متفرق اشعار

[ساجد تاج]

آتی نہیں صدائیں اس کی مرے قفس میں
ہوتی مری رہائی اے کاش میرے بس میں
کیا بدنصیب ہوں میں گھر کو ترس رہا ہوں
ساتھی تو ہیں وطن میں، مَیں قید میں پڑا ہوں

 

[ساجد تاج]

آئی بہار کلیاں پھولوں کی ہنس رہی ہیں
میں اس اندھیرے گھر میں قسمت کو رو رہا ہوں
اس قید کا الٰہی دکھڑا کسے سناؤں
ڈر ہے یہیں قفس میں، مَیں غم سے مر نہ جاؤں

 

[ساجد تاج]

جب سے چمن چھٹا ہے یہ حال ہوگیا ہے
دل غم کو کھارہا ہے ، غم دل کو کھا رہا ہے
گانا اسے سمجھ کر خوش ہوں نہ سننے والے
دکھتے ہوئے دلوں کی فریاد یہ صدا ہے

 

[ساجد تاج]

آزاد مجکو کردے او قید کرنے والے
میں بے زباں ہوں قیدی تُو چھوڑ کر دعالے

 

[ساجد تاج]

آتا ہے یاد مجھ کو گزرا ہوا زمانہ
وہ باغ کی بہاریں وہ سب کا چہچہانا

 

[ساجد تاج]

گرم ہو جاتا ہے جب محکوم قوموں کا لہو
گرم ہو جاتا ہے جب محکوم قوموں کا لہو
تھرتھراتا ہے جہان چار سوے و رنگ و بو
پاک ہوتا ہے ظن و تخمیں سے انساں کا ضمیر
کرتا ہے ہر راہ کو روشن چراغ آرزو
وہ پرانے چاک جن کو عقل سی سکتی نہیں
عشق سیتا ہے انھیں بے سوزن و تار رفو
ضربت پیہم سے ہو جاتا ہے آخر پاش پاش
حاکمیت کا بت سنگیں دل و آئینہ رو
علامہ اقبال

 

[ساجد تاج]

موت ہے اک سخت تر جس کا غلامی ہے نام
موت ہے اک سخت تر جس کا غلامی ہے نام
مکر و فن خواجگی کاش سمجھتا غلام!
شرع ملوکانہ میں جدت احکام دیکھ
صور کا غوغا حلال، حشر کی لذت حرام!
اے کہ غلامی سے ہے روح تری مضمحل
سینہء بے سوز میں ڈھونڈ خودی کا مقام!
علامہ اقبال

 

[ساجد تاج]

آج وہ کشمیر ہے محکوم و مجبور و فقیر
آج وہ کشمیر ہے محکوم و مجبور و فقیر
کل جسے اہل نظر کہتے تھے ایران صغیر
سینہء افلاک سے اٹھتی ہے آہ سوز ناک
مرد حق ہوتا ہے جب مرعوب سلطان و امیر
کہہ رہا ہے داستاں بیدردی ایام کی
کوہ کے دامن میں وہ غم خانہء دہقان پیر
آہ! یہ قوم نجیب و چرب دست و تر دماغ
ہے کہاں روز مکافات اے خدائے دیر گیر؟
علامہ اقبال

 

[ساجد تاج]

میری دیوانگی سے وہ کچھ گھبرائے ھوئے
پاس آتے تو ھیں لیکن نظریں چرائے ھوئے

 

[ساجد تاج]

جب کبھی گزر ھوتا ھے ان پرانی گلیوں میں
دریچہ دل کھل جاتا ھے ان بھولی یادوں میں