شیخ محمد بن عبد الوہاب اور شاہ ولی اللہ محدث دہلوی ؒ ڈاکٹر اسرار صاحب کی نظر میں

[aqeel]

یہ اقتباس ڈاکٹر صاحب کی کتاب’’مروجہ تصوف یا سلوک محمدی ‘‘ سے لیا گیا ہے ،کاش جس تصوف کو ڈاکٹر صاحب صیح سمجھتے تھے، (میرے خیال وہ شاہ ولی اللہؒ علیہ سے بہت متاثر تھے ،جیسا کہ مذکور کتاب سے ظاہر ہے) خود بھی حاصل کرتے ،اسی کو اپنی جماعت میں رائج کر جاتے ،مگر حقیقت یہ ہے عملی تصوف کے بغیر تصوف کو جاننا مشکل ہے۔مگر تصوف کا علم صرف کتابیں پڑھنے حاصل نہیں ہوتا،بلکہ اسکے لئے اور بھی شرائط ہیں۔
اس اقتباس سے صوفیا کی عظمت اور مرتبہ منکرین تصوف پر حجت ہے۔اور یہ بھی معلوم ہوا کہ اہل علم ،منکرین تصوف اور داعی تصوف اسلامی کو کس نظر سے دیکھتے ہیں۔

 

[شاکر]

کلیم حیدر بھائی،
عقیل صاحب کے تصوف پر مبنی تمام دھاگے یکجا کر دیجئے۔ شکریہ

 

[شاہد نذیر]

ڈاکٹر اسرار احمد صاحب جو بذات خود راہ حق سے ہٹے ہوئے اور گمراہ کن افکار کے مالک تھے کا بے دلیل قول دوسروں پر حجت کب سے ہونے لگا؟

 

[فیض اللہ]

ڈاکٹر اسرار برصغیر کے اسلام سے متاثر تھا اصل عربی خالص اسلام سے دور تھا

 

[aqeel]

ویسے آپکے نزدیک امت میں مسلمان کون ہے؟

 

[گڈمسلم]

ویسے آپکے نزدیک امت میں مسلمان کون ہے؟

کیا آپ ڈاکٹر صاحب کو اپنے لیے حجت سمجھتے ہیں ؟

 

[محمد علی جواد]

پاکستان کے بھی اکثر علماء ان کے عجیب و غریب نظریات سے خائف رہے -خاص کر مہدی رحمللہ کی آمد سے متعلق ان کے نظریات بھی عجیب قسم کے تھے - غالبا ١٩٩٨ میں فرمایا تھا کہ مہدی پیدا ہو چکے ہیں اور ٢٠٠٢ میں ان کا ظہور ہونے والا ہے -جس پر اس وقت کے اکثر علما ء نے ان کے دماغی توازن خراب ہونے کا فتویٰ بھی دے دیا تھا .الله ان پر رحم کرے لیکن مجموعی طو ر پر وہ صحیح اسلامی نظریات کے حامل نہیں تھے -بلکہ حقیقت میں جیسا فیض اللہ صاحب نے فرمایا کہ وہ برصغیر کے اسلام سے متاثر تھے -(واللہ عالم )

 

[aqeel]

ڈاکٹر اسرار برصغیر کے اسلام سے متاثر تھا اصل عربی خالص اسلام سے دور تھا

چلو داکٹر صاحب تو اصلی اسلام سے دور تھے ذرایہ بتا دے سید نذیر حسین دہلویؒ بھی اصلی اسلام سے دور تھے؟
’’حضرت سید نذیر حسین دہلویؒ کی زندگی کا ایک اہم پہلو‘‘ کا اچھی طرح جائزہ لے کر بتا دے،کیونکہ
کیونکہ ابن عربی کی حمایت سے داکٹر صاحب دین سے خارج؟
جب کہ میاں صاحبؒ بھی ابن عربی کے حمایتی ہیں۔دیکھتے آپ کا فتوی کیا کہتا ہے؟

 

[مدثر الیاس]

میرے بھائی.
لوگوں کی ایک تو بہت بری عادت ہے کہ اپنے کم علم کو ہی دنیا کا سارا علم سمجھ لیا کرتے ہیں. احادیث کی روشنی میں کبھی اسرائیل کا دوبارہ بننا تو دیکھئے گا. وہ کیسے دو ہزار سال بعد واپس ا گئے ہیں اور مسلمان اپنی سب سے پستی کی حالت میں پہنچ چکے ہیں.
میں ڈاکٹر صاحب کو اتنا نہیں سنا لیکن جہاں تک بات ہے مہدی، دجال اور یاجوج ماجوج وغیرہ تو وہ تو بس ہوا کہ ہوا. کچھ ماہ پہلے ہمارے مسجد کے امام جو کہ جماعت دعوه میں لمبا عرصہ جہاد کر چکے ہیں، انہوں نے بھی یہی بات کی کہ کچھ لوگ کہتے ہیں کہ یاجوج ماجوج آ چکے ہیں اور امام مہدی آ رہے. یہ سب جھوٹ کہتے ہیں. میں نے خطبہ کے بعد انسے پوچھا. کیا آپ جانتے ہیں کہ یہودی ٢٠٠٠ سال بعد فلسطین میں واپس آ گے ہیں اور اب تقریبن دنیا پر حکومت کر رہے ہیں. انہوں نے کہا جی جانتا ہوں. پھر میں نے پوچھا کہ سورت انبیاء آیت ٩٥-٩٦ میں ایک بستی کا ذکر ہو رہا. جس کا مطلب کچھ یوں ہے...
اور جس بستی کو ہم نے ہلاک کر دیا اس پر لازم ہے کہ وہاں کے لوگ پلٹ کر نہیں آئیں گے ۔یہاں تک کہ یاجوج اور ماجوج کھول دیئے جائیں گے اور وہ ہر بلندی سے دوڑتے ہوئے آئیں گے (١)۔

اب یہ کونسی بستی ہے؟ وہ چپ رہے.... پھر میں نے کہا کہ کیا آپ نے صحیح بخاری پڑھی ہے کہ وہ یاجوج ماجوج کے بارے میں کیا کہتی ہے؟ صحیح بخاری میں تین سے چار بار حدیث موجود ہیں کہ یاجوج ماجوج کی دیوار میں سوراخ شرو ہو گیا ہے اور عربوں کے لئے یہ عظیم خطرہ ہے. انہوں نے کہا کہ میں نے نہیں پڑھی. اب جس بندے نے حدیث کی سب سے اونچی کتاب نہیں پڑھی وہ دوسروں پی انگلیاں اٹھاتا ہے کہ دوسرے کا موقف ٹھیک نہیں... میں حدیث لکھتا ہوں بخاری شریف سے...

صحیح بخاری:جلد دوم:حدیث نمبر 604 حدیث متواتر حدیث مرفوع مکررات 9 متفق علیہ 7
یحیی بن بکیر لیث عقیل ابن شہاب عروہ بن زبیر زینب بنت ابوسلمہ حضرت ام حبیبہ بنت ابوسفیان حضرت زینب بنت جحش رضی اللہ عنہن سے روایت کرتی ہے کہ رسالت مآب صلی اللہ علیہ وآلہ وسلم ایک دن ان کے پاس گھبرائے ہوئے تشریف لائے اور آپ صلی اللہ علیہ وسلم فرما رہے تھے کہ لا الہ الا اللہ عرب کی خرابی ہو اس شر سے جو قریب آگیا آپ صلی اللہ علیہ وسلم نے انگوٹھے اور شہادت والی انگلی کا حلقہ بنا کر اس کی طرف اشارہ کرتے ہوئے فرمایا کہ آج اس کے برابر یاجوج ماجوج نے دیوار میں سوراخ کر لیا ہے حضرت زینب نے عرض کیا یا رسول اللہ کیا ہم ہلاک ہو جائیں گے حالانکہ ہم میں نیک لوگ بھی ہیں۔ آپ صلی اللہ علیہ وسلم نے فرمایا ہاں! اس وقت جبکہ فسق وفجور کی زیادتی ہو جائے گی

آپ کیا جانوں کہ کس طرح عرب کو ختم کرنے کی سازشیں ہو رہیں. آپ تو مکہ میں کلاک ٹاور کو دیکھ کے اس کی تعریفیں کرتے نہیں تھکتے لیکن نبی پاک صلی الله علیہ وسلم نے فرمایا. جب تم دیکھو کہ مکہ کی عمارتیں پہاڑوں تک اونچی ہو رہی ہیں تو سمجھ لینا کے قیامت کی گھڑی آ چکی...

الله بہتر جانتا ہے لیکن میرے کہنے کا مقصد صرف یہ ہے کہ اپنی کم علمی کی وجہ سے دوسروں کے علم کو نشانہ نہیں بناتے...
السلام علیکم

 

[انس]

اصل سوال یہ نہیں کہ امام مہدی، دجال، نزولِ مسیح اور یاجوج ماجوج کی آمد اب قریب ہے یا دور!!

اگر یہی سوال ہے تو اس میں کسی کا کوئی اختلاف نہیں کہ ان کی آمد بہت بہت قریب ہے۔ بلکہ ان سب سے آگے بڑھ کر یہ جس چیز کی نشانی ہیں (یعنی قیامت) وہ چیز بذات خود بہت قریب ہے۔ ﴿ وما يدريك لعل الساعة تكون قريبا ﴾

سوال یہ ہے کہ کیا ان کیلئے کوئی بالضّبط مدت مقرر کی جا سکتی ہے؟؟؟

مثلاً کیا یہ کہا جا سکتا ہے کہ قیامت سن 2050ء میں آجائے گی؟؟؟

یا

دجال کا ظہور دس سال کے دوران ہوجائے گا؟؟؟ وغیرہ وغیرہ

ظاہر سی بات ہے کہ بالضّبط ماہ وسال کے ساتھ اس کا اندازہ کرنا یا مثلاً یہ کہنا امام مہدی پیدا ہو چکے ہیں، علم غیب ہے، اس قسم کی باتوں کی تائید کوئی بھی نہیں کرے گا۔

اور اس بارے میں ڈاکٹر صاحب کے موقف کی مخالفت کرنا ان کو نشانہ بنانا نہیں ہے۔

واللہ اعلم!