متفرق اشعار

[ساجد تاج]

بھٹکتی ہے ہوس دن رات سونے کی دکانوں میں
غریبی کان چھدواتی ہے اور تنکا ڈال لیتی ہے

 

[ساجد تاج]

وقتِ رخصت مجھے قدموں میں مچل جانے دو
یہ تمنا تو میرے دل کی نکل جانے دو
عہدوپیمان تمھارے نہ بدلنے پائیں
ساری دنیا جو بدلتی ہے تو بدل جانے دو
لب کشائی کی اجازت جو نہیں ہے اے دلہن
میری پلکوں سے میرے اشک تو ڈھل جانے دو

 

[ساجد تاج]

ہم بیوفائوں کے ساتھ بھی وفائیں کرتے رہتے ہیں
دل کے ہاتھوں مجبور ہیں اس لیے انہیں پیار کرتے رہتے ہیں

 

[ساجد تاج]

مجھے یہ زعم کہ میں حسن کا مصور ہوں
انہیں یہ ناز کہ تصویر تو ہماری ہے

 

[ساجد تاج]

شعاعِ عشق نے بزم طرب سنواری ہے
چراغ میرا ہے روشنی تمہاری ہے۔
یہ مرحلہ بڑا نازک ہے اہل دل کے لئے
عزیز تم بھی ہو ۔ زندگی بھی پیاری ہے۔
میں جس کو پوجتا آیا ہوں اُسی کو پوجوں گا
معاشرہ مصلحت وقت کا پجاری ہے۔
حصول زر کا ہنر ہم بھی جاتے ہیں مگر
ضمیر بیچ دیا جس نے وہ بھکاری ہے
سجی ہوئی ہے وہ محراب دل میں اے حاصل
نگاہِ شوق نے جو تصویر اتاری ہے۔
شاعر: حاصل مراد آبادی

 

[ساجد تاج]

تُمہارے ساتھ رہنے کا یہی اک راستہ ہے کہ
رہے باقی نہ کچھ احساس، یا پتھر کا ہو جاوں

 

[ساجد تاج]

کیا کہیں کتنے مراسم تھے ہمارے اس سے
وہ جو اک شخص ہے منہ پھیر کے جانے والا

 

[ساجد تاج]

کیا نظارا تھا مجسم تھی حیا، دیکھ آیا
اُس کی آنکھوں میں جو اُترا ہوں، وفا دیکھ آیا

 

[ساجد تاج]

وہ ہوسکے نہ مرے میں نہ ہسکا اُنکا
کہی ہے بات زمانے نے دل جلانے کی

 

[ساجد تاج]

ہو دید کا جو شوق تو آنکھوں کو بند کر
ہے دیکھنا یہی کہ نہ دیکھا کرے کوئی