قرآن عظیم الشان کے عربی پر اعتراضات

[ابومحمد]

الیاسی صاحب آپ واپس آ گئے آپ کے استاد صاحب کی علمی قابلیت کا اندازہ مجھے اس وقت ہی ہو گیا تھا جب رجم والے تھریڈ میں دو آیا ت کا ظاھری تضاد دور کرنے کا کہا تھا ۔اب تو خیر آپ لوگ عربی کے اعتراضات کا بھی جواب دے رہے ہیں ماشاء اللہ

 

[الیاسی]

قابل صد احترام جناب انس نظر صاحب السلام علیکم ورحمت اللہ وبرکاتہ
آپ کی پوسٹ نمبرون کی آیت نمبرون یعنی سورہ مومنون کی آیت نمبر 99 کو پہلی بحث کیلیے لیتے ہیں پھر باقی آیات مبارکہ پر بھی بات کرینگے ایک ایک پواینٹ پر اگر بات کیجاے تو ان شاء اللہ ہمیں حق تک پھنچنا آسان ھوگا
جناب انس نظر صاحب یھاں پر بحث ہورھی ہے مشرکین کا اس آیت مبارکہ کی سابقہ آیات سے بھی پتہ چلتا ہے واضح آیت ہے حَتّىٰ إِذا جاءَ أَحَدَهُمُ المَوتُ قالَ رَ‌بِّ ار‌جِعونِ آپ اسی سورت کی آیت نمبر 91 ماتخذا اللہ من ولد دیکھیں تو بات واضح ھوجاتی ہیں کہ شرک اور اہل شرک کی بات چل رھی ہے یعنی یہ لوگ ایک اللہ کی ساتھ اور الہ کو بھی مانتے تھے جن کاقرآن مجید رد کررھا تھا
جناب انس نظر صاحب دیکھیں نا احدھم سے کون مراد ہے یھاں رب ارجعون ان کا ہی قول ہے اس لیے انھوں نے پہلی رب اور پھر ارجعون جمع امرحاضر کا صیغہ استعمال کیا ہے کیونکہ وہ لوگ ایک بڑے اللہ کوبھی مانتے تھے اور ان کی ساتھ شریک بھی مانتے تھے تو اسی نظریے سے انھوں نے واحد اورجمع دونوں کا صیغہ استعمال کیا ھے
امید ہے کہ آپ ًمحبت سےاس پر غور کرینگے تو پھر ھم آگے بات بڑھادینگے

 

[الیاسی]

قابل صد احترام جناب انس نظر صاحب ھمارے موقف کیلیے اس لنک کو ملاحظہ فرماے استاد محترم کا پورا مضمون یہ ہے
https://www.facebook.com/media/set/?set=a.513685862018044.1073741826.182594355127198&type=1

 

[الیاسی]

محترم جناب انس نظر صاحب حفظکم اللہ تعالی اگر ٹایم ملے تو اس پہلی آیت پر کچھ گفتگو فرماے ہمارے معروضات پر تاکہ پھر ہم باقی آیات پر بھی گفتگو کریں جو آپ نے اپنے سابقہ پوسٹوں میں تحریر فرمادی تھی

 

[انس]

قابل صد احترام جناب انس نظر صاحب ھمارے موقف کیلیے اس لنک کو ملاحظہ فرماے استاد محترم کا پورا مضمون یہ ہے
https://www.facebook.com/media/set/?set=a.513685862018044.1073741826.182594355127198&type=1

الیاسی صاحب! آپ اس مضمون کا مرکزی خیال یہاں بیان کر دیں تاکہ اس پر بات آگے بڑھائی جا سکے ....

 

[الیاسی]

جنا ب انس نظر صاحب ، آیت 91 میں کفار نے اللہ کے ساتھ کسی اور کو بھی الہ سمجھا اور آیت نمبر 99 میں ان ھی کو جمع کے صیغے میں پکارا ھے- قرآن مجید کی بہت ساری آیات ایسی ھیں جھاں جمع کا صیغہ استعمال کیا گیا ہےلیکن وھاں اللہ مراد ہے ہی نھیں لوگوں کو غلط فھمی ہورہی ہے اور غیراللہ کو اللہ سمجھ رھے ہیں
خلاصہ آیت91 میں مشرکین کے ایمان کاتعارف کروایا گیاہے، اور آیت 99 میں ان کے ایمان اسی مشرکانہ ایمان کا اظھار ہے غلط فھمی اس وقت پیداہوتی ہے جب ھم آیت91 سے صرف نظر کر کےصرف آیت99 کی سمجھنے کی کوشش کریں -
اس مضمون کے بہت فواید ہیں ایک تو یہ کہ جو لوگ غیراللہ کو اللہ سمجھ رہے ہیں وہ سمجھ جایں اور ایسانہ کریں اور دوسرا فایدہ یہ کہ ایک مسلمان عالم محض اس لیۓ عیسائی بن گیا تھا، کرسچنوں کے اس اعتراض کی وجہ سے کہ تثیلث کا عقیدہ صحیح ہے کیونکہ اللہ نے قرآن میں اپنی لیے بارہا جمع کا صیغہ استعمال کیا ہے تو میرے استاد محترم جناب الیاس ستار صاحب حفظہ اللہ تعالی نے تفصیلی جواب دیکر ان کو سمجھایا ہے کہ ھرجگہ جمع کی صیغے سے مراد اللہ تعالی نھیں ہے-

 

[عبدالعلام]

الیاسی صاحب آپ اپنی بات انس ساحب سے جاری رکھین میں صرف اتنا جاننا چاھتا ہوں کہ سورہ بقرہ کی ایت واذ قلنا للملاءکۃ اسجدوا لادم فسجدوا الا ابلیس ابی واستکبر وکان من الکافرین میں جمع کے صیغے سے کیا مراد ہے- شکریہ

 

[انس]

الیاسی صاحب میں نے آپ نے سوال کیا تھا کہ

الیاسی صاحب سے سوال ہے کہ قرآن کریم نے اللہ تعالیٰ نے اپنے لیے جہاں جہاں جمع کا صیغہ استعمال فرمایا ہے، اس کے متعلق ان کا اور ان کے استاد کا کیا موقف ہے؟؟؟

میرا سوال بالکل واضح ہے کہ جہاں بھی اللہ کیلئے جمع کا صیغہ آیا ہے اس کے متعلق اپنا موقف واضح کریں!
آپ نے جواب میں سورۃ المؤمنون کی ایک خاص آیت کریمہ (نمبر 99) کے متعلّق بات شروع کر دی۔ یہ آیت کریمہ میں نے ہی اپنے موقف میں پیش کی تھی، اس آیت کریمہ کے متعلق میرا ایک موقف ہے جو میں نے سلف صالحین کی تفاسیر سے سمجھا ہے، وللہ الحمد والمنّۃ! لیکن مخصوص آیات پر بعد میں بات کریں گے۔

پہلے آپ قرآن کریم میں اللہ تعالیٰ کیلئے جہاں جہاں جمع کے صیغے آئے ہیں، ان کے متعلق اپنا عمومی موقف واضح کریں!

ہم کہتے ہیں جمع تعظیم کیلئے ہیں!

آپ کیا کہتے ہیں؟؟؟

اگرآپ نہیں بتا سکتے تو اپنے استاد محترم سے پوچھ کر بتا دیں۔ میں سمجھتا ہوں کہ اس کے بغیر آپ سے بعض مخصوص آیات سے متعلق بحث بے فائدہ ہے۔

 

[کفایت اللہ]

قرآن پر نحوی و صرفی اعتراض کرنے والوں کو پہلے یہ طے کر لینا چاہئے کہ نحو وصرف کے قواعد کہاں سے ماخوذ ہیں ؟؟
نحو وصرف کا کون ساقاعدہ درست ہے؟ کون ساغلط؟ اس کا فیصلہ کس بات اورکس دلیل سے ہوگا؟؟
جن لوگوں نے نحو وصرف کے قواعدبیان کئے ہیں ان کا مرجع وماخذ ودلائل کیا ہے؟؟



ظاہر ہے کہ نحو وصرف کے قواعد کی بنیاد ودلائل اہل عرب کا کلام ہے ۔
اور عہد رسالت میں جو اہل عرب تھے ان کا کلام نحو و صرف کے باب میں حجت ودلیل ہے ۔
اگر کوئی کوئی عربی عبارت اس دور کی ثابت ہوجائے تو وہ بجائے خود حجت ودلیل ہے کیونکہ یہ اس دور کی عبارت ہے جو قواعد کے مرجع ودلیل کا دور ہے۔
اس دور کی عبارتیں بعد میں بیان کردہ قواعد کے تابع نہیں بلکہ بعد میں بیان کردہ قواعد اس دور کے کلام کے تابع ہیں۔



لہٰذا اصولی اعتبار سے اس دور کے کلام کو نحو و صرف کے قواعد پر پرکھنے کا سوال ہی پیدا نہیں ہوتا بلکہ نحو وصرف کے بیان کردہ قواعد خود اس بات کے محتاج ہیں کہ وہ اس دور کے کلام سے مطابقت رکھتے ہوں۔
اگر اس دور میں کوئی کلام استعمال میں آیا ہے اور بعد کے بیان کردہ قواعد اس کے خلاف ہیں تو نقص مرجع کے دور میں مستعمل کلام میں نہیں بلکہ بعد میں بیان کردہ قاعدہ میں ہوگا۔
اصولی اعتبار سے اعتراض مرجع کے دور میں مستعمل کلام پر نہیں بلکہ بعد میں بیان کردہ قاعدہ پر ہونا چاہئے اور اعتراض کرنے والوں کو یوں کہنا چاہئے کہ نحو وصرف کے ماہرین نے یہ کیسا قاعدہ بیان کردیا جو مرجع کے دور میں مستعمل کلام کے خلاف ہے؟؟

نیز یہ مقام اور اٹھارٹی اور مرجع ودلائل کی حیثیت اس دور کے عام کلام کو حاصل ہے ۔
اور قران مجید کا نزول اسی دور میں ہوا اور یہ اسی دور کے اہل عرب کی زبان میں نازل ہوا ۔
اس پر اعتراض کی تو سرے سے گنجائش ہی نہیں ہے کیونکہ یہ کلام اس دور میں نازل ہوا ہے جو دور نحو وصرف کے قواعد کے مرجع ودلیل کا دور ہے ۔

ایک مسلمان تو یہ تصور بھی نہیں کرسکتا کہ اس میں عربی قواعد کے لحاظ سے غلطی ہوسکتی ہے کیونکہ یہ کلام منزل من اللہ ہے ۔



اگرمرجع کے دور میں کسی جاہل بدو عرب نے خواب میں بڑبڑاتے ہوئے کوئی کلام استعمال کرلیا اور یہ کلام بعد کے بیان کردہ نحو یا صرف کے ان قواعد کے خلاف ہو جسے نحو و صرف کے ماہرین کی ایک جماعت نے بیان کیا ہو تو ایسی صورت میں بھی محل نظر بیان کردہ قاعدہ ہی ٹہرے گا، نہ کہ جاہل بدو عرب کی بڑبڑاہٹ پر مشتمل کلام !!
یہ اتھارٹی ایک جاہل بدو عرب کے کلام کو حاصل ہے قرانی مجید تو رب العالمین کا کلام ہے ۔



اور اگر کوئی دہریہ اور کافر اور بد دماغ اس بات پر ایمان نہ رکھے کہ یہ اللہ کا کلام ہے اور منزل من اللہ ہے ، تو اسے بھی یہ حق حاصل نہیں کہ اس کلام پر نحو وصرف کے قواعد کو لے کر اعتراض کرے کیونکہ یہ اس دور کا کلام ہے جو دور نحو و صرف کے قواعد کے مرجع ودلیل کا دور ہے۔

اگر مرجع کے دور کا کوئی کلام بعد میں وضع کردہ قاعدہ کے خلاف نظر آئے تو قاعدہ کو سمجھنے کی کوشش کی جائے گی نہ کہ مرجع کی حیثیت رکھنے والے کلام پر اعتراض کیا جائے گا ۔ اور اگر کوئی تطبیق ممکن نہ ہوئی تو بھی مرجع کی حیثیت رکھنے والا کلام اپنی جگہ پر اٹل رہے گا اور قاعدہ کو یہ کہتے ہوئے اپنی خیر منانی ہوگی کہ : لکل قاعدۃ شواذ۔ اور اگر اس کی بھی گنجائش نہ رہی تو قاعدہ کو مسمار ہونا پڑے گا۔ نحو وصرف کی کتابوں میں ایسے مسمار شدہ قواعد کے کھنڈرات بہت ملتے ہیں۔

افسوس ! دنیائے قواعد کی یہ کیسی بوالعجبی ہے کہ قواعد کو لیکر قواعد کے مرجع ودلیل پر اعتراض کیا جارہاہے ؟؟؟
یہ تو وہی مثال ہوئی کہ کسی فقہی قاعدہ کو لیکر قرآن کی کسی آیت یا کسی صحیح حدیث پر اعتراض کردیا جائے۔ یہ کہہ کر یہ آیت یا یہ صحیح حدیث فقہی قاعدہ کے خلاف ہے!!!
ظاہر ہے کہ یہ طرزعمل احمقانہ ہے کیونکہ فقہی قواعد ، قران و صحیح حدیث ہی سے ماخوذ ہیں اور قران و صحیح حدیث فقہی قواعد کے لئے دلیل کی حیثیت رکھتے ہیں۔ اگر کوئی قرآنی آیت یا صحیح حدیث کسی فقہی قاعدہ کے خلاف نظر آئے تو اصولی اعتبار سے اعتراض قرآنی آیت یا صحیح حدیث پر نہیں بلکہ فقہی قاعدہ پر وارد ہوگا۔
دریں صورت فقہی قاعدہ کو سمجھنے کی کوشش کی جائے گی نہ کہ قرآن و صحیح حدیث پر اعتراض کیا جائے گا جو فقہی قواعد کی دلیل کی حیثیت رکھتے ہیں۔ اوراگر کوئی قرآنی آیت یا کوئی صحیح حدیث کسی فقہی قاعدہ کا ساتھ نہ دے تو قاعدہ ہی کو ٹوٹنا پڑے گا۔ اور قواعد فقہیہ کی کتب میں ایسے متروک قواعد کا ذکر موجودہے۔

اسے دوسری مثال سے یوں سمجھیں کی کسی سائنس داں کے بیان کردہ کسی اصول یا فارمولہ کے خلاف اگر کوئی کائناتی حقیقت نظر آئے تو محل اعتراض کون سی چیز ہوگی ؟؟ کائناتی حقیقت یا سانس دانوں کا بیان کردہ اصول و فارمولہ ؟؟
ظاہر ہے کہ کائناتی حقیقت اٹل ثابت ہوگی کیونکہ یہی سائنسی تحقیقات کا مرجع ہے ۔
دریں صورت بھی کوئی مطابقت تلاش کی جائے گی اور اگر اس کا امکان نہ ہو تو کائناتی حقیقت سائنس دانوں کے بیان کردہ اصول و فارمولوں کی دھجیاں بکھیردے گی۔

بہت پہلے سائنسدانوں نے یہ تحقیق پیش کی تھی کی سورج گردش نہیں کرتا لیکن بعد میں کائناتی حقیقت یہ سامنے آئی کہ سورج گردش کرتا ہے ۔ تو کیا کائناتی حقیقت ہی کو جھٹلا دیا جائے یا سائنسدانوں کی بیان کردہ تحقیق کو ؟؟ انجام کار کس کو پیچھے ہٹنا پڑا یہ سب کو معلوم ہے۔

الغرض یہ کہ کسی چیز پر اعتراض کرنے سے پہلے یہ طے کرلیا جائے کہ اس پر اعتراض کے امکانات بھی ہیں یا نہیں ؟؟
اگرکوئی چیز اعتراضات سے بالاتر ہو تو اس پر اعتراض کی کوشش انتہائی بچکانہ اور حددرجہ احمقانہ حرکت ہے۔

اللہ ہم سب کو سمجھ عطاء فرمائے۔آمین

 

[الیاسی]

ہم کہتے ہیں جمع تعظیم کیلئے ہیں!
جناب انس نظر صاحب ویوم نحشر المتقین الی الرحمن وفدا
اس آیت مبارکہ میں بقول آپ کے آپ کیسے بولینگے کہ نحشر سے اللہ مراد ہے ؟؟؟؟؟