متفرق اشعار

[ساجد تاج]

وفا کیا ہے اور کون کسی سے کرتا ہے
بھول جایا کرتے ہیں لوگ مطلب نکال کے

 

[ساجد تاج]

یہ بولتے ہوئے لمحے یہ ڈولتی ہُوئی شام
ترے جمال كے صدقے، ترے وصال كے نام
خُدا كرے سَدا كِھلتے رہیں، چلیں یوں ہی
ترے لبوں كے ستارے، تری نظر كے جام

 

[ساجد تاج]

اِك نام كی اُڑتی خُوشبو میں اِك خواب سفر میں رہتا ہے
اِك بستی آنكھیں ملتی ہے، اِك شہر نظر میں رہتا ہے
كیا اہلِ ہُنر، كیا اہلِ شَرف، سب ٹكڑے، ردّی كاغذ كے
اِس دَور میں ہے وہ شخص بڑا جو روز خبر میں رہا ہے

 

[ساجد تاج]

عجیب لوگ ہیں یہ اہلِ انتظار كہ جو
خُود اپنی آگ میں جل كر سنورتے جاتے ہیں
نجانے كون سی بستی كے ہیں یہ باشندے
نظر اُٹھاتے نہیں اور گزرتے جاتے ہیں

 

[ساجد تاج]

تجھے كیا خبر ہے كہ رات بھر، تجھے دیكھ پانے كو اِك نظر
رہا ساتھ چاند كے منتظر، تری كھڑكیوں سے اُدھر كوئی

 

[ساجد تاج]

كبھی یوں بھی ہو ترے رُو برو، میں نظر مِلا كے یہ كہہ سكوں
''مری حسرتوں كو شمار كر، مری خواہشوں كا حساب دے ''
تری اِك نگاہ كے فیض سے، مری كشتِ حرف چمك اُٹھے
مِرا لفظ لفظ ہو كہكشاں، مجھے ایك ایسی كتاب دے

 

[ساجد تاج]

مُجھے رات اپنی نگاہ پہ بھی یقین نہ تھا
كوئی معجزوں سا كمال تھا مِرے سامنے
سرِ بزم جب كِسی آئنے پہ نظر پڑی
وہی ایك عكسِ جمال تھا مِرے سامنے

 

[ساجد تاج]

كِس رات كی آنكھوں میں پیمانِ سحر ہو گا
یہ خواب جو كونپل ہے، كِس رُت میں شجر ہو گا
جب رات كے پردے سے پھر رات نِكل آئے
اُس وقت كِدھر جائے، جو اہلِ نظر ہو گا

 

[ساجد تاج]

ہزاروں شہر ہیں ہمراہ اس كے
مسافر دشت میں تنہا نہیں ہے
یہ كیسے خواب سے جاگی ہیں آنكھیں
كسی منظر پہ دل جمتا نہیں ہے

 

[ساجد تاج]

ایك نظر دیكھا تھا اُس نے، آگے یاد نہیں
كُھل جاتی ہے دریا كی اوقات سمندر میں