روایت مسلسل بالمصافحہ کا تحقیقی جائزہ

[کلیم حیدر]

جملہ روایاتِ مصافحہ پر ایک تبصرہ
اب ہم مجموعی طور پر مختلف لوگوں کی طرف منسوب مصافحات پر حنفی عالم ابوغدہ عبدالفتاح الکوثری کا تبصرہ ذکر کرتے ہیں۔ ابوغدہ، ملا علی قاری حنفی کی کتاب المصنوع کی تحقیق میں مصافحہ والی روایت کے تحت لکھتے ہیں:
’’شیخ محمد بن قاسم بن علی ہندی حیدر آبادی اپنی کتاب القول المستحسن في فخر الحسن کے ص ۴۹۶ پر لکھتے ہیں:

(جعلی روایات میں) سات قسم کے مصافحات کا ذکر ملتا ہے :

1۔المصافحۃ العلویۃ الحسنیۃ: حضرت علیؓ کا حسن بصریؒ سے مصافحہ کرنا
2۔المصافحۃ الأنسیۃ: ابوہرمز کا انس بن مالکؓ سے مصافحہ کرنا
3۔المصافحۃ الخضریۃ:حضرت خضر ؑ سے مصافحہ کی نسبت
4۔المصافحۃ المعمریۃ الحبشیۃ:حبشہ کے معمرین میں سے کسی کی طرف منسوب
5۔المصافحۃ المعمریۃ المغربیۃ: اس مصافحہ کی نسبت معمر مغربی کی طرف ہے
6۔المصافحۃ الجنیۃ :شمہورش جنی کی طرف منسوب مصافحہ

یہ سب باطل اور بے وزن باتیں ہیں اور یہ درست نہیں کہ ان باتوں سے خوش ہوا جائے یا کوئی طالب علم ان کی تصدیق کرے۔ (المصنوع بتحقیقعبدالفتاح ابوغدہ: ص ۲۶۹،۲۷۰)

 

[کلیم حیدر]

آخری بات:
روایات مسلسل بالمصافحہ پر مذکورہ بالا جرح کے بالمقابل ائمہ صوفیا ان روایات کو صحیح خیال کرتے ہیں اور اس طرح بعض متساہلین نے اپنی کتب میں ان روایات کو جگہ دی اور اُنہیں ثابت کرنے کی کوشش کی ہے۔ ان روایات پر محدثین کرام کی قرآن وسنت کے دلائل پر مبنی واضح نصوص کی بنیاد پر جرح کے برعکس صوفیا کے نزدیک ان کی صحت کا معیار دو چیزیں ہیں:

1۔کشف کی وجہ سے ان روایات کی صحت کو پرکھا گیا ہے۔
2۔اور یہ کہ خضر ؑ اور دوسرے معمرین’’ أرأیتکم لیلتکم ۔۔۔ الخ‘‘ کے عموم سے خاص ہیں۔ (الإبریز لأحمد بن المبارک السلجماسي، ص۱۶۹)

اوّل الذکر اُصول کا محدثین کے ہاں کوئی وزن نہیں کہ کشف کے ذریعے کسی روایت کی صحت پرکھی جائے۔اور اس اصول کو پیش کرنا دور کی کوڑی لانے کے مصداق ہے۔ جبکہ آخر الذکر دعویٰ میں خصوص کی کوئی دلیل نہیں جو انہیں ’’أرأیتکم لیلتکم۔۔۔الخ‘‘ کے عموم سے خارج کردے، یوں بھی حضرت خضر علیہ السلام کی وفات پر کئی دیگر قرآنی دلائل بھی شاہد ہیں۔ لہٰذا بلا دلیل عام کو خاص کرنا بے اُصولی اور بے جا ضد ہے جو شریعت ِمطہرہ میں نا قابل قبول ہے۔

۔۔۔ختم شد۔۔۔

 

[ابوالحسن علوی]

جزاكم الله خيرا