کہ ممتاز قادری نے یہ کام ایمانی غیرت میں آ کر کر دیا یا اس سے کروایا گیا اس پر تو کوئی بحث ہی نہیں ہے اور نہ ہی اس امر پر کوئی اختلاف ہے کہ حکومت نے سزا غلط دی

 

[محمد فیض الابرار]

آپ سے عرض ہے کہ ممتاز قادری کے مسئلے کو غازی علم دین کے ساتھ نہ ملائیں وگرنہ تاریخ میں بہت سی مثالیں پھر ان سے بھی مشابہت نکالیں ممتاز قادری کو ممتاز قادری کے پس منظر میں رکھیں ایک عام سا مسلمان تھا اور ایک مولوی صاحب کی جذباتی تقریر سننے کے بعد جوش میں آگیا اور یہ کام کر گزرا اور اس کی ایمانی غیرت پر کوئی شک و شبہ نہیں کسی کا ایک کام کر لینا اس کے جواز پر دلیل نہیں بن سکتا اس حوالے سے اسے جماعتی پس منظر سے ہٹ کر دیکھا جائے تو اتنی کنفوزن نہیں رہے گی