متفرق اشعار

[ساجد تاج]

کوئی سوال جو پوچھے تو کیا کہوں اس سے
بچھڑنے والے سبب تو بتا جُدائی کا

 

[ساجد تاج]

اب نزع کا عالم ہے مجھ پر، تم اپنی محبت واپس لو
جب کشتی ڈوبنے لگتی ہے تو بوجھ اُتارا کرتے ہیں

 

[ساجد تاج]

آدمی وہ نہیں حالات بدل دیں جن کو
آدمی وہ ہیں جو حالات بدل دیتے ہیں

 

[ساجد تاج]

زندگی کے نام لیوا موت سے ڈرتے نہیں
حادثوں کا خوف لے کر گھر سے مت نکلا کرو

 

[ساجد تاج]

میرے ماضی کو اندھیروں میں دبا رہنے دو
مرا ماضی مری ذلت کے سوا کچھ بھی نہیں
میری امیدوں کا حاصل مری کاوش کاصلہ
ایک بے نام اذیّت کے سوا کچھ بھی نہیں

 

[ساجد تاج]

ہر چند راکھ ہو کے بکھرنا ہے راہ میں
جلتے ہُوئے پروں سے اُڑا ہوں، مجھے بھی دیکھ

 

[ساجد تاج]

میری درماندہ جوانی کی تمناؤں کے
مضمحل خواب کی تعبیر بتادے مجھ کو
تیرے دامن میں گلستاں بھی ہیں ویرانے بھی
میرا حاصل مری تقدیر بتا دے مجھ کو

 

[ساجد تاج]

زندگی کی بات ساغر کیا کہیں
اک تمنا تھی تقاضا بن گئی

 

[ساجد تاج]

آئینہ میں اب کچھ ہے نہ آئینہ گری میں
ہر شخص گرفتار ہوا کم نظری میں

 

[ساجد تاج]

چشم ساقی کی عنایات پہ پابندی ہے
ان دنوں وقت پہ حالات پہ پابندی ہے
دل شکن ہوکے چلے آئے تیری محفل سے
تیری محفل میں‌تو ہر بات پر پابندی ہے