شرح معانی الآثار اور شرح مشکل آثار

[قاضی786]

السلام علیکم

امام طحاوی کی ان ناموں سے کتب کیا ایک ہے یا الگ الگ؟

ان کتب کا مقصد کیا ہے؟

شرح معانی الاثار میں ان کے اس قول کا کیا مطلب ہے؟

وإقامة الحجة لمن صح عندي قوله منهم, بما يصح به مثله من كتاب, أو سنة, أو أجماع, أو تواتر من أقاويل الصحابة, أو تابعيهم.

بہت بہت شکریہ

 

[شاد]

یہ دوالگ الگ کتابیں ہیں۔
دونوں کتابوں کا مقصد ایک ہے
انہوں نے بطور خاص شرح معانی الآثار کے مقدمہ میں لکھاہے کہ کچھ لوگ ایسے ہیں جواحادیث پاک میں تعارض اورتناقض وتضاد کا الزام لگاتے ہیں اورکہتے ہیں کہ احادیث آپس میں مختلف اورمتعارض ہیں، اسی الزام کے دفعیہ کیلئے یہ دونوں کتابیں لکھی گئی ہیں، شرح معانی الآثار فقہی طرز پر ہے اوراس میں صرف فقہی مسائل سے بحث کی گئی ہے جب کہ شرح مشکل الآثار عام ہے ۔ اس میں فقہ کے ساتھ دیگر تمام ایسی حدیث بھی زیر بحث لائی گئی ہیں جس کے فہم میں کوئی دشواری ہو یااس کے بظاہر متضاد کوئی حدیث ہو وہ حدیث کو ذکر کرکے اس میں تطبیق بیان کرتے ہیں۔
شرح معانی الآثار میں جو جملہ آپ نے کوٹ کیاہے اس کا مطلب یہ ہے کہ فقہی مسائل میں وہ اسی قول پر دلیل قائم کریں گے جس کو وہ فقہاء کے قول میں سے صحیح اوردرست سمجھتے ہیں اورجس کی تائید میں قرآن ،حدیث،اجماع ،صحابہ کرام اورتابعین عظام کے اقوال ہوں۔
یعنی وہ کسی رائے کو جو ترجیح دیں گے اورکسی کومرجوح کہیں گے تو تقلیدانہیں بلکہ جس پر حجت قائم ہوگی۔
یہی وجہ ہے کہ کبھی وہ امام ابوحنیفہ کی رائے کو ترجیح دیتے ہیں کبھی امام محمد کی رائے کو کبھی امام ابویوسف کی رائے اورکبھی ان تینوں سے ہٹ کر الگ اپنی رائے بھی رکھتے ہیں۔ یہ کتاب شرح معانی الآثار امام طحاوی کی شان اجتہاد کی ایک مثال ہے۔

 

[قاضی786]

شکریہ

یہ بتائے گا کہ کیا امام طحاوی کی دونوں کتب میں موجود احادیث ان کی نظر میں صحیح یا مستند تھیں؟

شرح مشکل آثار کے متعلق یہ سنا ہے کہ وہ مستند روایات رکھتی ہے

شرح معانی آثار کے متعلق کیا کہا جاتا ہے؟ کیا امام طحاوی کے مطابق مستند روایات ہیں؟

 

[شاد]

امام طحاوی علیہ الرحمہ کاشرح معانی الآثار میں طرز یہ ہےکہ وہ ایک فقہی مسئلہ لیتےہیں جوکہ مختلف فیہ ہوتاہےاس میں وہ اولااپنے فریق کی دلیل مختلف سندوں سے بیان کرتےہیں۔اگراس مسئلہ میں کئی فریق ہیں توہرفریق کی سنت سے جودلیل ہوتی ہے اس کااپنی سند سےذکر کرتے ہیں۔ امام طحاوی علیہ الرحمہ کی معانی الآثار کادرجہ کیاہے
توشاہ ولی اللہ علیہ الرحمہ اوربعض افراد کی رائے ہے کہ وہ طبقہ رابعہ میں ہے لیکن یہ رائے درست نہیں ہے۔
حضرت شاہ ولی اللہ کی یہی رائے امام بیہقی کی کتاب سنن کبری وغیرہ کے بھی بارے میں ہے لیکن بعض لوگ امام طحاوی کے بارے میں ان کی رائے قبول کرتے ہیں اورامام بیہقی کے بارے میں قبول نہیں کرتے۔ یہ دوطرفہ طرزعمل ہے جودرست نہیں ہے۔
معتدل رائے علامہ انورشاہ کاشمیری کی ہے کہ اس کادرجہ سنن ابودائود سےقریب تر ہے۔ بیشتر حدیثیں درست ہیں کچھ حدیث ضعیف اورکچھ بہت ضعیف ہیں۔ لیکن عمومی طورپر امام طحاوی جہاں ضعیف سند سےکوئی حدیث ذکرکرتے ہیں تواس کےمتابعات کابھی بخوبی ذکر کردیتے ہیں۔ بعض مقامات پرامام طحاوی خود رجال پر کلام کرتے ہیں حدیث پر کلام کرتے ہیں۔ حقیقت یہ ہے کہ شرح معانی الآثار کی خوبی اس کے مطالعہ کے بعد ہی واضح ہوتی ہے اس سے پہلے نہیں۔

 

[ابو فاران نعیم بن شہزاد]

السلام علیکم! شرح مشکل الآثار للطحاوی کا اردو ترجمہ در کار ہے ،اگر کسی صاحب کے علم میں ہو تو براہِ مہربانی لنک بتا کر ممنوں فرمائیں ۔

 

[hafiz muhamad murtaza]

السلام علیکم! شرح مشکل الآثار للطحاوی کا اردو ترجمہ در کار ہے ،اگر کسی صاحب کے علم میں ہو تو براہِ مہربانی لنک بتا کر ممنوں فرمائیں ۔

*وَعَلَيْكُم السَّلَام وَرَحْمَةُ اَللهِ وَبَرَكاتُه*
گوگل پر سرچ کریں دیوبندیوں اور بریلویوں نے اس کے کئی ترجمے کیے ہیں جو تقریبا سب نیٹ پر دستیاب ہیں

 

[ابو فاران نعیم بن شہزاد]

جزاک اللہ خیر